ஆட்டிஸம் பாதித்த குழந்தையின் பெற்றோர்கள் தெரிந்து கொள்ள வேண்டிய ஐந்து முக்கிய விஷயங்கள்!

ஆட்டிஸம் பற்றி அறிந்து கொள்ளுங்கள்

நீங்கள் ஆட்டிஸத்தின் அறிகுறிகள் முதல் அதற்கான பல்வேறு சிகிச்சை முறைகள் வரை, எவ்வளவு முடியுமோ அவ்வளவு தெரிந்து கொள்ள முயற்சி செய்யுங்கள். நீங்கள் அதைப் பற்றி தெரிந்து நன்றாகத் தெரிந்து கொள்வது, நீங்கள் உங்கள் குழந்தையை நன்கு பார்த்துக் கொள்ள உதவும்.

ஆட்டிஸம் ஆதரவு குழுக்களில் இணையலாம்

ஆட்டிஸத்தால் பாதிக்கப்பட்ட பிற குழந்தைகளின் பெற்றோர்களுடன் நீங்கள் இணைந்திருங்கள். இது ஆட்டிஸம் பற்றிய தகவல்களைப் பகிர்ந்து கொள்ள மற்றும் ஆலோசனைகளைப் பெற மிகவும் உதவியாக இருக்கும். ஒருவருக்கு ஒருவர் ஆதரவாக இருந்து உங்களின் கடினமான காலக்கட்டத்தை கடந்து வர முயற்சி செய்யுங்கள்.

சிகிச்சை

எல்லோருக்கும் பொதுவான சிகிச்சை என்று எதுவுமில்லை என்பதை மனதில் நிறுத்தி, உங்கள் குழந்தை சீரான இடைவெளியில் சிகிச்சை பெறுகிறார் என்பதை உறுதி செய்யுங்கள். உங்கள் பிள்ளையின் அறிகுறி மற்றும் தேவைகளுக்கு ஏற்ப சிகிச்சைகளை தேர்வு செய்யுங்கள். பொதுவாக, ஆட்டிஸத்திற்கு நடத்தை சிகிச்சை, பேச்சு மொழி சிகிச்சை, நாடகம் சார்ந்த சிகிச்சை, உடல் சிகிச்சை, தொழில் சிகிச்சை மற்றும் ஊட்டச்சத்து சிகிச்சை போன்ற சிகிச்சைகள் வழங்கப்படுகின்றன.

மெளனமே பாஷையாக

உங்களின் குழந்தையால் பேச இயலாவிட்டால், அவர்களுடன் உரையாட சொற்கள் அல்லாத வழிகளை கண்டுபிடியுங்கள். இந்த சொற்கள் இல்லாமல் பேசும் முறையில், குழந்தைகள் படங்களை சுட்டிக்காட்டுவதன் மூலம் தங்களின் எண்ணத்தை வெளிப்படுத்த முடியும். இது பேச இயலாத ஆட்டிஸம் பாதித்த குழந்தைகளிடம் நல்ல பலன்களைத் தருகின்றது.

உங்கள் குழந்தையின் மீது அன்பு செலுத்துங்கள்

ஆட்டிஸம் பாதித்த குழந்தை வெளிப்படையான அவமரியாதைக்கு தகுதியானவர் என்று அர்த்தம் இல்லை. அன்போடும் மரியாதையோடும் குழந்தையை கையாளுங்கள். ஒவ்வொரு நாளையும் சிறந்த நாளாக உங்களுடைய குழந்தைக்கு கொடுத்திடுங்கள். உங்கள் குழந்தை நீங்கள் அவரை நேசிப்பதை உணர வேண்டும். மேலும் அவர்கள் தானும் ஒரு முழுமையான மற்றும் பயனுள்ள நபர் போல் உணர்ந்து வாழ்க்கையை எதிர் கொள்ள வேண்டும்.