9 நிமிஷத்துல 6 குழந்தையை பெற்றெடுத்த அபூர்வ பெண்... என்ன நடந்ததுனு நீங்களே பாருங்க

வலிமையான பெண்

இந்த பெண் உண்மையிலேயே வலிமையானவர். அந்தத் தாயின் பெயர் தெல்மா சியாகா. தற்போது 6 குழந்தைகளுக்குத் தாயாக இருக்கும் இவர், பிரசவத்திற்கு பின்னான ஓய்வில் இருந்து வருகிறார். வெறும் 9 நிமிடங்களில் 6 குழந்தைகளை இவர் பிரசவித்திருக்கிறார்.

குழந்தைகள் பற்றி

தெல்மா, இரண்டு ஜோடி ஆண் இரட்டையர்களையும், ஒரு ஜோடி பெண் இரட்டையரையும் பெற்றெடுத்திருக்கிறார். இந்த பிரசவம் அதிகாலை 4.50-4.59 க்குள் நிகழ்ந்திருக்கிறது.

ஆரோக்கியமான குழந்தைகள்

எல்லாக் குழந்தைகளும் 1 பவுண்ட் 12 அவுன்ஸ் முதல் 2 பவுண்ட் 14 அவுன்ஸ் க்குள் இருப்பதாக அறிக்கை வெளியிடப்பட்டுள்ளது. இந்த 6 குழந்தைகளும் நல்ல நிலையில் இருப்பதாகவும், ஆரம்ப கால மருத்துவ கண்காணிப்பு அவசியம் என்பதால் தீவிர கண்காணிப்பு பிரிவில் அனுமதிக்கப்பட்டு அவர்களை கண்காணித்து வருவதாகவும், அவர்கள் ஆரோக்கியமாக இருப்பதாகவும் மருத்துவர்கள் கூறியுள்ளனர்.

இது ஒரு அரிய பிரசவம்

தெல்மாவின் பிரசவம் அரியதாக இருந்தாலும், ஒரே நேரத்தில் பல குழந்தைகளை பிரசவித்தவர் என்ற சாதனை இவருக்கு சொந்தமாகவில்லை. ஏனெனில் , 2009ம் ஆண்டு, நாதியா சுலைமான் என்பவர் ஒரு நேரத்தில் 8 குழந்தைகளைப் பிரசவித்து இந்த சாதனையை தன் வசம் வைத்திருக்கிறார். அவர் தனது 33ம் வயதில் இந்த சாதனையை நிகழ்த்தியுள்ளார்.