கர்ப்பத்தின் ஆறு மாத காலத்தில் ஏற்படும் மாற்றங்கள்!!!

கருவில் இருக்கும் குழந்தைக்கு என்னவாகும்?

நீங்கள் கருவுற்று ஆறு மாதம் முடிந்த வேளையில் தான் உங்கள் குழந்தையின் உடல் தசைகள் வளர்ச்சி அடைய ஆரம்பிக்கும். இந்நேரத்தில் தான் சிசுவின் அசைவுகளும் அதிகமாக இருக்கும். குழந்தையின் எடை 400 கிராம் முதல் 1360 கிராம் வரை இருக்கும். அதன் உயரம் 11 முதல் 16 இன்ச் நீளம் வரை இருக்கும்.

உடலில் ஏற்படும் மாற்றங்கள்

கர்ப்ப காலத்தில் ஏற்படும் உடல் மாற்றங்களை உன்னிப்பாக கவனித்து அக்கறையாக பார்த்துக் கொள்ள வேண்டும். கர்ப்பமாக இருக்கும் போது ஆறாம் மாதத்தில் உங்களின் உடல் பல மாற்றங்களை சந்திக்க நேரிடும். மலச்சிக்கல், வீக்கம், நெஞ்சு எரிச்சல், செரிமாமின்மை, தலைவலி, சுவாச கோளாறு போன்ற பல அறிகுறிகளை இந்நேரத்தில் உங்களுக்கு காட்டும்.

உங்கள் உடல்நலத்தையும் ஊட்டத்தையும் கவனியுங்கள்

கர்ப்ப காலத்தில் ஆறாம் மாதம் என்பது உடல் மாற்றங்களுக்கான காலம் மட்டும் கிடையாது. இந்நேரத்தில் தான் உங்கள் உடல் ஆரோக்கியத்தையும் உங்களுக்கான ஊட்டச்சத்துக்கள் மீதும் அதிக அக்கறை எடுத்துக் கொள்ள வேண்டும். இந்நேரத்தில் உங்கள் உடலின் மீது முழு கவனமும் இருக்க வேண்டும். உங்கள் உடல் ஹார்மோன்கள் கண்ணமூச்சி ஆடும் நேரமாகவும் இது விளங்குவதால் உங்கள் எரிச்சல் தன்மை அதிகரிக்கும்.

உறவுகள்

கர்ப்பம் என்பது உங்கள் வாழ்வில் பல மாற்றங்களை உண்டாக்கும். உடல் ரீதியாக மட்டுமல்லாமல் உங்கள் உறவுகள் ரீதியாகவும் பல மாறுதல்கள் ஏற்படும். சில நேரம் பல பாதிப்புக்களையும் உண்டாக்கி விடும். உடல் ரீதியான மாற்றங்களை போலவே உணர்வு மற்றும் உறவுகள் ரீதியான மாற்றங்களையும் ஏற்படுத்தும்.

குறைப்பிரசவ அறிகுறிகளை தெரிந்து கொள்ளுங்கள்

குறைப்பிரசவம் மற்றும் அதன் அறிகுறிகளை பற்றி கருவுற்று ஆறாவது மாதத்தில் கண்டிப்பாக நீங்கள் தெரிந்து கொள்ள வேண்டும். நீங்கள் தெரிந்து கொள்ள வேண்டிய சில அறிகுறிகள் இதோ - பெண்ணுறுப்பில் இரத்தக்கசிவு, யோனிமடற்கழிவு, இடுப்பு பகுதியில் கூடுதல் அழுத்தம், முதுகு வலி மற்றும் வயிற்று வலி.

தவிர்க்க வேண்டிய உணவுகள்

அறை வேக்காடு இறைச்சிகள், பாஸ்சுரைஸ் செய்யப்படாத சீஸ் மற்றும் பச்சை உணவுகளை கண்டிப்பாக தவிர்க்க வேண்டும். நீங்கள் கருவுற்று ஆறு மாதங்கள் ஆன பின்பும் இவ்வகை உணவுகள் தவிர்க்க வேண்டும். இல்லையேல் அது பல பிரச்சனைகளை ஏற்படுத்தி விடும். இவ்வகை உணவுகளில் ஆபத்தான பாக்டீரியா இருக்க வாய்ப்பு உள்ளது. இது உங்களுக்கும் உங்கள் குழந்தைக்கும் ஆபத்தை விளைவிக்கலாம்.

சிறிய அறிவுரை

கர்ப்பம் என்பது உங்கள் வாழ்க்கையில் ஒரு முக்கியமான கட்டமாகும். அதுவும் ஆறு மாதத்தை அடைந்திருந்தால் அது இன்னமும் முக்கியமான் தருணமாகும். அதனால் கூறும் அரிவுறையை கடைப்பிடியுங்கள். இந்நேரத்தில் நேராக இருக்க வேண்டும். நிற்கும் போது நேராக நிற்க வேண்டும். உங்களின் கீழ் முதுகு நேராக இருக்க வேண்டும். உட்காரும் போது பாதங்களை தரையில் ஊன்றி உட்காரவும். அனைத்து டிப்ஸ்களையும் கவனமாக பின்பற்றி உங்கள் கர்ப்ப காலத்தில் மகிழ்ச்சியுடன் இருங்கள்.