இரண்டாவது முறையாக கர்ப்பமாக முடியாமல் இருப்பதற்கான காரணங்கள்!!!

வயது

தற்போதுள்ள காலத்தில் 40 வயது ஆன பெண்கள் எளிதில் கருத்தரிக்கின்றனர். ஆனால் உண்மையில் 30 வயதானாலே, கருத்தரிக்கும் தன்மையானது குறைய ஆரம்பிக்கும். இதற்கு காரணம் ஹார்மோன்களின் செயல்பாடுகள் தான். எப்படியெனில் ஒருவர் முதல் குழந்தைக்கு 30-35 வயதில் கருத்தரித்தாலே, அது ஒரு அதிர்ஷ்டம் தான். அதற்கு பின்னர் இரண்டாவது குழந்தைக்கு முயற்சிக்கும் போது, கருத்தரிக்கும் தன்மையானது முற்றிலும் குறைந்துவிடும். எனவே தான், கருத்தரிக்க முடிவதில்லை. மேலும் 35 வயதிற்கு மேல், இறுதி மாதவிடாய் நெருங்குவதால், கருத்தரிக்க முடியாமல் போகும்.

சிசேரியன் தழும்புகள்

சில சமயங்களில், அறுவை சிகிச்சை அல்லது முதல் பிரசவத்தில் சிசேரியன் என்றால், அப்போது ஏற்படும் தழும்புகளை ஏற்படுத்தும் திசுக்கள் கருப்பையைச் சுற்றிலும் இருக்கும். இதனாலும் தடை படலாம். எனவே இதனை மருத்துவரிடம் கேட்டு தீர்வு காண்பது நல்லது. பொதுவாக இந்த பிரச்சனை நூறில் இரண்டு பேருக்கு தான் வரும்.

பாலி-சிஸ்டிக் அண்டகம்

ஒருவேளை 20 வயதில் பாலி-சிஸ்டிக் அண்டகங்கள் இல்லாவிட்டால், 30 வயதிற்கு மேல் வராது என்பதில்லை. பொதுவாக மலட்டுத்தன்மை பிரச்சனைக்கு பாலி-சிஸ்டிக் அண்டகம் தான் காரணமாக இருக்கும். அதிலும் வயதாக வயதாகத் தான் இந்த பிரச்சனை மிகவும் கொடியதாக மாறும்.

நார்த்திசுக் கட்டிகள்

நார்த்திசுக் கட்டிகள், சில சமயங்களில் பெரியதாக வளர்ந்து, கருப்பையில் அடைப்பை ஏற்படுத்தி, கருவுறுதலுக்கு இடையூறாக இருக்கும். இத்தகைய பிரச்சனை பொதுவாக 30 வயதிற்கு மேல் ஏற்படுவது தான் அதிகம். இத்தகைய பிரச்சனையை மருந்துகள் மற்றும் சரியான சிகிச்சை மூலம் சரிசெய்யலாம்.

விந்தணுவின் எண்ணிக்கை

வயது அதிகமானால், விந்தணுவின் உற்பத்தி குறைவாக இருக்கும். பொதுவாக இந்த பிரச்சனை 40 வயதிற்கு மேற்பட்ட ஆண்களுக்கு தான் ஏற்படும். ஆனால் தற்போது, அதிகப்படியான மன அழுத்தத்தால், விரைவிலேயே இந்த பிரச்சனை வந்துவிடுகிறது.

புகைப்பிடித்தல்

சாதாரணமாகவே புகைப்பிடித்தல், ஆண், பெண் இருவருக்குமே மலட்டுத்தன்மையை ஏற்படுத்தும். ஆண்களுக்கென்றால், விந்திணுவின் உற்பத்தி குறைந்துவிடும். பெண்களுக்கென்றால், கருப்பையில் தங்கும் கருவிற்கு பாதிப்பை ஏற்படுத்தி, கருவை தங்க விடாமல் செய்யும். ஆகவே இந்த செயலும் இரண்டாவது கருவுறுதலுக்கு தடையாக இருக்கலாம்.

முதல் பிரசவம்

முதல் கர்ப்பத்தின் போது ஏதேனும் பிரச்சனை இருந்தால், அது நாளடைவில் இரண்டாம் குழந்தைக்கு முயற்சிக்கும் போது தடையாக இருக்கும். உதாரணமாக, கருப்பையில் ஏதேனும் தொற்றுகள் இருந்து, அதனால் கருப்பையில் காயங்கள் ஏற்பட்டால், அது இரண்டாம் குழந்தைக்கு முயற்சிக்கும் போது இடையூறை விளைவிக்கும்.

குழந்தை இடம் மாறிய பிரசவம்

முதல் பிரசவத்தின் போது, குழந்தை இடம் மாறி இருந்து பிறந்தால், அது இரண்டாம் குழந்தைக்கு முயற்சிக்கும் போது தடையை ஏற்படுத்தும். ஏனெனில் இந்த மாதிரியான பிரசவத்தின் போது, அண்டக்குழாய்கள் அதிகம் பாதிக்கப்பட்டிருப்பதோடு, தழும்புகளை உண்டாக்கும் திசுக்கவும் சுற்றி இருக்கும்.

தைராய்டு குறைபாடு

தற்போது பெரும்பாலான பெண்கள் தைராய்டு பிரச்சனையால் அதிகம் அவஸ்தைப்படுகின்றனர். இவ்வாறு தைராய்டு சுரப்பியானது சரியாக தைராய்டு ஹார்மோன்களை சுரக்காவிட்டால், அது மாதவிடாய் சுழற்சியை பாதிப்பதால், கருவுறுதலில் பிரச்சனை ஏற்படுகிறது.

நீரிழிவு

வயதானால் நீரிழிவு நோயும், அழைக்காமல் எப்படியாவது சிலருக்கு வந்துவிடும். இவ்வாறு முதல் பிரசவத்திற்கு பின் நீரிழிவு வந்தால், அது மீண்டும் கருவுறுதலில் தடையை ஏற்படுத்தும்.