Anant Ambani-Radhika Merchant Wedding: அம்பானி வீட்டு திருமணத்தில் ஜாலியாக டான்ஸ் ஆடிய ரஜினிகாந்த்..!(வீடியோ)

Anant Ambani-Radhika Merchant Wedding: மும்பையில் நேற்று (ஜூலை 12) நடைபெற்ற முகேஷ் அம்பானி வீட்டு திருமண நிகழ்ச்சியில் நடிகர் ரஜினிகாந்த் நடனம் ஆடிய வீடியோ இணையத்தில் தற்போது வைரலாகி வருகிறது. பிரபல தொழிலதிபர் முகேஷ் அம்பானியின் இளைய மகன் ஆனந்த் அம்பானி மற்றும் ராதிகா மெர்ச்சன்ட் ஆகியோரின் திருமணம் மும்பையில் நேற்று வெகு விமரிசையாக நடைபெற்றது..

இந்த திருமணத்தில் பங்கேற்க உலகில் உள்ள முக்கிய அரசியல்வாதிகள், விளையாட்டு வீரர்கள், திரை பிரபலங்கள் என இந்திய முழுவதும் உள்ள செலிபிரிட்டீஸ் குவிந்துள்ளனர்...

இந்நிலையில் திருமணக் கொண்டாட்டம் கடந்த 6 மாதங்களுக்கு முன்னர் இருந்தே உலகமே திரும்பிப் பார்க்கும் அளவிற்கு நடைபெற்று வருகின்றது. மகாராஸ்டிரா மாநிலம் மும்பையிலுள்ள ஜியோ வோர்ல்டு கன்வென்ஷன் சென்டரில் இந்த திருமணம் நேற்று நடைபெற்றது. அதனைத் தொடர்ந்து 3 நாட்களுக்கு கொண்டாட்டங்கள் நடைபெறயுள்ளது. இதற்காக ரிலையன்ஸ் நிறுவனத்தின் தலைவர் முகேஷ் அம்பானி மற்றும் அவரது மனைவி நீத்தா அம்பானி ஆகியோர் தங்களது இளைய மகனின் திருமணத்திற்காக பிரம்மாண்டமான ஏற்பாடுகளைச் செய்துள்ளனர்.

இந்த திருமண கொண்டாட்டத்தின் முக்கிய திருமண சடங்கான (ஜூலை 12) சுப விவா என்றழைக்கப்படும் திருமண விழா நேற்று நடைபெற்றது. இந்திய பாரம்பரிய ஆடைகளுடன் விழா நடைபெறும் நிலையில், ஜூலை 13ஆம் தேதியான இன்று சுப ஆசீர்வாத நாளாக இருக்கும். இந்த விழாவிலும் இந்திய பாரம்பரிய ஆடையுடன் விழா நடைபெறும் நிலையில், ஜூலை 14ஆம் தேதியான நாளை திருமண வரவேற்பு நிகழ்ச்சி நடைபெறும்.

இந்நிலையில் நேற்று நடைபெற்ற திருமண கொண்டாட்டத்தில் பங்கேற்ற சூப்பர் ஸ்டார் ரஜினிகாந்த், மணமகன் ஆனந்த் அம்பானியுடன் இணைந்து இந்தி பாடல் ஒன்றுக்கு செம்மையா கலக்கலான டான்ஸ் ஆடினார். ரஜினிகாந்த்தை இந்த மாதிரியான தருணத்தில் யாரும் பார்த்தது கிடையாது என்பதால் ரசிகர்கள் வியப்பில் ஆழ்ந்துள்ளனர். அவருடன் சேர்ந்து அனில் கபூர் மற்றும் ரன்வீர் சிங் ஆகியோரும் நடனமாடினர்.. அந்த வீடியோ தற்போது வைரலாக சமூக வலைத்தளங்களில் உலா வருகிறது.

இந்த திருமணத்திற்கு ரஜினி தனது குடும்பத்தினருடன் சென்று மணமக்களை வாழ்த்தினார் என்பது குறிப்பிடத்தக்கது..