வக்ர நிவர்த்தி அடைந்த சனியால் சந்திக்கும் பிரச்சனைகளை குறைக்கும் பரிகாரங்கள்!

பரிகாரம் #1

சனி தோஷம் அல்லது சனியால் சந்திக்கும் பிச்சனைகளைக் குறைக்க சனிக்கிழமையன்று சனி ஸ்தோத்திரத்தை பாராயணம் செய்யுங்கள். மேலும் மனதில் சனி பகவானை நினைத்து தியானம் செய்யுங்கள். இதனால் சனி தோஷத்தால் சந்திக்கும் பிரச்சனைகள் குறையும்.

பரிகாரம் #2

சனி பகவானை மகிழ்விக்க சனிக்கிழமைகளில் வீட்டின் அருகில் உள்ள கோவிலில் உள்ள சனி பகவானுக்கு கடுகு எண்ணெய் தீபத்தை ஏற்றி வழிபடுங்கள்.

பரிகாரம் #3

பண பிரச்சனையை சந்திப்பவர்கள் ஏதேனும் ஒரு சுக்லபட்சத்தின் முதல் சனிக்கிழமையன்று 10 பாதாமை எடுத்து அனுமன் கோவிலுக்கு செல்லுங்கள். அங்கு 5 பாதாமை வைத்துவிட்டு, 5 பாதாமை வீட்டிற்கு கொண்டு வந்து, சிவப்பு துணியில் வைத்து கட்டி, வீட்டில் பணம் வைக்கும் இடத்தில் வையுங்கள். இப்படி செய்வதால் சனி பகவானால் சந்திக்கும் பண பிரச்சனை குறையும்.

பரிகாரம் #4

சனிக்கிழமைகளில் குரங்குகளுக்கு சாதம், வெல்லம், வாழைப்பழம் போன்றவற்றை கொடுங்கள். மேலும் ஒரு கிண்ணத்தில் கடுகு எண்ணெயை எடுத்து, அதில் உங்கள் முகத்தை பார்த்து, பின் அந்த எண்ணெயை தானம் செய்யுங்கள். தேங்காயை ஆற்றில் எறியுங்கள்.

பரிகாரம் #5

சனி பகவானால் சந்திக்கும் பிரச்சனைகள் குறைய ஒவ்வொரு சனிக்கிழமையும் கறிவேப்பிலையை அரைத்து அதை உருண்டைகளாக்கி, மீன்களுக்கு உணவாக கொடுங்கள்.

பரிகாரம் #6

ஒவ்வொரு சனிக்கிழமையும் கருப்பு நிற நாய்க்கு கடுகு எண்ணெயில் நனைத்த ரொட்டியை சாப்பிட கொடுங்கள். மேலும் இரவு நேரங்களில் கால் நகங்களில் கடுகு எண்ணெயை தடவுங்கள். அதோடு, 7 சனிக்கிழமைகளில் எறும்புகளுக்கு கருப்பு உருண்டையை உணவளியுங்கள்.

பரிகாரம் #7

சனி தோஷங்களில் இருந்து விடுபட வேண்டுமானால், சிவ சாலிசாவை பாராயணம் செய்யுங்கள். அதோடு அனுமனை வழிபடுவதும் சனியினால் சந்திக்கும் பிரச்சனைகளைக் குறைக்க உதவும்.

பரிகாரம் #8

சனி தோஷங்களை குறைக்க சனிக்கிழமைகளில் ஏழை மக்களுக்கு உணவளிப்பது மிகச்சிறந்த பரிகாரமாகும். அதுவும் நீங்கள் பிறந்த நாள் அல்லது உங்கள் வாழ்வில் முக்கியமான நாளாக கருதப்படும் தினங்களில் அன்ன தானம் செய்யுங்கள். இதனால் சனி பகவான் மகிழ்ச்சியடைவார்.