பஸ் ஸ்டாண்ட், ரயில்வே ஸ்டேஷனில் போனை சார்ஜ் செய்வது பாதுகாப்பானதா? இதிலுள்ள சைபர் அட்டாக் ஆபத்து என்ன தெரியுமா

பயணங்களின் போது பெரும்பாலான மக்கள் சந்திக்கும் முக்கியமான பிரச்சினை என்னவென்றால் போனில் சார்ஜ் குறைந்து போவதுதான். என்னதான் பவர் பேங்க் இந்த சிக்கலை ஓரளவு குறைத்தாலும் மிக நீண்ட பயணத்தில் இதுவும் பயனில்லாமல் போக வாய்ப்புள்ளது. தற்போது பஸ் மற்றும் ரயில்களில் சார்ஜ் செய்யும் வசதி வைக்கப்படுகிறது, ஆனால் துரதிர்ஷ்டவசமாக அவை பெரும்பாலும் வேலை செய்யாமல்தான் இருக்கிறது. மேலும் ரயில் நிலையங்கள் மற்றும் பஸ் ஸ்டாண்டில் பல சார்ஜிங் இடங்கள் உள்ளன. பெரும்பாலான மக்கள் இதில் தங்கள் மொபைலை சார்ஜ் செய்வதை நாம் பார்த்திருப்போம்.

பொது இடங்களில் அல்லது பொதுப் போக்குவரத்தில் உங்கள் எலக்ட்ரானிக் சாதனங்களை சார்ஜ் செய்வது ஹேக்கர்களுக்கு மக்களின் தரவை வெளிப்படுத்தும் என்று பல சமூக ஊடக இடுகைகள் பயனர்களை எச்சரித்துள்ளன.

இந்தச் சாதனங்களில் பாஸ்வேர்டுகள், கிரெடிட் கார்டு விவரங்கள் மற்றும் தனிப்பட்ட புகைப்படங்கள் போன்ற முக்கியமான தகவல்களைத் திருடக்கூடிய தீங்கிழைக்கும் மென்பொருள் இருக்கலாம். கூடுதலாக, ஏற்கனவே அங்கிருக்கும் கேபிளைப் பயன்படுத்தி உங்கள் சாதனத்தை சார்ஜ் செய்வது தரவு திருட்டு அல்லது உங்கள் சாதனத்திற்கு சேதம் விளைவிக்கும். முடிந்தவரை உங்கள் சொந்த சார்ஜர் மற்றும் பவர் பேங்கைப் பயன்படுத்துவது எப்போதும் பாதுகாப்பானது. இதிலிருக்கும் மற்றொரு பிரச்சினை என்னவென்றால், நிலையற்ற மின்சாரம் உங்கள் சாதனத்தை சேதப்படுத்தும்.

Juice-jacking

பொதுவெளியில் இருக்கும் USB ஸ்டேஷன்களில் சாதனங்களை சார்ஜ் செய்வது பயனர்களை ஜூஸ்-ஜாக்கிங் சைபர் தாக்குதல்களுக்கு ஆளாக்குகிறது. ஜூஸ் ஜாக்கிங் என்பது சைபர் தாக்குதல் உத்தி ஆகும், இதில் சைபர் குற்றவாளிகள் பொது USB சார்ஜிங் நிலையங்களைப் பயன்படுத்தி பயனர் தரவைத் திருட அல்லது அவற்றுடன் இணைக்கப்பட்ட சாதனங்களில் மோசமான மென்பொருள் மற்றும் வைரஸ்களை பரப்புகின்றனர்.

உங்கள் சாதனத்தை ஆப் செய்துவிட்டு அதை சார்ஜ் செய்வது இணைய தாக்குதல்களின் அபாயத்தைக் குறைக்கும். உங்கள் சாதனம் முடக்கப்பட்டிருக்கும் போது, ​​தீம்பொருள் நிறுவுதல் அல்லது சமரசம் செய்யப்பட்ட சார்ஜிங் போர்ட்கள் மூலம் தரவு திருடுதல் ஆகியவற்றால் பாதிக்கப்படுவது குறைவு.

சமீபத்திய பிரபல சமூக வலைதளத்தில் வந்த பதிவு இந்த முக்கியமான சிக்கலை மக்களின் கவனத்திற்கு கொண்டு வந்தது, அந்த பதிவில் ஒரு பயனர் சார்ஜிங் நிலையத்தின் படத்தைப் பகிர்ந்துள்ளார், மேலும் அது மடிக்கணினிகளுக்கு அல்ல, தொலைபேசிகளுக்கு மட்டுமே என்று குறிப்பிட்டது. அதற்கு ஒரு பயனர், "இதில் லேப்டாப்பை சார்ஜ் செய்தால் என்ன நடக்கும்? விளக்குங்கள் என்று கேட்டிருந்தார்.

இதற்கு பதிலளிக்கும் வகையில் நகைச்சுவையான பதில்கள் முதல் சிந்தனைமிக்க நுண்ணறிவுகள் வரை பலதரப்பட்ட பதில்களால் அந்த பதிவு நிரப்பப்பட்டது.

"இங்கே உங்கள் லேப்டாப் சார்ஜரை இணைக்க வேண்டாம், ரயில் வெடிக்கும் என்பதற்காக அல்ல, ஆனால் எங்கள் வீடுகளில் வைத்திருக்கும் 100 முதல் 230 V AC வரை சார்ஜ் செய்யக்கூடிய அதிக DC கரண்ட் உங்கள் சாதனத்திற்கு மோசமானது. நீங்கள் இதனை தொடர்ந்து செய்தால், உங்கள் லேப்டாப் சார்ஜிங் அடாப்டர் மற்றும் பெரும்பாலும் லேப்டாப் பேட்டரியும் மொத்தமாக காலியாகிவிடும்" என்று ஒரு பயனர் கருத்து தெரிவித்தார்.

"ஒரு மடிக்கணினி சார்ஜர் 220V இல் வேலை செய்கிறது, எனவே அது மெதுவாக சார்ஜ் செய்யலாம் அல்லது சார்ஜ் செய்யாது" என்று மற்றொரு பயனர் எழுதினார். குறைந்த எண்ணிக்கையிலான சார்ஜிங் போர்ட்கள் இதற்கு காரணமாக இருக்கலாம். பொதுவாக மடிக்கணினியை சார்ஜ் செய்வதை விட மொபைலை சார்ஜ் செய்வது மிகவும் முக்கியமானது" என்று மூன்றாவது பயனர் கருத்து தெரிவித்தார்.