இந்த 5 வகை சிரிப்பில் நீங்கள் எப்படி சிரிக்குறீங்க? உங்க சிரிப்பு உங்களை பற்றி சொல்லும் ரகசியம் என்ன தெரியுமா?

உலகின் மிகவும் அழகான விஷயங்களில் ஒன்று மனிதர்களின் புன்னகை. மனிதர்கள் பல காரணங்களுக்காக புன்னகைக்கிறார்கள். புன்னகை உங்களையும், உங்களை சுற்றியிருப்பவர்களையும் மகிழ்விக்கும். உங்கள் புன்னகைதான் உங்களை முழுமையாக்குகிறது. ஒருவர் சிரிக்கும் போதுதான் அவர்கள் மற்றவர்களுக்கு பிடித்தவர்களாக மாறுகிறார்கள்.

உண்மையான புன்னகை மற்றும் போலி புன்னகை என பல இரண்டு விஷயங்கள் இருந்தாலும், ஒவ்வொரு புன்னகைக்கு பின்னாலும் பல ரகசியங்கள் உள்ளன. மறைமுகமான முகபாவனையில் இருந்து ஒருவரது மனதிற்குள் இருக்கும் மோசமான எண்ணம் வரை புன்னகை அனைத்தையும் வெளிப்படுத்தக்கூடும். உங்கள் புன்னகை உங்களைப் பற்றி என்னென்ன ரகசியங்களை கூறுகிறது என்று தெரிந்து கொள்ளலாம்.

கண்ணியமானப் புன்னகை

நீங்கள் சில நேரங்களில் வியக்கத்தக்க கண்ணியமான புன்னகையை வெளிப்படுத்துகிறீர்கள். நீங்கள் ஒருவரை முதன்முறையாகச் சந்திக்கும் போதும், கெட்ட செய்திகளைச் சொல்லப் போகும் போதும், எதிர்வினையை மறைக்கும்போதும், அடிக்கடி ஒரே மாதிரியான புன்னகையையே கொடுப்பீர்கள். ஒரு கண்ணியமான புன்னகை என்பது வாயின் முக்கிய தசைகளை உள்ளடக்கியது, இது உதடுகளை சமமாக திறக்க அனுமதிக்கிறது.

ஒரு கண்ணியமான புன்னகை மக்களிடையே ஒரு வகையான சிந்தனை தூரத்தை பராமரிக்க உதவுகிறது. பலமான புன்னகை அல்லது வெளிப்படையாகச் சிரிப்பது நம்மை மற்றவர்களுடன் நெருக்கமாகக் கொண்டுவருகிறது, இருப்பினும், இந்த நெருக்கம் எப்போதும் பொருத்தமானது அல்ல. மற்றவர்களிடம் உங்களுக்கு வேலை ஆக வேண்டும் எனும் சூழலில் கண்ணியமான புன்னகையை மட்டுமே பயன்படுத வேண்டும்.

தங்கப் புன்னகை

தங்கமான புன்னகை என்பது உண்மையான பேரின்பத்தின் புன்னகை என்றும் அழைக்கப்படுகிறது. இது வாய், கன்னங்கள் மற்றும் கண்களை ஒன்றாக மூடுகிறது. இந்த புன்னகையில்தான் உங்கள் முகமெல்லாம் திடீரென்று சிரிக்கிறது. தங்கப் புன்னகை உங்களை திறந்த மனதுடன், நம்பகமானவராக, உண்மையான மற்றும் நட்பாக இருக்கச் சொல்கிறது. இப்படிச் சிரிக்கும் பெண் திருமணத்திற்குப் பிறகு மிகவும் மகிழ்ச்சியாக இருப்பதாகச் சொல்லப்படுகிறது.

உல்லாசப் புன்னகை

ஒருவருடன் சந்தோஷமாக இருக்கும்போது இந்த புன்னகை பயன்படுத்தப்படுவதாக உளவியல் கூறுகிறது. இந்த புன்னகைக்காக, உங்கள் உதடுகளை ஒன்றாக இணைத்து புருவத்தை உயர்த்தப்படுகிறது. சிலர் தலையை சற்று கீழே சாய்த்து சிரிக்கிறார்கள், அவை மிகவும் வசீகரமானதாக இருக்கும். இந்த புன்னகை உங்களை மேலும் கவர்ச்சிகரமானதாக ஆக்குகிறது. கவர்ச்சிகரமான இந்த புன்னகையால் மக்கள் அதிகம் ஈர்க்கப்படுவதாகவும் ஒரு ஆய்வில் கண்டறியப்பட்டுள்ளது.

ஏக்கப் புன்னகை

மனித உணர்வுகளை எப்போதும் வார்த்தைகளால் விளக்கிக் கொண்டு இருக்க முடியாது. மனிதர்களால் உணர்ச்சி மற்றும் உடல் வலிகளுக்கு இடையில் சிரிக்க முடியும். நேஷனல் இன்ஸ்டிடியூட் ஆப் ஹெல்த் நிபுணர்கள், குணமடையும்போதும் அல்லது துக்கத்தின் போது சிரிப்பது உங்களைப் பாதுகாக்கும் என்று நம்புகிறார்கள். சுவாரஸ்யமாக, பாதுகாப்பு நோக்கங்களுக்காகவும் உடல் வலியின் போது நாம் சிரிக்க முடியும் என்று விஞ்ஞானிகள் நினைக்கிறார்கள்.

வலிமிகுந்த நடைமுறைகளுக்கு உள்ளானவர்களின் முகபாவனைகளை ஆராய்ச்சியாளர்கள் கண்காணித்ததில் , அவர்கள் தனியாக இருக்கும் போது அதிகமாக சிரிப்பது கண்டறியப்பட்டது. "எல்லாம் சரியாகிவிடும்" என்று மற்றவர்களுக்கும், தனக்கும் சொல்லிக்கொள்ள மக்கள் இந்த புன்னகையை செய்கிறார்கள்.

வெகுமதி புன்னகை

பல புன்னகைகள் திருப்தி, ஒப்புதல் அல்லது துக்கத்தின் மத்தியில் மகிழ்ச்சி போன்ற நேர்மறையான உணர்ச்சியிலிருந்து எழுகின்றன. ஆராய்ச்சியாளர்கள் அவற்றை "வெகுமதி புன்னகை" என்று விவரிக்கிறார்கள், ஏனென்றால் இதனை நம்மை அல்லது மற்றவர்களை ஊக்குவிக்க அவற்றைப் பயன்படுத்துகிறோம். வெகுமதி புன்னகை ஒரே நேரத்தில் பல உணர்ச்சிகளை உள்ளடக்கியது.

இந்த சமயத்தில் வாய் மற்றும் கன்னங்களின் தசைகள் சுறுசுறுப்பாக இயங்கி கண்கள் பளபளக்கும். இது மேலும் நேர்மறை மற்றும் நல்ல உணர்வுகளை மேம்படுத்துகிறது, அத்துடன் நடத்தையை மேம்படுத்துகிறது. இந்த புன்னகை பெரும்பாலும் குழந்தைகள் தன்னுடைய அம்மாவை பார்த்து சிரிப்பது போன்று தூய்மையானது.