மகர ராசியில் சனியுடன் செவ்வாய் இணைவதால் இந்த 4 ராசிக்காரங்க அதிக பிரச்சனைகளை சந்திக்கப் போறாங்க...

சனி பகவான் ஆளும் மகரம்

ஏற்கனவே சனி பகவான் மகர ராசியில் உள்ளார். இந்நிலையில் செவ்வாய் மகர ராசிக்கு செல்லவுள்ளார். ஜோதிடத்தின் படி, சனிக்கும் செவ்வாய்க்கும் இடையே பகை உணர்வு உள்ளது. இப்படிப்பட்ட சூழ்நிலையில் சனியும், செவ்வாயும் ஒரே ராசியில் பயணித்தால், நிறைய கெட்ட பலன்களை பெறக்கூடும். அதிலும் 4 ராசிக்காரர்கள் அதிக பிரச்சனைகளை சந்திப்பார்கள். இப்போது அந்த 4 ராசிக்காரர்கள் யார்யார் என்பதைப் பார்ப்போம்.

கடகம்

கடக ராசியின் 7 ஆவது வீட்டில் செவ்வாய் மற்றும் சனி சேர்க்கை நடக்கிறது. இந்த வீடு திருமண வாழ்க்கை மற்றும் கூட்டாண்மையைக் குறிக்கிறது. ஆகவே இந்த ராசிக்காரர்கள் திருமண வாழ்க்கையில் சில பிரச்சனைகளை சந்திக்க நேரிடும். பணிபுரிபவர்கள் சில சிரமங்களை சந்திக்கக்கூடும். அப்போது மிகவும் கவனமாக இருக்க வேண்டும். மேலும் புதிய திட்டங்களில் பணிபுரியும் போது கவனமாக செயல்பட வேண்டும்.

சிம்மம்

சிம்ம ராசியின் 8 ஆவது வீட்டில் செவ்வாய் மற்றும் சனி சேர்க்கை நடக்கிறது. இதனால் பல பிரச்சனைகளை இக்காலத்தில் சந்திக்க நேரிடும். சட்டம் தொடர்பான விஷயங்களில் கவனமாக இருக்க வேண்டும். இல்லாவிட்டால் நஷ்டத்தை சந்திக்க வேண்டியிருக்கும். பணியிடத்தில் உடன் பணிபுரிபவர்களுடன் சண்டை ஏற்பட வாய்ப்புள்ளது. உங்களின் ரகசிய எதிரிகளிடம் ஜாக்கிரதையாக இருங்கள். உங்கள் குடும்ப உறுப்பினர்கள் சில கடுமையான நோய்களால் அவதிப்பட வேண்டியிருக்கும்.

கன்னி

கன்னி ராசியின் 5 ஆவது வீட்டில் சனி மற்றும் செவ்வாய் சேர்க்கை நடக்கிறது. இதனால் கன்னி ராசிக்காரர்கள் பணியிடம் மற்றும் வியாபாரத்தில் சவாலான சூழ்நிலைகளை எதிர்கொள்ள வேண்டியிருக்கும். தொழிலில் நஷ்டம் ஏற்பட்டு மன வருத்தமடைவீர்கள். உங்கள் குழந்தைகள் பிரச்சனைகளை சந்திக்கலாம்.

தனுசு

தனுசு ராசியின் 2 ஆவது வீட்டில் சனி மற்றும் செவ்வாய் சேர்க்கை நடக்கிறது. இதனால் பணம் தொடர்பான பிரச்சனைகளை சமாளிக்க வேண்டியிருக்கும். வியாபாரத்தில் ஒரு புதிய ஒப்பந்தம் உங்களுக்கு தீங்கை விளைவிக்கும். எனவே புதிய ஒப்பந்தங்களை ஏற்கும் முன் கவனமாக இருங்கள்.