ராகு பற்றி உங்களுக்கு தெரியாத உண்மைகள்... ராகு தோஷம் உங்கள் வாழ்க்கையை எப்படி சிதைக்கும் தெரியுமா?

ராகுவின் கதை

ராகு ஒரு முக்கிய கிரகமாக கருதப்படுவதற்கு பின்னால் ஒரு கதை இருக்கிறது. இந்த கதை பாற்கடலை கடைந்த போது தொடங்கியது. ஸ்வர்பானு என்ற அசுரன் தேவர்கள் போல வேடமிட்டு அமிர்தத்தை பருகிவிட்டான். ஆனால் அவன் யார் என்பதை சூரியனும், சந்திரனும் கண்டறிந்து விஷ்ணுவிடம் முறையிட்டார்கள். விஷ்ணு உடனே தன்னுடைய சுதர்சன சக்கரத்தால் அசுரனின் தலையை கொய்தார். அந்த அசுரன் தலை ராகுவாகவும், உடல் கேதுவாகவும் மாறியது.

எதிரியாக மாறுதல்

ஸ்வர்பானு ஏற்கனவே அவரை அழியாத அளவுக்கு அமிர்தத்தை உட்கொண்டதால், ராகு மற்றும் கேது ஆகியோருக்கும் மற்ற கடவுள்களுடன் பூஜையில் பங்கு வழங்கப்பட்டது. ஆனால் அந்த தருணத்தில் இருந்து சூரியனும், சந்திரனும் அவர்களுக்கு பரம எதிரிகளாக மாறினர். கிரகணம் நிகழும் போதெல்லாம் சூரியனையும் சந்திரனையும் விழுங்குவதன் மூலம் அவர்கள் பழிவாங்குகிறார்கள். சந்திர மற்றும் சூரிய கிரகணம் ராகு மற்றும் கேதுவுவால் நடப்பவை ஆகும்.

ஜோதிடத்தில் ராகு

வேத ஜோதிடத்தில் ராகு மற்றும் கேது இருண்ட நிழல் கிரகங்கள் என்று அழைக்கப்படுகிறார்கள். சந்திரனின் வடக்கு முனை ராகு என்றும் தெற்கு முனை கேது என்றும் அழைக்கப்படுகிறது. புராணங்களில் கூறியுள்ளபடி ராகு பாம்பை போல தலையும் மனித உடலையும் கொண்ட சக்திவாய்ந்த தீங்கு விளைவிக்கும் கிரகம் ஆகும். ஏனெனில் ஸ்வர்பானு தலை விஷ்ணுவால் துண்டிக்கப்பட்ட பிறகு அவரின் தாயாரால் சிகிச்சை அளிக்கப்பட்டு பாம்பின் உடல் வழங்கப்பட்டது.

ராகு மற்றும் கேது

ராகு பாம்பின் தலையையும், கேது பாம்பின் வாலையும் குறிக்கும். குறிப்பிட்ட தனி கிரகமாக இல்லையென்றாலும் ராகு ஒன்பது கிரகங்களில் முக்கியமான கிரகமாக கருதப்படுகிறது. அவருக்கு ஒரு கிரகத்தின் நிலையை நமது ரிஷிகள் மற்றும் முனிவர்கள் ஒதுக்கியுள்ளனர். புதன், சுக்ரன், சனி போன்றவை ராகுவின் நண்பர்கள் ஆவார், குறு நடுநிலையான கிரகம் ஆவார். செவ்வாய், சூரியன் மற்றும் சந்திரன் ராகுவின் எதிரிகள் ஆவர். இவர் சூரியனை விட சக்திவாய்ந்த கோளாக கருதப்படுகிறார்.

ராகுவின் குணநலன்கள்

ராகு அரசியல் மற்றும் தந்திரங்களுக்கான கிரகம் ஆகும். ராகு உங்கள் வீட்டில் தென்மேற்கு திசையை நிர்வகிக்கிறார். ராகு ஆண் மற்றும் அரசியல்வாதிகளுக்கு சாதகமான கிரகம். அரசியலில் உயர்வை அடைய விரும்புபவர்கள் ராகுவின் ஆசீர்வாதத்தை பெற வேண்டியது அவசியமாகும். ராகுவின் ஆசீர்வாதம் பெற்றவர்கள் தொலைதொடர்பு துறை, வெளிநாட்டு பயணம், மருத்துவம், புதிய சாதனைகள் போன்றவற்றை செய்வார்கள்.

ராகுவால் ஏற்படும் தீமைகள்

ராகுவால் ஆக்ரோஷமான குணமும், சூதாட்டம், திருட்டு போன்ற குணங்களை கொண்டவர்களாக இருப்பார்கள். சிறைகள், தனிமைப்படுத்தப்பட்ட இடங்கள், மந்திரவாதிகள், விஷம் போன்றவற்றின் அதிபதியாக இருக்கிறார். கால்கள், சுவாச அமைப்பு, வயதாவது, வழுக்கை, தோல் நோய்கள், வலி, வீக்கங்கள், கோபம் போன்றவற்றையும் ஏற்படுத்துவார்.

ராகு வசிக்கும் காலம்

ராகு ஒவ்வொரு ராசியிலும் 18 மாதங்கள் தங்கியிருப்பார், பொதுவாக அனைத்து ராசிகளையும் சுற்றி முடிக்க ராகு 18 ஆண்டுகள் எடுத்துக்கொள்வார். கேது 7 ஆண்டுகள் எடுத்துக் கொள்வார். ராகுவும் கேதுவும் எப்போதும் பிற்போக்கு இயக்கத்தில் பயணிக்கிறார்கள். ராகு இருக்கும் வீட்டில் அதிருப்தி, மனஅமைதியின்மை, பயம் போன்றவை இருக்கும்.

ராகு தோஷம்

ராகு வீட்டின் தென்மேற்கு திசையில் வசிக்கிறார், தென்மேற்கு திசைதான் வாஸ்து சாஸ்திரத்தில் மிகவும் முக்கியமான திசையாகும். ராகு தோஷம் இருப்பவர்கள் எதிர்பாராத செலவுகள், நஷ்டம், கடன் தொல்லை, வியாபாரத்தில் நஷ்டம் போன்ற பிரச்சினைகள் ஏற்படலாம். மேலும் குடும்பத்தில் குழப்பம், மனநிம்மதியின்மை, ஆரோக்கிய பிரச்சினைகள் போன்றவை ஏற்படும்.