For Quick Alerts
ALLOW NOTIFICATIONS  
For Daily Alerts

துலாம் செல்லும் சூரியனால் எந்த ராசிக்காரருக்கு படுமோசமாக இருக்கப் போகுதுன்னு தெரியுமா?

|

வேத ஜோதிடத்தில் நவகிரகங்களின் தலைவராக கருதப்படுபவர் சூரியன். மற்ற கிரகங்களைப் போலவே சூரியனும் ஒரு ராசியில் இருந்து மற்றொரு ராசிக்கு மாதத்திற்கு ஒருமுறை இடம் பெயர்வார். அந்த வகையில் 2020 அக்டோபர் 17 ஆம் தேதி காலை 6.50 மணிக்கு துலாம் ராசிக்கு சென்று, அங்கு 2020 நவம்பர் 16 ஆம் தேதி காலை 6.39 மணி வரை இருப்பார்.

ஜோதிடத்தில் ஆத்மா, தந்தை, தலைமைத்துவம், விருப்பம், தைரியத்தைக் குறிக்கும் சூரியன், பலவீனமான நிலையில் துலாம் ராசிக்கு நகர்கிறார். பொதுவாக கிரகங்களின் இடமாற்றம் ஒவ்வொரு ராசியிலும் தாக்கத்தை ஏற்படுத்தும். துலாம் ராசிக்கு செல்லும் சூரியனால் எந்த ராசிக்காரர்கள் எம்மாதிரியான பலன்களைப் பெறப் போகிறார்கள் என்பதை இப்போது காண்போம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
மேஷம்

மேஷம்

மேஷ ராசியில் சூரியன் காதல் மற்றும் உறவுகளின் வீடான ஏழாவது வீட்டிற்கு செல்கிறது. இதனால் உங்கள் உறவுகளுக்குள் இடையூறு விளைவிக்கும்படியான சில ஏற்றத்தாழ்வுகள் மற்றும் மனோபாவ வேறுபாடுகள் ஏற்படும். எனவே உங்கள் மனைவியுடன் பழகும் போது உங்கள் ஆக்கிரமிப்பைக் கட்டுப்படுத்திக் கொள்ளுங்கள். கூட்டாளிகளுடன் சேர்ந்து தொழில் செய்பவர்கள் சில சிக்கல்களையும், கூட்டாளருடன் மோதல்களையும் சந்திக்க நேரிடும். சூரியனின் இந்த பெயர்ச்சி உங்கள் குழந்தையின் ஆரோக்கியத்தை பாதித்து, உங்களுக்கு கவலையையும், பதட்டத்தையும் உண்டாக்கும். உங்கள் தந்தையுடன் சில வாக்குவாதங்கள் அல்லது கருத்து வேறுபாடுகள் ஏற்படலாம்.

ரிஷபம்

ரிஷபம்

ரிஷப ராசியின் ஆறாவது வீட்டில் சூரியன் இடம் பெயரவிருக்கிறார். இது ரிஷப ராசிக்கு நல்ல முடிவுகளை வழங்கப் போகிறது. தொழில் ரீதியாக, சூரியனின் இந்த போக்குவரத்தால் அதிக போட்டி மனப்பான்மையுடன் ஆற்றலும், உற்சாகமும் நிறைந்து இருப்பீர்கள். நீண்ட காலமாக வேலை மாற்றத்தை எதிர்பார்ப்பவர்களுக்கு சூரியனின் இந்த மாற்றத்தால், நிறைய வாய்ப்புக்கள் கிடைக்கும். வேலை செய்பவர்களுக்கு அவர்களின் திறமை மற்றும் அனுபவத்தை மேம்படுத்தும் அளவிலான பொறுப்புக்கள் வழங்கப்படும். தாயின் ஆரோக்கியம் உங்களுக்கு சில மன அழுத்தத்தையும் கவலையையும் தரக்கூடும். போட்டித் தேர்வுகளுக்குத் தயாராகும் மாணவர்கள் நல்ல முடிவுகளைப் பெற வாய்ப்புள்ளது. நீண்ட காலமாக நீங்கள் அனுபவித்து வந்த உடல்நல பிரச்சனையில் இருந்து மீள்வீர்கள். வாகனம் ஓட்டும் போது கவனமாக இருங்கள். இல்லையெனில் விபத்துக்கள் ஏற்பட வாய்ப்புள்ளது.

