சூரிய பெயர்ச்சியால் இந்த ராசிகளுக்கு ராஜயோகம் அடிக்கப் போகுது.. உங்க ராசி இதுல இருக்கா?

மேஷம்

மேஷ ராசியின் 9 ஆவது வீட்டிற்கு சூரியன் செல்கிறார். இதனால் இக்காலம் உங்களுக்கு அற்புதமானதாக கருதப்படுகிறது. இக்காலத்தில் அதிர்ஷ்டம் உங்களுக்கு சாதகமாக இருக்கும். இக்காலத்தில் செல்வத்தை குவிப்பீர்கள் மற்றும் சமூக வட்டத்தில் மரியாதை அதிகரிக்கும். பணியிடத்தில் உயர் அதிகாரிகளால் பாராட்டப்படுவீர்கள் மற்றும் பதவி உயர்வைப் பெறவும் வாய்ப்புள்ளது. உங்களின் சிறப்பான பேச்சுத் திறனால் மற்றவர்களை எளிதில் ஈர்ப்பீர்கள். சமூக பணிகளில் ஈடுபடுவீர்கள். இக்காலத்தில் குடும்பத்தினருடன் நல்ல நேரத்தை செலவிடுவீர்கள். உடன்பிறப்புகள் மற்றும் தந்தையுடனான உறவு நன்றாக இருக்கும். உங்கள் தந்தையின் ஆரோக்கியத்தைக் கவனித்துக் கொள்ளுங்கள்.

ரிஷபம்

ரிஷப ராசியின் 8 ஆவது வீட்டிற்கு சூரியன் செல்கிறார். இதனால் இக்காலத்தில் வெளிநாடு செல்ல திட்டமிடுவீர்கள். பணியிடத்தில் உங்களின் முழு கவனமும் செல்வத்தை அதிகரிப்பதில் இருக்கும். கடின உழைப்பிற்கான நல்ல பலனைப் பெறுவீர்கள். நண்பர்கள் மற்றும் குடும்பத்தினர்களின் உதவியுடன் எதிர்பார்த்த வேலை வாய்ப்புக்கள் கிடைக்கும். இக்காலத்தில் புதிய நண்பர்களை உருவாக்குவீர்கள். சக்தி வாய்ந்த பேச்சுத் திறமையால் மற்றவர்களை ஈர்ப்பீர்கள். முக்கியமாக இக்காலத்தில் எளிதில் எரிச்சலடைவீர்கள் என்பதால் அமைதியாக இருக்க முயலுங்கள். இக்கால கட்டத்தில் தாயின் ஆரோக்கியத்தைக் கவனித்துக் கொள்ளுங்கள். மேலும் இக்காலத்தில் தேவையில்லாமல் கவலைப்படுவீர்கள் மற்றும் உங்களின் மன அழுத்தமும் அதிகரிக்கும். நீதிமன்றம் தொடர்பான வழக்குகளுக்காக அதிக பணத்தை செலவழிக்க நேரிடும்.

மிதுனம்

மிதுன ராசியின் 7 ஆவது வீட்டிற்கு சூரியன் செல்கிறார். இதனால் இக்காலத்தில் மிகுந்த ஆற்றலுடன் இருப்பீர்கள். ஆனால் அதே வேளையில் கோபமும் அதிகமாக வரும். உங்களின் நகைச்சுவை உணர்வால் மற்றவர்களை ஈர்ப்பீர்கள். திருமண வாழ்க்கை நன்றாக இருக்கும். இருப்பினும் சில ஈகோ பிரச்சனையால் பிரச்சனை வரக்கூடும் என்பதை, அதை தவிர்க்க முயற்சி செய்யுங்கள். சகோதரர்கள் மற்றும் சகோதரிகளின் முழு ஆதரவும் இக்காலத்தில் கிடைக்கும். வெளிநாட்டில் பணிபுரிபவர்கள் வெற்றியை காண்பார்கள். பணியிடத்தில் உங்களின் திறமை பாராட்டப்படும். மாணவர்கள் உயர் கல்வியைப் படிக்கத் திட்டமிடலாம். வெளிநாட்டில் படிக்க விரும்பினால், அதற்கு இது ஒரு நல்ல காலமாக இருக்கும். ஆரோக்கியத்தைப் பொறுத்தவரை, தசை வலி அல்லது முதுகு வலியால் பாதிக்கப்படலாம் என்பதால் சற்று கவனமாக இருங்கள்.

