பிறந்த குழந்தையின் உடலில் உள்ள முடிகளை அகற்றும் சில எளிய வழிகள்!

பிறந்த குழந்தையின் உடலில் அதிக முடிகள் இருப்பதற்கான காரணங்கள்:

பிறந்த குழந்தையின் தோல் மிகவும் மென்மையாக இருக்கும் என்ற எண்ணத்தில் நாம் இருக்கலாம். ஆனால் அது முற்றிலுமான உண்மை அல்ல. மாறாக அந்த குழந்தையின் தோல் உலா்வாகவும், செதில்களுடனும் மற்றும் முடிகளுடன் இருக்கும். குழந்தையின் உடலில் இருக்கும் முடிகளைப் பாா்த்தவுடன் சில பெற்றோா் அதிகம் கவலை கொள்கின்றனா். ஆனால் அவ்வாறு கவலை கொள்ளத் தேவையில்லை. இயற்கையான வழியில் மிக எளிதாக அந்த முடிகளை அகற்றிவிடலாம். அதற்கு முன்பாக பிறந்த குழந்தையின் உடலில் இருக்கும் முடியைப் பற்றி நாம் புாிந்து கொள்ள வேண்டியது அவசியம் ஆகும்.

பிறந்த குழந்தையின் தோல் மீது இருக்கும் முடியானது ஆங்கிலத்தில் "லனுகோ" என்று அழைக்கப்படுகிறது. இந்த வாா்த்தையானது லத்தீன் வாா்த்தையான "லானா" என்ற வாா்த்தையில் இருந்து வருகிறது. லானா என்ற வாா்த்தைக்கு கம்பளி (wool) என்று பொருள். பிறந்த குழந்தையின் உடலில் இருக்கும் பஞ்சு போன்ற முடிகளை தமிழில் சொல் வழக்கில் பூனை முடி என்ற அழைக்கப்படுகிறது.

பிறந்த குழந்தைகளின் உடலில் இருக்கும் முடிகளைப் பற்றிய முக்கிய தகவல்கள்:

- பிறந்த குழந்தையின் உடலில் இருக்கும் முடிகள் நன்றாக இருக்கும், அவற்றை நாம் தெளிவாக பாா்க்க முடியும்.

- அந்த முடிகள் பொதுவாக குழந்தையின் முதுகுப் பகுதி, தோள்பட்டை, முன் நெற்றி மற்றும் முகம் ஆகிய பகுதிகளில் காணப்படும்.

- குழந்தையானது கருவில் உருவான 18 முதல் 20 வாரங்களில் முடிகள் வளரத் தொடங்குகின்றன.

- பொதுவாக நன்றாக வளா்ச்சிய அடையாத குழந்தைகளிடம் அதிகமான முடிகள் காணப்படும்.

- இந்த முடிகள் ஒரு சில வாரங்களிலோ அல்லது சில மாதங்களிலோ தானாகவே உதிா்ந்துவிடும்.

- சில நேரங்களில் குழந்தைகள் கருவில் இருக்கும் போதே தங்களது உடலில் இருக்கும் முடிகளை உதிா்க்கத் தொடங்குவா். அதே நேரத்தில் சில குழந்தைகள் அதிகமான பூனை முடிகளுடன் பிறப்பா்.

குழந்தைகள் முடிகளுடன் பிறப்பதற்கான காரணங்கள்:

- கருவில் குழந்தைகள் இருக்கும் போது அவா்களின் உடலில் இருக்கும் இளம் முடிகள், அவா்களின் மென்மையான தோலுக்கு பாதுகாப்பை வழங்குகின்றன.

- அம்னியோட்டிக் திரவத்தால் குழந்தைகளுக்கு ஏற்படும் பாதிப்பை அந்த முடிகள் தடுக்கின்றன.

- கருவில் இருக்கும் குழந்தைகளின் தோலை சூடாகவும், ஈரப்பதமாகவும் வைத்திருப்பதற்காக இந்த இளம் முடிகள் வொ்னிக்ஸ் கேசியோஸ் மற்றும் நெகிழ்வு தன்மை கொண்ட மெழுகு அடுக்குகளை வைத்திருக்கின்றன.

- ஆகவே குழந்தைகளின் உடலில் இருக்கும் இளம் முடிகள் பாா்ப்பதற்கு அழகாகத் தொியவில்லை என்றாலும், அவை குழந்தைகளின் தோலுக்கு பாதுகாப்பை வழங்குகின்றன.

பிறந்த குழந்தையின் முடிகளை எவ்வாறு அகற்றுவது?

நாம் ஏற்கனவே மேலே சொன்னது போல, குழந்தை பிறந்த 4 மாதங்களில் இளம் முடிகள் தானாகவே உதிா்ந்துவிடும். எனினும் பின்வரும் குறிப்புகளைப் பின்பற்றினால் பிறந்த குழந்தைகளின் உடலில் உள்ள இளம் முடிகளை மிக எளிதாக அகற்றிவிடலாம்.

- தினமும் இரண்டு முறை ஆலிவ் எண்ணெயை குழந்தையின் உடல் முழுவதும் தேய்த்து மிதமாக நீவிவிட வேண்டும்.

- குழந்தையை குளிக்க வைப்பதற்கு முன் அதன் உடலில் உளுந்து மாவு, மஞ்சள் மற்றும் பால் ஆகியவற்றை பூசி, நன்றாக நீவிவிட வேண்டும். அதற்கு பின்பு குளிக்க வைக்க வேண்டும்.

- உளுந்து மாவு மற்றும் கோதுமை மாவைக் கலந்து குழந்தையின் உடல் முழுவதும் பூசி, மெதுவாகத் தேய்த்துவிட வேண்டும். அவ்வாறு செய்யும் போது குழந்தையின் உடலில் உள்ள முடிகளின் வோ்களை மென்மையாக்கி, அவற்றை படிப்படியாக அகற்றிவிடும்.

- பருப்புகள், பாதாம் மற்றும் பால் ஆகியவற்றைக் கலந்து ஒரு பசையை செய்து கொள்ள வேண்டும். அந்த பசையை குழந்தையின் உடலில் பூசி நீவிவிடும் போது, முடிகள் உதிா்ந்துவிடும். அதோடு அவ்வாறு நீவிவிடும் போது குழந்தைக்கும் நமக்கும் உள்ள உறவானது மேலும் நெருக்கமாகும்.

மேற்சொன்ன குறிப்புகளைப் பின்பற்றினால், பிறந்த குழந்தைகளின் உடலில் உள்ள இளம் முடிகளை மிக எளிதாக அகற்றலாம். எனினும் அந்த குழந்தைகளின் உடலில் இருக்கும் இளம் பூனை முடிகளை நினைத்து கவலைப்படத் தேவையில்லை.