மிதுனம்

மிதுனம்

சூரியனின் இந்த பெயர்ச்சி மிதுன ராசிக்காரர்களுக்கு அவ்வளவு நல்ல முடிவுகளைத் தரக்கூடியதாக இருக்காது. சூரியன் பலவீனமான நிலையில் இருப்பதால், பணியிடத்தில், உங்கள் முயற்சிகள் விரும்பிய திசையில் செல்வதை நீங்கள் காணாமல் போகலாம், இது உங்களில் சில விரக்தியையும் கோபத்தையும் ஏற்படுத்தக்கூடும் . இது வாழ்க்கையின் அனைத்து அம்சங்களிலும் சில மோசமான விளைவுகளை உருவாக்கும். தொழிலுக்காக இந்த காலத்தில் பயணம் மேற்கொள்வதைத் தவிர்க்கவும். ஏனெனில் இது உங்களுக்கு லாபத்தை வழங்குவதற்கு பதிலாக இழப்புகளை ஏற்படுத்தக்கூடும். உறவுகளில் சில வேறுபாடுகளையும், தாழ்வுகளையும் உருவாக்கக்கூடும். ஆரோக்கியம் சிறப்பாக இருக்க, ஜங்க உணவுகளைத் தவிர்த்திடுங்கள். இல்லாவிட்டால், அடிவயிற்றுப் பகுதியில் பிரச்சனைகளை சந்திப்பீர்கள்.

கடகம்

கடகம்

கடக ராசியில் சூரியன் 4 ஆவது வீட்டில் பலவீனமான நிலையில் அமரப் போகிறார். இதனால் கடக ராசிக்காரர்களுக்கு இந்த சூரிய பெயர்ச்சி மோசமான முடிவுகளை அளிக்கலாம். பணியிடத்தில் உங்கள் செயல்திறன் பாதிக்கப்படும். தாயின் ஆரோக்கியம் கொஞ்சம் பலவீனமாக இருக்கும் என்பதால் உங்கள் மனக்கவலை அதிகரிக்கும். சொத்து விற்பனை மற்றும் வாங்குவதில் அல்லது அதை புதுப்பித்தலில் கூட சில தாமதங்கள் மற்றும் சிக்கல்கள் இருக்கலாம். வாகனம் ஓட்டும் போது கவனமாக இருங்கள். இல்லாவிட்டால் விபத்துக்களை சந்திக்கக்கூடும். தூக்கமின்மை மன அழுத்தத்தை அதிகரிப்பதுடன், வலது கண்களில் பிரச்சனைகளுக்கு வழிவகுக்கும்.

சிம்மம்

சிம்மம்

சிம்ம ராசியில் சூரிய பெயர்ச்சி மூன்றாவது வீட்டில் நிகழ்கிறது. இந்த வீடு தைரியம், முயற்சிகள், ஆசைகள் மற்றும் உடன்பிறப்புக்களைக் குறிக்கிறது. இந்த சூரிய பெயர்ச்சியால் உங்கள் லட்சியம் மற்றும் துணிச்சலில் சிறந்தவராக இருப்பீர்கள். உங்கள் திறமைகளை முழுமையாகப் பயன்படுத்த இது சரியான நேரம். நீங்கள் விளையாட்டு போன்ற துறையில் இருந்தால், உங்கள் வாழ்க்கையில் மேலும் முன்னேற உதவும் பல வாய்ப்புகளை நீங்கள் காண்பீர்கள். ஆரோக்கியத்தைப் பொறுத்தவரை, காது சம்பந்தமான பிரச்சனைகளை சந்திக்க வாய்ப்புள்ளது. எனவே காதணிகளை அதிகம் பயன்படுத்த வேண்டாம் மற்றும் காதுகளை சுத்தமாக வைத்துக் கொள்ளுங்கள். முக்கியமாக காதுகளில் எதையும் செருகாதீர்கள். இல்லாவிட்டால் அது தொற்றுநோய்களுக்கு வழிவகுக்கும்.