கடகம்

கடக ராசியின் 6 ஆவது வீட்டிற்கு சூரியன் செல்கிறார். இதனால் இக்காலத்தில் நீங்கள் வலிமை மற்றும் தைரியம் நிறைந்தவராக இருப்பீர்கள். உங்கள் எதிரிகளை தோற்கடித்து வெற்றி பெறுவீர்கள். போட்டித் தேர்வுகளுக்குத் தயாராகும் மாணவர்கள் படிப்பில் சிறப்பாகச் செயல்படுவார்கள். இக்காலத்தில் நன்கு சம்பாதிப்பீர்கள். அதே வேளையில் நிறைய செலவுகளையும் செய்வீர்கள். ஆனால் இக்காலத்தில் உங்கள் பணத்தை சூதாட்டத்தில் அல்லது டிரேடிங்கில் வைக்க வேண்டாம் என்று அறிவுறுத்தப்படுகிறது. ஏனெனில் இந்த காலகட்டத்தில் பண இழப்பிற்கு வாய்ப்புள்ளது. மற்றவர்களிடம் சற்று முரட்டுத்தனமாக நடந்து கொள்வீர்கள். இதனால் அன்பானவர்கள் உங்களிடம் இருந்து விலகி இருப்பார்கள். குழந்தைகளை நன்கு கவனித்துக் கொள்ளுங்கள். திருமணமான ஆண்கள் தங்கள் மனைவியை கவனித்துக் கொள்ள வேண்டும். ஏனெனில் அவர்கள் உடல்நல பிரச்சனைகளால் பாதிக்கப்படலாம்.

சிம்மம்

சிம்ம ராசியின் 5 ஆவது வீட்டிற்கு சூரியன் செல்கிறார். இதனால் இக்காலம் அதிர்ஷ்டமானதாக மற்றும் உங்களுக்கு சாதகமானதாக இருக்கும். கடந்த காலத்தில் நீங்கள் செய்த கர்ம செயல்களின் நேர்மறையான முடிவுகளைப் பெறுவீர்கள். மாணவர்களுக்கு அற்புதமான காலம். செறிவு மற்றும் கற்றல் திறன் சிறப்பாக இருக்கும். தேர்வுகளில் சிறப்பாக செயல்படுவார்கள். இக்காலத்தில் மத செயல்களில் நாட்டம் அதிகரிக்கும். மேலும் இந்த காலகட்டத்தில் இயற்கையாகவே கடுமையானவராகவும், ஆற்றல், சுறுசுறுப்பு நிறைந்தவராகவும் இருப்பீர்கள். இந்த நேரத்தில் உங்கள் லட்சியங்களை நிறைவேற்ற முயற்சிப்பீர்கள். உங்கள் குழந்தைகளால் மகிழ்ச்சி அடைவீர்கள். நீங்கள் சமூகத்தில் மரியாதை பெறுவீர்கள். உறவில் இருப்பவர்கள் இந்த காலகட்டத்தில் சில மோதல்களை சந்திக்க நேரிடலாம். ஏனெனில் உங்கள் துணையிடம் உங்கள் எதிர்பார்ப்புகள் அதிகமாக இருக்கும். மேலும் உங்கள் அணுகுமுறையை உங்கள் அன்பானவர்கள் பாராட்டாமல் இருப்பதால், இருவருக்கும் இடையே மோதல்கள் ஏற்படலாம்.

கன்னி

கன்னி ராசியின் 4 ஆவது வீட்டிற்கு சூரியன் செல்கிறார். இதனால் இக்காலத்தில் உங்களின் மனநிலை கணிக்க முடியாததாக இருக்கும். சில நேரங்களில் அதிகமாக உணர்ச்சிவசப்படுவீர்கள். சில நேரங்களில் எரிச்சலடைவீர்கள். நிம்மதியாகவே இருக்கமாட்டீர்கள் மற்றும் அதிக மன அழுத்தத்துடன் இருப்பீர்கள். இக்காலகட்டத்தில் உங்கள் தாயுடன் வாக்குவாதத்தில் ஈடுபடுவீர்கள். ஆனால் உங்கள் தாயின் ஆரோக்கியம் பாதிக்கப்படும் என்பதால் அவரது ஆரோக்கியத்தைக் கவனித்துக் கொள்ளுங்கள். குடும்பத்தில் அதிக சண்டைகள் ஏற்படுவதைக் காண்பீர்கள். சமூகத்தில் உங்கள் புகழ் அதிகரிக்கும். வாகனங்களுக்கு அதிக செலவு செய்வீர்கள். இது உங்கள் பட்ஜெட்டை பாதிக்கும். நீங்கள் புகைப்பிடிப்பவராக இருந்தால், இக்காலத்தில் நுரையீரல் தொடர்பான உடல்நல பிரச்சனைகள் வரக்கூடும். எனவே இப்பழக்கத்தைக் கைவிடுங்கள்.

