உங்களுக்கு தெரிந்தவர்கள் மலட்டுத்தன்மை பிரச்சனையால் பாதிக்கப்பட்டிருந்தால் நீங்க என்ன செய்யணும் தெரியுமா?

கேட்க தயாராக இருங்கள்

ஒருவர் தங்களுடைய பிரச்சனையை இந்த சூழ்நிலையில் செல்லும்போது, அதை கேட்க தயாராக இருங்கள். இதனால், அவர்களுக்குள் இருக்கும் மனஅழுத்தம் சற்று குறையலாம். அவர்கள் பேசும்போது அமைதியாக இருங்கள் மற்றும் அதே விஷயத்தைப் பற்றி திரும்ப பேசுவது அவர்களுக்கு உதவியாக இருக்காது என்பதை அறிந்து தொடர்புகொள்வதில் கவனமாக இருங்கள். அவர்களுக்கு நம்பிக்கையூட்டும் விதமாக பேசுங்கள்.

கோரப்படாத ஆலோசனைகளை வழங்காதீர்கள்

உங்களுடைய நண்பர் அல்லது தெரிந்த நபர், அவர்கள் கேட்காமல் நீங்கள் அவர்களுக்கு அறிவுரை வழங்க வேண்டாம். இது அவர்களை எரிச்சலடையச் செய்யலாம். உங்களை பார்த்து அவர்கள் ஆறுதல் அடைய வேண்டும், அதைவிடுத்து அவர்களை ஓடி ஒழிய வைக்காதீர்கள். சில சமயங்களில், ஒரு நபர் குழந்தையின்மை பிரச்சனையை பகிர்ந்து கொள்ள விரும்பலாம். ஆனால், அவர்கள் விவாதிக்கும் விஷயங்களுக்காகத் தீர்வுகளைத் தேடமாட்டார்.

உங்களுக்கு தெரியும் என்று நினைக்க வேண்டாம்

மலட்டுத்தன்மையை எவ்வாறு கையாள்வது என்பது உங்களுக்குத் தெரியும் என்று நினைக்க வேண்டாம். மலட்டுத்தன்மையை கையாளும் போது ஒரு நபர் அனுபவிக்கும் அனுபவம் அவர்களுக்கு தனிப்பட்டதாக இருக்கும். அது என்னவென்று உங்களுக்குத் தெரியும் எனக் கூறினால், நீங்கள் உணர்ச்சியற்றவர்களாகவோ அல்லது அவர்கள் என்ன செய்கிறார்கள் என்பதை இழிவுபடுத்துவதாகவோ அவர்கள் உணரலாம்.

ஊக்கம் அளியுங்கள்

சமூகம் மற்றும் குடும்பங்களில் பல்வேறு பிரச்சனைகளை சந்திக்கும் இந்த சூழ்நிலையில் அவர்களுக்கு தொடர்ச்சியான ஊக்கம் தேவைப்படும் என்பதை நினைவில் கொள்ளுங்கள். அவர்கள் எதிர்கொள்ளும் பிரச்சனைகளில் தங்கள் முயற்சிகளைத் தக்கவைத்துக்கொள்வதை உறுதிசெய்வதில் இது முக்கியமானது. மலட்டுத்தன்மை ஒரு ஆரோக்கிய பிரச்சனை மட்டுமே, அதை விரைவில் சரி செய்துவிடலாம் என ஊக்கம் அளியுங்கள்.

விவாதங்களைக் கொண்டு வர வேண்டாம்

இந்த தலைப்பைச் சுற்றியுள்ள தொடர்ச்சியான உரையாடல்கள் மிகப்பெரியதாக இருக்கும். மலட்டுத்தன்மையைப் பற்றி பேசவும் விவாதிக்கவும் அந்த நபர் விரும்பும்போது மட்டுமே விவாதங்களை கொண்டு வர வேண்டும். இது, குறிப்பாக மருத்துவ பரிசோதனை மற்றும் கருவுறாமை செயல்முறைகள் மற்றும் சிகிச்சையின் நிலை பற்றிய தகவல் பற்றி பேசுவதை குறிக்கிறது.

நீங்கள் இருக்கிறீர்கள் என்பதை அவர்களுக்கு நினைவூட்டுங்கள்

தேவைப்படும்போது அவர்களுக்கு ஆதரவளிப்பதற்கும், உதவுவதற்கும் மற்றும் ஆலோசனை வழங்குவதற்கும் நீங்கள் இருக்கிறீர்கள் என்பதை அவர்களுக்கு தொடர்ந்து நினைவூட்ட வேண்டும். சரியான ஆதரவு நபராக இருப்பது மிகவும் முக்கியமானது. ஒரு நபர் கருவுறாமை பிரச்சனையை சந்திக்கும் போது, தன்னைச் சுற்றி புரிந்துகொள்ளும் நபர்கள் இருப்பதை அறிந்து, அவர்கள் சாதாரணமாக இருப்பார்கள்.