கர்ப்பமாக இருக்கும் போது உணவில் நல்லெண்ணெயை சேர்த்துக் கொள்வது நல்லதா?

கருச்சிதைவு

இந்தியாவின் சில பகுதிகளில் கருவைக் கலைப்பதற்கு நல்லெண்ணெயில் வெல்லம் சேர்த்து சாப்பிடுவார்கள். ஆகவே உங்கள் பாட்டியிடம் சென்று நல்லெண்ணெய் சாப்பிடலாமா என்று கேட்டால், அவர்கள் நிச்சயம் வேண்டாம் என்று தான் சொல்வார்கள்.

அலர்ஜி

நல்லெண்ணெயில் சல்பர் மற்றும் பாலி அன் சாச்சுரேட்டட் கொழுப்புக்கள் உள்ளது. இவை சிலருக்கு அலர்ஜியை ஏற்படுத்தக்கூடியவை. ஆகவே அலர்ஜி உள்ளவர்கள், நல்லெண்ணெயை கர்ப்ப காலத்தில் தவிர்ப்பது நல்லது.

சூட்டை தூண்டும் உணவுப் பொருள்

ஆயுர்வேத மருத்துவத்தின் படி, நல்லெண்ணெய் உடலின் வெப்பத்தை தூண்டும் உணவுப் பொருட்களில் ஒன்று. எனவே இதனை கர்ப்பிணிகள் சாப்பிட்டால், உடலின் வெப்பமானது தூண்டப்பட்டு, வயிற்றில் வளரும் சிசுவிற்கு ஆபத்தை ஏற்படுத்தும்.

ஹார்மோன் தூண்டுதல்

நல்லெண்ணெயானது உடலின் ஹார்மோனை தூண்டும் திறன் கொண்டவை. ஆகவே கர்ப்பிணிகள் நல்லெண்ணெயை உணவில் சேர்த்தால், கருப்பையானது சுருங்கப்பட்டு, குறைப்பிரசவத்தையோ அல்லது கருச்சிதைவையோ ஏற்படுத்தும். எனவே தான் பலர் நல்லெண்ணெயை கர்ப்பிணிகள் உட்கொள்ள வேண்டாம் என்று சொல்கின்றனர்.

இரத்தப்போக்கு

கர்ப்ப காலத்தில் ஏற்படும் இரத்தப்போக்கை நிறுத்தவும் உதவியாக இருக்கும். எனவே நல்லெண்ணெயை அளவாக பயன்படுத்தி வந்தால், கர்ப்ப காலத்தில் நல்லது என்று சிலர் சொல்கின்றனர்.

மலச்சிக்கல்

கர்ப்பிணிகள் சிலர் மலச்சிக்கலுக்கு ஆளாவார்கள். அத்தகையவர்கள் நல்லெண்ணெயை உணவில் சேர்த்தால், அதில் உள்ள நார்ச்சத்தானது மலச்சிக்கலை தடுக்கும். எனவே நல்லெண்ணெய் நல்லதாகவும் கருதப்படுகிறது.

பதட்டத்தைக் குறைக்கும்

பெரும்பாலான சமயங்களில் நல்லெண்ணெயானது கர்ப்பிணிகளுக்கு ஏற்படும் பதட்டத்தைக் குறைக்கும். ஏனெனில் இதில் நியாசின் என்னும் மன பதட்டத்தைக் குறைக்கும் பொருள் உள்ளது.

சைவ கர்ப்பிணிகளுக்கு நல்லது

கர்ப்பிணிகளில் சைவ உணவை மட்டும் உண்பவர்கள், இதனை உணவில் அளவாக சேர்த்து வந்தால், உடலுக்கு வேண்டிய சத்துக்கள் கிடைக்கும் என்று சொல்கின்றனர். குறிப்பாக பால் மற்றும் நட்ஸ் சாப்பிட முடியாதவர்கள், இதனை அளவாக உட்கொள்ளலாம்.