துலாம்

துலாம் ராசியின் 3 ஆவது வீட்டிற்கு சூரியன் செல்கிறார். இதனால் இக்காலத்தில் தைரியம் நிறைந்து இருப்பீர்கள் மற்றும் யாருக்கும் பயப்படமாட்டீர்கள். உங்கள் எதிரிகளை வெல்வீர்கள். என்ன தான் வெளியே கோபக்காரராக தெரிந்தாலும் மென்மையான இதயத்தைக் கொண்டிருப்பீர்கள். இன்பங்களை அனுபவிப்பீர்கள். உங்களின் பேச்சால் மற்றவர்களை கவருவீர்கள். ஃபிட்டாக இருக்க தினமும் உடற்பயிற்சிகளை செய்து வருவீர்கள். இக்காலத்தில் எதையும் வெளிப்படையாக பேசுவதால், மற்றவர்கள் அதை தவறாக எடுத்துக் கொள்ளலாம். இக்காலத்தில் புதிய செல்வாக்குமிக்க நண்பர்களை உருவாக்குவீர்கள். அந்த நண்பர்கள் உங்களுக்கு உதவியாக இருக்கலாம் மற்றும் அவர்களால் ஆதாயத்தைப் பெறுவீர்கள். உடன்பிறந்தவர்களுடன் நல்லுறவைக் கொண்டிருப்பீர்கள், அவர்களால் ஆதாயம் அடைவீர்கள். இக்காலத்தில் உங்கள் தந்தையின் ஆரோக்கியத்தைக் கவனித்துக் கொள்ளுங்கள். ஒட்டுமொத்தமாக இக்காலம் உங்களுக்கு சாதகமான காலமாக இருக்கும்.

விருச்சிகம்

விருச்சிக ராசியின் 2 ஆவது வீட்டிற்கு சூரியன் செல்கிறார். இதனால் இக்காலத்தில் அதிக ஆற்றலுடன் இருப்பீர்கள். உங்கள் தொழிலில் இருந்து நல்ல வருமானத்தை ஈட்டி வெற்றி பெறுவீர்கள். அரசின் கொள்கைகளால் ஆதாயமடைவீர்கள், மூதாதையர் சொத்துக்களால் ஆதாயமும் பெறலாம். பணியிடத்தில் உங்கள் பேச்சால் அனைவரையும் கவர்வீர்கள். உங்கள் கடின உழைப்பு பாராட்டுக்குரியதாக இருக்கும். குடும்பத் தொழிலில் ஈடுபடுபவர்கள் பிரகாசிப்பார்கள். பணம் தொடர்பான விஷயங்களால் நீங்கள் மன உளைச்சலுக்கு ஆளாகலாம். நீண்ட கால முதலீடு அல்லது சொத்து வாங்க திட்டமிட்டால், இந்த நேரம் சாதகமாக இருக்கும். ஏனெனில் இந்த காலத்தில் நீங்கள் செய்யும் ஒப்பந்தங்கள் மூலம் எதிர்காலத்தில் நல்ல லாபத்தைப் பெறுவீர்கள்.

தனுசு

தனுசு ராசியின் முதல் வீட்டிற்கு சூரியன் செல்கிறார். இதனால் இக்காலத்தில் நீங்கள் மிகவும் அன்பாகவும், உண்மையானவராகவும் இருப்பீர்கள். உங்களின் நகைச்சுவை உணர்வு மற்றும் வசீகரமான ஆளுமை மூலம் அனைவரையும் கவர்வீர்கள். ஆனால் சில நேரங்களில் பொறுமையிழந்து மோசமாக நடந்து கொள்வீர்கள். இக்காலத்தில் உங்கள் வேலையை சிறப்பாக செய்வீர்கள். இதனால் பதவி உயர்வையும் பெறலாம். வியாபாரத்தில் இருப்பவர்களுக்கு சாதகமான காலம் இருக்கும். இந்த நேரத்தில் நீங்கள் மத மற்றும் ஆன்மீக நடவடிக்கைகளில் நாட்டம் கொள்வீர்கள். சமூகத்தில் மரியாதை அதிகரிக்கும். இக்கால கட்டத்தில் உங்கள் தந்தையுடன் சிறந்த உறவைப் பெறுவீர்கள். மேலும் இக்காலத்தில் உங்கள் குழந்தைகளிடமிருந்து மகிழ்ச்சியைப் பெறுவீர்கள். உங்கள் திருமண வாழ்க்கையில் நல்லிணக்கம் இருக்கும். ஆரோக்கியத்தைப் பொறுத்தவரை, வயிறு தொடர்பான பிரச்சனைகள் மற்றும் அசிடிட்டி பிரச்சனையால் பாதிக்கப்படலாம் என்பதால், இக்காலத்தில் ஆரோக்கியமான உணவுகளை மட்டும் சாப்பிடுங்கள்.

