Pongal 2024 : பொங்கல் பண்டிகை ஏன் 4 நாட்கள் கொண்டாடப்படுகிறது தெரியுமா?

பொங்கல் 2024 தேதி

* போகிப்பண்டிகை - 2024 ஜனவரி 14, ஞாயிற்றுக்கிழமை

* தைப்பொங்கல் - 2024 ஜனவரி 15, திங்கட்கிழமை

* மாட்டுப்பொங்கல் - 2024 ஜனவரி 16, செவ்வாய்க்கிழமை

* காணும் பொங்கல் - 2024 ஜனவரி 17, புதன்கிழமை

போகி பண்டிகை

பொங்கல் பண்டிகையின் முதல் நாள் போகி பண்டிகை கொண்டாடப்படுகிறது. அந்த போகி பண்டிகை மார்கழி மாதத்தின் கடைசி நாளில் கொண்டாடப்படுகிறது. இந்நாளில் மக்கள் விவசாயத்திற்கு நல்ல விளைச்சல் நிலத்துடன் மழையையும் தந்த இந்திரனை வணங்குவார்கள். இது தவிர ஆடி மாதத்தில் பயிரிட்ட அரிசியை மார்கழியின் கடைசி நாளன்று வீட்டிற்கு கொண்டு வருவார்கள். அதோடு இந்நாளில் மக்கள் வீட்டில் உள்ள தேவையில்லாத பொருட்களை எரித்து, வீட்டை சுத்தம் செய்வார்கள்.

தைப்பொங்கல்

பொங்கல் பண்டிகையின் இரண்டாம் நாள் தான் தைப்பொங்கல் கொண்டாடப்படுகிறது. தைப்பொங்கலானது தை மாதத்தின் முதல் நாளில் கொண்டாடப்படும். இந்நாளில் மக்கள் அறுவடை செய்த புதிய பச்சரியால் பால், வெல்லம் சேர்த்து புதிய பானையில் பொங்கல் வைத்து, விவசாயத்திற்கு உதவிய சூரியனுக்கு பொங்கல் வைத்து, சூரிய பகவானுக்கு நன்றி செலுத்தி வழிபடுவார்கள்.

மாட்டுப்பொங்கல்

பொங்கல் பண்டிகையின் மூன்றாவது நாள் கொண்டாடப்படுவது மாட்டுப்பொங்கல். இந்நாளில் விவசாயத்திற்கு உதவியாக இருந்த கால்நடைகளுக்கு நன்றி தெரிவிக்கும் வகையில், கால்நடைகளை அழகாக அலங்கரித்து, கழுத்தில் மணிகளைக் கட்டி, பொங்கல் வைத்து அவற்றிற்கு சாப்பிட கொடுப்பார்கள். மேலும் திருக்குறள் மூலம் தமிழின் பெருமையை உலகிற்கு எடுத்துரைத்ததால், இந்நாள் திருவள்ளுவர் தினமாகவும் கொண்டாடப்படுகிறது.

காணும் பொங்கல்

காணும் பொங்கல் பண்டிகையானது ஓய்வின்றி விவசாயம் செய்ததால், ஓய்விற்காகவும், குடும்பத்துடன் மகிழ்ச்சியாக நேரத்தை செலவிடவும் இது கொண்டாடப்படுகிறது. இந்நாளில் உறவினர்கள், நண்பர்கள் ஆகியோரின் வீட்டிற்கு செல்வது மற்றும் வீட்டு பெரியோரின் ஆசியைப் பெறுவது போன்றவற்றையும் மக்கள் மேற்கொள்வார்கள். முக்கியமாக இந்த நாளன்று ஜல்லிக்கட்டு போன்ற தமிழர்களின் வீர விளையாட்டுக்கள் நடைபெறும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும்.)