கன்னி

கன்னி

கன்னி ராசியில் சூரியன் இரண்டாம் வீட்டில் இடம் பெயர்கிறார். இரண்டாம் வீடு செல்வம், குடும்பம் மற்றும் சேமிப்பு ஆகியவற்றைக் குறிக்கிறது. சூரியனின் இந்த பெயர்ச்சி உங்களுக்கு நல்ல முடிவுகளை தருவதாக இல்லை. தனிப்பட்ட முறையில், தேவையற்ற சில சூழ்நிலைகளை எதிர்கொண்டு, செலவுகளை சந்திக்கலாம். யாரிடமும் எந்தவிதமான நையாண்டியையும் நகைச்சுவையையும் செய்வதைத் தவிர்க்கவும். ஏனென்றால் இது உங்களுக்குத் தெரியாமல் மற்றவர்களின் உணர்வுகளை புண்படுத்த வழிவகுக்கும். தொழில் ரீதியாகவும், நிதி ரீதியாகவும், எந்தவிதமான புதிய முதலீடுகளையும் செய்ய இது உகந்த காலம் அல்ல. மாணவர்கள் படிப்பில் கவனத்தை செலுத்த கஷ்டப்படலாம். ஆரோக்கியத்தைப் பொறுத்தவரை, கண்கள் மற்றும் அடிவயிறு சம்பந்தமான பிரச்சனைகளை சந்திக்க வாய்ப்புள்ளது.

துலாம்

துலாம்

உமிழும் கிரகமான சூரியன் துலாம் ராசியின் முதல் வீட்டிற்கு இடம் பெயர்கிறார். இந்த வீடு சுய மற்றும் ஆளுமையின் வீடு. இந்த பெயர்ச்சி இந்த ராசிக்காரர்களுக்கு சிறந்ததாக இருக்காது. தொழில் ரீதியாக, சூரியன் பலவீனமான நிலையில் இருப்பதால், பணியிடத்தில் சில ஏற்றத்தாழ்வுகளை சந்திப்பீர்கள். குடும்பத்தில் நிகழும் சிறு பிரச்சனையால் நீங்கள் குடும்ப உறுப்பினர்களின் மீது எளிதில் கோபமடைவீர்கள். இது உங்கள் குடும்ப சந்தோஷத்தைக் கெடுக்கும். இதைத் தவிர்க்க கோபத்தைக் கட்டுப்படுத்தி அமைதியை பேண முயற்சி செய்யுங்கள். ஆரோக்கியத்தைப் பொறுத்தவரை, சருமம் தொடர்பான பிரச்சனைகளை சந்திக்கலாம். எனவே போதுமான அளவு நீரைக் குடியுங்கள் மற்றும் காரமான மற்றும் எண்ணெயில் பொரித்த உணவுகளைத் தவிர்த்திடுங்கள்.

