சனிதசை யாருக்கு நன்மை செய்யும்... பாதிப்பு யாருக்கு

சனி தசையில் நன்மை

மகரம் கும்பம் ராசிகளில் ஆட்சி பெறும் சனி அந்த லக்னகாரர்களுக்கு அதிக நன்மைகளை மட்டுமே செய்வார். துலாம் ராசியில் உச்சமடையும் சனி அங்கேயும் அந்த லக்னகாரர்களுக்கு தனது தசாபுத்தியில் நன்மைகளை அதிகம் செய்வார். அதே நேரத்தில் தன்னுடைய வீடாக இருந்தாலும் சில பாதிப்புகள் வரும். கும்ப லக்னகாரர்களுக்கு சனிபகவான் வேலையில் சில பிரச்சினைகளை ஏற்படுத்துவார். இடமாற்றங்களை ஏற்படுத்துவார்.

பாதிக்கப்படும் லக்னகாரர்கள்

மேஷத்தில் நீசமடையும் சனி மேஷத்திற்கு பாதகாதியாகவும் செயல்படுவார் என்றாலும் 11வது இடத்தில் இருந்தால் நன்மைகளையே செய்வார்.

மேஷம், விருச்சிகம், கடகம், சிம்மம் ஆகிய லக்னகாரர்களுக்கு சனிபகவான் அதிகம் செய்ய மாட்டார். அதே நேரத்தில் சனி 3, 10, 11, ஆகிய இடங்களில் நின்றிருந்தால் சனி நல்லது செய்வார்.

யோகம் தரும் சனிபகவான்

ரிஷபம் சனிக்கு நட்பு வீடு காரணம் லக்னாதிபதி சுக்கிரன் நண்பர். சனி ரிஷபத்திற்கு பாக்யாதிபதி, தொழில் ஸ்தான அதிபதி சனி நட்பின் அடிப்படையில் நன்மைகளையே செய்வார். துலாம் லக்னகாரர்களுக்கு சனி சுபமானயோகங்களை செய்வார். காரணம் அங்குதான் உச்சமடைகிறார்.

மிதுனம் அஷ்டமாதிபதி, பாக்ய ஸ்தான அதிபதி. சனிபகவான் ஆயுள் பலத்தை கொடுப்பதோடு நல்ல கன்னி லக்னகாரர்களுக்கு சனிபகவான் ஆறு மற்றும் ஏழாம் வீட்டிற்கு அதிபதி. நன்மையும் தீமையும் கலந்தே வரும்.

சனி சந்திரன் பகை

சந்திரன் சனி பகை என்பதால் தீய பலன்கள் சனிதசையில் அதிகமாகவே இருக்கும். கடக லக்னகாரர்களுக்கு 11ஆம் வீட்டிற்கு வரும் போது நன்மை செய்வார். அவர் யோகாதிபதியில்லை என்பதால் தடை தாமதங்களுடன் எதையும் செய்வார். சிம்ம லக்னத்திற்கு பூர்வ புண்ணியாதிபதி, ருண ரோக சத்ரு ஸ்தான அதிபதி என்பதால் நோய் தொந்தரவுகள் வரும். கடன்கள் அதிகம் அதிகம் ஏற்படும். எனவே கடகம், சிம்மம் லக்னகாரர்கள் சனிதிசை சனி புத்தி காலத்தில் கவனமாகே இருப்பது அவசியம்.

சனியால் சங்கடமில்லை

தனுசு லக்னகாரர்களுக்கு சனி நட்பானவர் என்பதால் பெரிய பாதிப்புகள் எதுவும் ஏற்படாது. அதே போல மீன லக்னகாரர்களுக்கு சனி லாப ஸ்தான அதிபதி 12ஆம் வீட்டிற்கு சனி அதிபதி என்பதால் நிறைய நிம்மதியையும், இடமாற்றங்களையும் தருவார். பணத்தையும் தருவார். சனி தசை நடக்கும் போது தொழில் தொடங்க வைப்பார்.

சனி அதிர்ஷ்டம்

ஒருவரின் ஜாதகத்தில் சனி 3, 6,10,11ஆம் இடங்களில் இருப்பது அதிர்ஷ்டம். நல்ல பலன்களைக் கொடுப்பார். சனிபகவான் உச்சம் பெற்றிருந்தால் அதன் மீது குரு பார்வை விழுவது நன்மையை தரும். சனிதசை நடக்கும் போது உழைப்பு கூடும். சோதனைகள் அதிகரிக்கும். தர்மநெறியோடு நடந்து கொள்ள வைப்பார். சனி நீதிக்கு அதிபதி. நீங்கள் செய்த நன்மை தீமையின் அடிப்படையில் உங்களுக்கு நன்மைகளும் தீமைகளும் நடக்கும். சனிபகவான் ஜாதகத்தில் யோகம் பெற்ற நட்சத்திரங்களில் இருந்தாலோ, நல்ல நிலையில் இருந்தாலோ நன்மைகள் நடைபெறும்.

பரிகாரம் என்ன

சனிபகவான் ஒரு நீதிமான் ஆவார். எப்படி நீதிபதியானவர். ஒருவன் செய்த குற்றங்களுக்குத் தக்கப்படி தண்டனை அளிக்கிறாரோ அதே மாதிரி சனிபகவானும் அவரவர் முற்பிறவியில் செய்த கர்மாக்களுக்குத் தக்கவாறு தண்டனை வழங்குகிறார். சனி திசையில் பாதிப்புகள் குறைய நிறைய மரம் நட வேண்டும். அதேபோல மரங்களுக்கு தண்ணீர் விட்டு பராமரிக்கலாம். ஊனமுற்றவர்களுக்கு உதவி செய்யலாம். தர்மநிலையில் இருப்பவர்களுக்கு சனி நன்மைகள் செய்வார். அருளும் பொருளும் கிடைக்க சனியின் அருள் கிடைக்க வேண்டும்.