மகரம்

மகர ராசியின் 12 ஆவது வீட்டிற்கு சூரியன் செல்கிறார். இதனால் இக்காலத்தில் நீங்கள் ஆரோக்கியத்திற்காக செலவிட வேண்டியிருக்கும். வருமானத்தை விட செலவுகள் அதிகமாக இருக்கும். மத நடவடிக்கைகளில் வலுவான நாட்டத்தைக் கொண்டிருப்பீர்கள். சூதாட்டத்தில் உங்கள் பணத்தை வைக்க இது நல்ல நேரம் அல்ல. உங்கள் எதிரிகளும் இந்த காலத்தில் செயலற்றவர்களாக இருப்பார்கள் என்பதால் அவர்களைப் பற்றி கவலைப்படத் தேவையில்லை. இக்காலத்தில் சமூகத்தில் மரியாதை மற்றும் புகழைப் பெறுவீர்கள். தூக்கமின்மை, கண்பார்வை மற்றும் வயிறு தொடர்பான பிரச்சனைகளால் நீங்கள் பாதிக்கப்படலாம் என்பதால் உங்கள் ஆரோக்கியத்தில் கவனம் செலுத்துங்கள். மேலும் உங்கள் தந்தையின் உடல்நிலையிலும் கவனம் செலத்த வேண்டும். வெளிநாட்டு வாடிக்கையாளர்களுடன் வியாபாரம் செய்பவர்களுக்கு சாதகமான காலமாக இருக்கும். ஏனெனில் நீங்கள் நல்ல லாபத்தைப் பெறுவீர்கள்.

கும்பம்

கும்ப ராசியின் 11 ஆவது வீட்டிற்கு சூரியன் செல்கிறார். இதனால் இக்காலத்தில் அதிக செல்வத்தைப் பெறுவீர்கள். செல்வாக்குமிக்கவர்களுடன் தொடர்புகளை ஏற்படுத்துவீர்கள். பணியிடத்தில் சூழ்நிலை உங்களுக்கு சாதகமாக இருக்கும். இக்காலத்தில் பதவி உயர்வு அல்லது வருமான உயர்வு கிடைக்கும். இக்காலத்தில் உடன் பணிபுரிபவர்களின் முழு ஆதரவையும் பெறுவீர்கள். திருமணமானவர்கள் தங்கள் துணையுடன் அழகான பந்தத்தைப் பகிர்ந்து கொள்வார்கள். இருப்பினும் வேலை பிஸியால் சில சிக்கல்களை சந்திப்பீர்கள். இருந்தாலும், உங்கள் துணை உங்களைப் புரிந்து உங்களுக்கு ஆதரவாக இருப்பார்.

மீனம்

மீன ராசியின் 10 ஆவது வீட்டிற்கு சூரியன் செல்கிறார். இதனால் இக்காலத்தில் நீங்கள் அதிகாரம் மிக்கவராக இருப்பீர்கள். தொழில் வாழ்க்கையில் நல்ல பலன்களைப் பெறுவீர்கள். உங்களின் எல்லா பணிகளையும் சரியான நேரத்தில் முடிப்பீர்கள். சொல்லப்போனால் வலிமை மிக்கவராக இருப்பீர்கள். தொழிலதிபர்கள் தங்கள் தொழில் அல்லது வியாபாரத்தில் புகழ் பெறுவார்கள். உங்கள் எல்லா முயற்சிகளிலும் குடும்பத்தினர் மற்றும் நண்பர்களின் ஆதரவையும் உதவியையும் பெறுவீர்கள். வேலை தேடுபவர்களுக்கு சாதகமான காலமாக இருக்கும். சிறிய முயற்சியில் நல்ல வேலை வாய்ப்புகள் கிடைக்கும். இந்த காலத்தில் நீங்கள் அடிக்கடி கோபப்படலாம். இது உங்களின் வேலையை கெடுக்கலாம்.