விருச்சிகம்

விருச்சிகம்

விருச்சிக ராசியில் சூரியன் 12 ஆவது வீட்டிற்கு செல்கிறார். இந்த வீடு வெளிநாடு மற்றும் செலவுகளைக் குறிக்கும் வீடாகும். சூரியனின் இந்த பெயர்ச்சி இந்த ராசிக்காரர்களுக்கு சாதகமான முடிவுகளைத் தராது. தொழில் ரீதியாக பலவீனமான நிலையில் சூரியன் இருப்பதால், பணிகளில் சில தடைகளை எதிர்கொள்வீர்கள். செய்து கொண்டிருக்கும் வேலையை கைவிட நினைப்பீர்கள். ஆனால் அவ்வாறு செய்துவிட வேண்டாம். உங்கள் முயற்சியை கைவிடாதீர்கள். உங்களுக்கு வெளிநாட்டு தொடர்பான சில நன்மைகள் கிடைக்கலாம். தந்தையுடன் கருத்து வேறுபாடுகள் அல்லது மோதல்களை சந்திக்கலாம். ஆரோக்கியத்தைப் பொறுத்தவரை, சனி பகவான் பலவீனமான நிலையில் இருப்பதால், தூக்கம் தொடர்பான பிரச்சனைகளை எதிர்கொண்டு, பார்வை கோளாறு மற்றும் தலைவலி போன்ற பிரச்சனைகளை சந்திப்பீர்கள்.

தனுசு

தனுசு

தனுசு ராசியில் சூரியன் 11 ஆவது வீட்டில் இடம் பெயர்கிறார். இந்த வீடு ஒரு அதிர்ஷ்ட வீடாகும். சூரியனின் இந்த பெயர்ச்சி காலம் தனுசு ராசிக்காரர்களுக்கு வெற்றியையும், லாபத்தையும் வழங்கும் பொன்னான காலமாக இருக்கும். தொழில் ரீதியாக, அலுவலகத்தில் வெகுமதிகளையும், பாராட்டையும் பெறுவீர்கள். உங்களின் அனைத்து பணிகளும் அதிர்ஷ்டத்தால் வெற்றிகரமாக முடிக்கப்படும். எந்தவொரு பயணமும், குறிப்பாக தொழில் சம்பந்தப்பட்டவை, உங்களுக்கு வெற்றிகளையும் லாபத்தையும் வழங்கக்கூடும். உங்கள் தந்தையுடனான உறவு மேம்படும். அன்பும் உறவும் புதிய ஆற்றலுடன் செல்வதைக் காண்பீர்கள். ஆரோக்கியத்தைப் பொறுத்தவரை, நீண்ட காலமாக அவஸ்தைப்பட்டு வந்த உடல்நல பிரச்சனையில் இருந்து குணமாவீர்கள்.

மகரம்

மகரம்

மகர ராசியில் சூரியன் 10 ஆவது வீட்டில் இடம் பெயர்கிறார். இது தொழில் வீடு. சூரியனின் இந்த பெயர்ச்சி மகர ராசிக்காரர்களுக்கு நல்ல முடிவுகளைத் தரக்கூடியதாக இருக்கும். தொழில் ரீதியாக, அலுவலகத்தில் புதிய பதவிகளைப் பெற வாய்ப்புள்ளது. நீங்கள் ஏதேனும் அரசாங்க நிறுவனத்தில் பணியாற்றுவதற்கான வாய்ப்பை எதிர்பார்க்கிறீர்கள் என்றால், இந்த கால கட்டத்தில் அவை தொடர்பான நல்ல முடிவுகளைப் பெற வாய்ப்புள்ளது. தந்தையுடனான உங்கள் உறவு மேம்படும். காதலிடமிருந்து எதிர்பாராத பரிசுகளைப் பெறுவீர்கள். இது உங்கள் இருவருக்கும் உள்ள பிணைப்பை வலுப்படுத்தும். மாணவர்களுக்கு இது பொன்னான காலமாக இருக்கும். உங்களுக்கு இரத்த அழுத்தம் அல்ல கொலஸ்ட்ரால் போன்ற பிரச்சனைகள் இருந்தால், முன்னெச்சரிக்கையுடன் இருப்பது நல்லது. ஆரோக்கியம் சிறப்பாக இருக்க உடற்பயிற்சிகளில் தவறாமல் ஈடுபடுங்கள்.

