உங்களை செல்வந்தராக மாற்ற உங்க வீட்டுல இந்த சின்ன மாற்றங்களை பண்ணுனா போதுமாம்...!

குறிப்பு 1

அலுவலகம், வீடு எதுவாக இருந்தாலும் சரி வீட்டின் நீச்சல் குளம் அல்லது நீர்தொட்டியை தரைமட்டத்தை விட கீழே கட்டக்கூடாது. இது வாஸ்து சாஸ்திரத்தின் படி தவறான வாஸ்துவாகும்.

குறிப்பு 2

உங்களின் பணப்பெட்டி அல்லது பணம் வைக்கும் அலமாரியை தெற்கு அல்லது தென்மேற்கு சுவருக்கு அருகில் வைக்கவும். எனவே இதனை திறக்கும்போது வடக்கு திசையில் திறக்கும். வடக்கு என்பது குபேர பகவானின் திசையாகும், அந்த திசையில் ஒரு லாக்கரைத் திறப்பது குபேரை மீண்டும் மீண்டும் உங்கள் பணப்பெட்டியை நிரப்ப அனுமதிக்கிறது. மேலும், பண லாக்கரை வேறு எந்த திசையிலும் வைப்பதைத் தவிர்க்கவும்.

குறிப்பு 3

ஒருபோதும், எந்த சூழ்நிலையிலும், பண லாக்கரை தூணிற்கு அடியில் வைக்காதீர்கள், ஏனெனில் இது குடும்பம் அல்லது வணிகத்திற்கு அதிக அழுத்தத்தை அளித்து உங்கள் நிம்மதியை கெடுக்கும்.

குறிப்பு 4

செல்வத்தை ஈர்ப்பதற்கான ஒரு தந்திரம் உங்கள் பண லாக்கருக்கு முன்னால் ஒரு கண்ணாடியை வைப்பது, இதனால் கண்ணாடி பண லாக்கரின் படத்தைக் காட்டுகிறது. இது உங்கள் செல்வம் இரட்டிப்பாகிறது என்பதற்கான அடையாளமாகும்.

குறிப்பு 5

எல்லா நேரங்களிலும் வடகிழக்கு பகுதியை சுத்தமாகவும், திறந்த நிலையிலும் வைத்திருப்பது உங்களை நோக்கி செல்வத்தை ஈர்க்கிறது. இந்த திசையில் படிக்கட்டு போன்றவற்றை கட்டுவதைத் தவிர்க்கவும். எந்திரங்கள் போன்ற கனமான பொருள் எதையும் வடகிழக்கு மூலையில் ஒருபோதும் வைக்க வேண்டாம்.

குறிப்பு 6

வீட்டின் வடகிழக்கு திசையில் உயரமான கட்டிடங்கள் அல்லது கோவில்கள் இருந்தால் அந்த வீட்டில் குடியேறுவதைத் தவிர்க்கவும். ஏனெனில் இது செல்வத்தை இழக்க வழிவகுக்கிறது.உயரமான கட்டிடங்கள் மற்றும் கோயில்கள் இருந்தால், குறைந்தபட்சம் அவற்றின் நிழல் உங்கள் வீடு அல்லது அலுவலகத்தின் மீது விழாமல் இருப்பதை உறுதிப்படுத்திக் கொள்ளுங்கள்.

குறிப்பு 7

உங்கள் வீடு மற்றும் அலுவலகத்தின் தெற்கு மற்றும் மேற்கு சுவர்கள் வடக்கு மற்றும் கிழக்கு பக்கங்களில் உள்ள சுவர்களை விட உயர்ந்ததாகவும் அடர்த்தியாகவும் இருப்பதை உறுதிப்படுத்திக் கொள்ளுங்கள்.

குறிப்பு 8

வாஸ்துவின் படி உங்கள் இல்லத்தின் தென்மேற்கு திசையில் பெரிய மரம் அல்லது செடியை வளர்ப்பது உங்கள் இல்லத்தின் செல்வநிலையை நிலைப்படுத்தும். மேலும் இது குடும்பம் மற்றும் வணிகத்தில் ஏற்படும் துரதிர்ஷ்டங்கள் மற்றும் விபத்துக்களைத் தவிர்க்கவும் இது உதவுகிறது.

குறிப்பு 9

செல்வம் முக்கியமாக ஊதா நிறத்தால் குறிக்கப்படுகிறது, எனவே உங்கள் வீட்டில் ஒரு ஊதா நிற செடியை வைத்திருங்கள். ஊதா நிற செடியை வைப்பது கடினமாக இருந்தால், முடிந்தளவு ஊதா நிற தொட்டியில் செடிகளை வளர்க்கவும்.