விந்தணுக்களின் ஆரோக்கியத்தை ஒரு டம்ளர் நீரை வெச்சே தெரிஞ்சுக்கலாம்... எப்படின்னு படிச்சு பாருங்க...

விந்தணு சோதனைக்கு முன் பின்பற்ற வேண்டியவை:

* பொதுவாக விந்தணு சோதனையை மேற்கொள்வதற்கு மூன்று நாட்களுக்கு முன்பிருந்தே பாலியல் செயல்பாடுகளான உடலுறவு அல்லது சுயஇன்பம் காண்பதைத் தவிர்க்க வேண்டும்.

* இன்னும் சரியான தீர்வைப் பெற நினைத்தால், 7 நாட்களுக்கு எவ்வித பாலியல் செயல்பாடுகளிலும் ஈடுபடாதீர்கள். ஒவ்வொரு மருத்துவரும் விந்தணு சோதனைக்கு முன், இதைப் பரிந்துரைப்பார்கள். ஏனெனில் ஒருவேளை அவ்வாறு விந்தணுக்களை சோதனைக்கு முதல் நாள் வரை வெளியேற்றினால், உடலில் விந்தணுக்களின் அளவு குறைவாக இருக்கும். இந்நிலையில் சோதனையை மேற்கொள்வது தவறான முடிவையே காட்டும்.

விந்தணு பரிசோதனைக்கு தயாராவது எப்படி?

விந்தணுக்களை பரிசோதனை செய்வதற்கு, முதலில் சுயஇன்பத்தின் மூலம், விந்தணுக்களை வெளியேற்ற வேண்டும். இதற்கு நீங்கள் கைகளைப் பயன்படுத்தலாம். ஆனால் சுயஇன்ப கருவிகளைப் பயன்படுத்துவதன் மூலம், இன்னும் சிறப்பான பலன் கிடைக்கும்.

எவ்வளவு மணிநேரத்திற்குள் சோதிக்க வேண்டும்?

சோதனைக்கு பயன்படுத்தும் விந்தணு மாதிரிகள் பிரஷ்ஷாக இருப்பது நல்லது. வேண்டுமானால், விந்தணு மாதிரிகளை சேகரித்த பின், அதை அறை வெப்பநிலையில் வைத்து, 1 மணிநேரத்திற்குள் சோதித்துவிட வேண்டும். முக்கியமாக விந்தணு சோதனையை மேற்கொள்ளும் முன் மது அருந்தக்கூடாது.

நீரைக் கொண்டு சோதிப்பது எப்படி?

ஒரு டம்ளர் நீரைக் கொண்டே விந்தணு பரிசோதனையை மேற்கொள்ளலாம். ஆனால் இந்த நீர் பரிசோதனையில் விந்தணுக்கள் நல்ல தரமாக, ஆரோக்கியமாக உள்ளதா என்பதை மட்டுமே அறிய முடியும்.

இதற்கு தேவையானது ஒரு டம்ளர், தண்ணீர் மற்றும் விந்தணு. முதலில் ஒரு கண்ணாடி டம்ளரில் நீரை நிரப்பிக் கொள்ளுங்கள். பின் அதில் சேகரித்த விந்தணு மாதிரிகளை உற்றுங்கள். 2-3 நிமிடம் காத்திருங்கள். ஆனால் 5 நிமிடத்திற்கு மேல் காத்திருக்க வேண்டாம்.

முடிவு:

* நீரில் விந்தணுக்கள் மூழ்கி டம்ளரின் அடியே சென்றால், உங்கள் விந்தணுக்கள் ஆரோக்கியமானதாக உள்ளது என்று அர்த்தம்.

* ஒருவேளை விந்தணுக்கள் முழுமையாக மூழ்காமல் மையப்பகுதியில் இருந்தால், மிதமான தரத்தில் உள்ளது என்று அர்த்தம். இம்மாதிரியான முடிவைப் பெறுபவர்கள், விந்தணுக்களின் ஆரோக்கியத்தை அதிகரிக்கும் உணவுகளை உண்ண ஆரம்பிப்பது நல்லது.

* விந்தணுக்கள் மூழ்காமல் மேலே மிதந்து கொண்டிருந்தால், விந்தணுக்களின் தரம் குறைவாக உள்ளது என்று அர்த்தம். இந்நிலையில் விந்தணுக்களின் தரத்தை அதிகரிக்க உடனே வாழ்க்கை முறையில் மாற்றங்களைக் கொண்டு வர வேண்டும்.