கும்பம்

கும்பம்

கும்ப ராசியில் சூரியன் 9 ஆவது வீட்டிற்கு செல்கிறார். இந்த வீடு அதிர்ஷ்டத்தைக் குறிப்பதாகும். ஆனால் இந்த சூரிய பெயர்ச்சியால் உங்களுக்கு சாதகமான முடிவுகள் கிடைக்க வாய்ப்பில்லை. தனிப்பட்ட வாழ்க்கையைப் பொறுத்தவரை, ஈகோ அல்லது மனோபாவ வேறுபாடுகள் உறவுகளைப் பாதிக்கும். தொழில் ரீதியாக, எவ்விதமான பயணங்களையும் மேற்கொள்வது நல்லதல்ல. ஏனெனில் இது இழப்புக்களுக்கும், தேவையற்ற செலவுகளுக்கும் வழிவகுக்கும். கூட்டுத் தொழில் செய்பவர்களாக இருந்தால், இந்த காலத்தில் சில இழப்புக்கள் ஏற்பட வாய்ப்புள்ளது. எனவே தொழிலில் எதை செய்யும் முன்பும், உங்கள் தந்தை அல்லது அனுபவசாலிகளிடம் ஆலோசனை பெறுவது நல்லது. போட்டித் தேர்வுகளுக்கு தயாராகும் மாணவர்கள் சில கவனச் சிதறல்களை சந்திக்க நேரிடும். இது அவர்களின் செயல்திறன் மற்றும் முடிவுகளுக்கு இடையூறாக இருக்கும். ஆரோக்கியத்தைப் பொறுத்தவரை, ஃபிட்டாக இருப்பீர்கள். இருப்பினும் உங்கள் வயிறு மற்றும் அடிவயிற்றுப் பகுதி குறித்து சற்று எச்சரிக்கையாக இருக்க அறிவுறுத்தப்படுகிறது.

மீனம்

மீனம்

மீன ராசியில் சூரியன் எட்டாவது வீட்டில் இடம் பெயர்கிறார். இந்த வீடு நிச்சமற்ற மற்றும் மாற்றத்தின் வீடாகும். சூரியனின் இந்த பெயர்ச்சி மீன ராசிக்காரர்களுக்கு நல்ல பலனைத் தராது. தொழில் ரீதியாக மற்றும் நிதி ரீதியாக உங்களுக்கு ஒரு கடினமான காலமாக இருக்கும். வேலையை மாற்ற நினைத்தால், இந்த பெயர்ச்சி முடியும் வரை காத்திருங்கள். உங்கள் எதிரிகள் உங்களுக்கு எதிராக சதி செய்ய முயற்சி செய்யலாம். எனவே நீங்கள் விழிப்புடனும், எச்சரிக்கையுடனும் இருக்க வேண்டியது அவசியம். முக்கியமாக எந்த வகையான கடன்களையும் வாங்காதீர்கள். இந்த காலத்தில் உங்கள் பேச்சு சற்று கடுமையாக இருக்கும் என்பதால், இது உங்கள் குடும்பம் மற்றும் அன்பானவர்களுடனான உறவை சீர்குலைக்கும். எனவே நீங்கள் அதிகம் பேசாமல் இருப்பது நல்லது. ஆரோக்கியத்தைப் பொறுத்தவரை, நோயெதிர்ப்பு சக்தி குறைவாக இருக்க வாய்ப்புள்ளது. இதனால் பற்கள் மற்றும் கண்கள் தொடர்பான பிரச்சனைகளை எதிர்கொள்ளலாம். எனவே உங்கள் உணவுப் பழக்கத்தைக் கவனியுங்கள் மற்றும் யோகா, தியானம் போன்றவற்றை மேற்கொள்ளுங்கள். இது உங்கள் நோயெதிர்ப்பு சக்தியை மேம்படுத்தும். இதனால் ஆரோக்கியமும் சிறப்பாக இருக்கும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Sun Transit In Libra On 17th October Know the Effects on All Zodiac Signs in Tamil

Sun Transit in Libra on 17th October 2020. Check out the effects on all zodiac signs, and learn about remedies to perform in Tamil.