டைட்டானிக் கப்பல் மூழ்கப்போவதை 14 ஆண்டுகளுக்கு முன்னே கணித்து புத்தகம் எழுதிய மர்ம மனிதர் யார் தெரியுமா?

டைட்டானிக் கப்பல் பற்றி உலகில் உள்ள அனைவரும் அறிவார்கள். கப்பல் பயணம் என்றாலே அனைவரின் மனதிலும் டைட்டானிக் கப்பலின் நினைவு ஒரு நொடியாவது வந்து போகும். அந்த அளவிற்கு டைட்டானிக் கப்பல் மூழ்கியது மக்கள் மனதில் தாக்கத்தை ஏற்படுத்தியுள்ளது.

டைட்டானிக் கப்பல் மூழ்கிய பிறகு அதைப்பற்றி எண்ணிலடங்கா நாவல்களும், திரைப்படங்களும், குறும்படங்களும் வெளிவந்தன. ஆனால் டைட்டானிக் கப்பல் மூழ்குவதற்கு 14 ஆண்டுகளுக்கு முன்னரே டைட்டானிக் கப்பல் மூழ்கப்போவதைக் கணித்த ஒரு நாவல் உள்ளது. அந்த நாவலைப் பற்றி அறிந்தவர்கள் வெகுசிலரே.

இந்த பதிவில் அந்த நாவலைப் பற்றியும், அந்த நாவலை எழுதிய ஆசிரியர் பற்றியும், அதில் என்ன கூறப்பட்டுள்ளது என்பதையும் தெரிந்து கொள்ளலாம்.

டைட்டானிக் கப்பலின் பயணம்

ஏப்ரல் 10, 1912 அன்று இங்கிலாந்தின் சவுத்தாம்ப்டனில் இருந்து டைட்டானிக் தனது முதல் பயணத்தைத் தொடங்கியது. அந்த நேரத்தில் உலகின் மிகப்பெரிய கப்பலாக, 45,000 டன் எடையும் கிட்டத்தட்ட 900 அடி நீளமும் கொண்டது, எஃகு கட்டமைப்பாலும் நீர்ப்புகாத தன்மை காரணமாக மூழ்காத கப்பலாக கருதப்பட்டது.

உலகின் மிகப் பெரிய செல்வந்தர்கள் சிலருடன், 1912 ஆம் ஆண்டு ஏப்ரல் 14 ஆம் தேதி, அட்லாண்டிக் பெருங்கடலைக் கடக்கும் போது, ஒரு பனிப்பாறையில் கப்பல் மோதியது மற்றும் மூன்று மணி நேரத்தில் கப்பல் முழுவதுமாக மூழ்கியது.

இந்த ஆடம்பர சொகுசு கப்பலில் இருந்த 2,224 பயணிகள் மற்றும் பணியாளர்களில், 1,517 பேர் போதிய லைஃப் படகுகள் மற்றும் குளிர்ந்த நீர் காரணமாக இறந்தனர். இந்த பேரழிவின் விளைவாக கப்பல்களுக்கான புதிய பாதுகாப்பு விதிமுறைகள் உருவாக்கப்பட்டது.

டைட்டானிக் மூழ்கியதை முன்கூட்டியே கணித்த புத்தகம்

1898 ஆம் ஆண்டில், டைட்டானிக் மூழ்குவதற்கு 14 ஆண்டுகளுக்கு முன்பு, எழுத்தாளர் மோர்கன் ராபர்ட்சன் 'Futility, or the wreck of the Titan' என்ற நாவலை எழுதினார், இந்த நாவல் ஒரு கற்பனைக் கப்பலின் கதையைச் சொல்கிறது, அவர் எழுதிய நாவலுக்கும் 1912 ஆம் ஆண்டு டைட்டானிக் கப்பல் மூழ்கியதற்கும் நிறைய ஒற்றுமைகள் இருந்தது.

மோர்கன் ராபர்ட்சன்

ஓஸ்வேகோவில் வசித்த மற்றும் கடல் குறித்த சாகசங்களை எழுதிய எழுதியவர் மோர்கன் ராபர்ட்சன் ஒரு மனநோயாளி அல்லது கடவுளின் அருள் பெற்றவர்கள் என்று மக்கள் அழைத்தார்கள்.

1912 ஆம் ஆண்டு ஏப்ரல் இரவு டைட்டானிக் வடக்கு அட்லாண்டிக்கின் பனிக்கட்டியில் மோதி மூழ்கியதில் இருந்து, உலகெங்கிலும் உள்ள மக்கள் கிட்டத்தட்ட ராபர்ட்சன் பற்றி பேசிகொண்டுள்ளனர். நமக்குத்தான் இவரைப் பற்றி மிகவும் தாமதகமாக தெரிய வந்திருக்கிறது.

Futility புத்தகம்

ஏப்ரல் மாதம் வடக்கு அட்லாண்டிக்கில் உள்ள பனிப்பாறையில் மோதி மூழ்கி மூழ்கும் டைட்டன் என்று பெயரிடப்பட்ட ஒரு மிகப்பெரிய பிரிட்டிஷ் கப்பல் பற்றி ராபர்ட்சன் "Futility" என்ற கற்பனை புத்தகத்தை எழுதியுள்ளார். டைட்டானிக் கப்பலைப் பற்றிய ராபர்ட்சனின் புத்தகம் 1898 இல் வெளியிடப்பட்டது, இது டைட்டானிக் இங்கிலாந்தின் சவுத்தாம்ப்டனில் இருந்து நியூயார்க் நகருக்குப் புறப்படுவதற்கு 14 ஆண்டுகளுக்கு முன்பு என்பது குறிப்பிடத்தக்கது.

யார் இந்த மோர்கன் ராபர்ட்சன்?

செப்டம்பர் 30, 1861 இல் ஓஸ்வேகோவில் ஆண்ட்ரூ மற்றும் அமெலியா ராபர்ட்சன் ஆகியோரின் மகனாகப் பிறந்தார். அவரது தந்தை ஒரு கப்பலின் கேப்டனாக இருந்தார், அதனால்தான் என்னவோ அவர் கடல் குறித்த சாகசங்களை எழுதினார். ராபர்ட்சனின் தாய் அவரின் இளம் வயதிலேயே இறந்து விட்டார், அதன்பின் அவரின் தந்தை இரண்டாவது திருமணம் செய்து கொண்டார்.

மற்றொரு கணிப்பு

டைட்டானிக் கப்பலைப் போலவே ஹவாய் மீதான ஜப்பானிய தாக்குதலைப் பற்றி ராபர்ட்சன் 1914 இல் ஒரு புத்தகம் எழுதினார். அவர் புத்தகத்தில் எழுதியிருந்தது போலவே இந்த சம்பவமும் நடந்தது.