புதன் வக்ர நிவர்த்தி அடைவதால் எச்சரிக்கையாக இருக்க வேண்டிய ராசிக்காரர்கள் யார்யார் தெரியுமா?

மிதுனம்

மிதுன ராசியின் 12 ஆவது வீட்டில் புதன் வக்ர நிவர்த்தி அடைகிறார். இதனால் இக்காலத்தில் மிதுன ராசிக்காரர்கள் பல பிரச்சனைகளை சந்திக்க நேரிடும். அதோடு தேவையற்ற செலவுகளும் ஏற்படும். மேலும் ஆரோக்கியத்தில் அதிக கவனம் செலுத்துங்கள். நீதிமன்ற வழக்குகளை வெளியே பேசி தீர்ப்பது நல்லது. இக்கால கட்டத்தில் வியாபாரத்தில் பெரும் நஷ்டத்தை சந்திக்க நேரிடும்.

துலாம்

துலாம் ராசியின் 8 ஆவது வீட்டில் புதன் வக்ர நிவர்த்தி அடைகிறார். இதனால் இந்த ராசிக்காரர்கள் இக்காலத்தில் பல ஏற்ற தாழ்வுகளை சந்திப்பார்கள். எந்த ஒரு திட்டங்களையும் சற்று கவனத்துடன் செய்யுங்கள். எந்த வேலையை செய்தாலும், அதில் கடின உழைப்பு தேவை. ஏனெனில் இக்காலத்தில் சில தடைகளை சந்திக்க நேரிடும். வேலை வாய்ப்புகளில் சிறிது கவனம் செலுத்த வேண்டும். இக்காலத்தில் சச்சரவுகளில் இருந்து விலகி இருங்கள். இல்லையென்றால், சிக்கலில் சிக்கிக் கொள்வீர்கள்.

தனுசு

தனுசு ராசியின் 6 ஆவது வீட்டில் புதன் வக்ர நிவர்த்தி அடைகிறார். ஆகவே இக்காலம் இந்த ராசிக்காரர்களுக்கு சாதகமாக இருக்காது. உடல் ஆரோக்கியத்தில் சற்று கவனமாக இருங்கள். யாருக்கும் கடன் கொடுக்காதீர்கள். உறவினர்கள் மூலம் சில கெட்ட செய்திகளை பெறுவீர்கள். நீதிமன்ற வழக்குகளை பேசி தீர்க்க முயற்சிப்பது நல்லது.

மீனம்

மீன ராசியின் 3 ஆவது வீட்டில் புதன் வக்ர நிவர்த்தி அடைகிறார். இதனால் இக்காலத்தில் மீன ராசிக்காரர்கள் சற்று கவனமாக இருக்க வேண்டும். எந்த முடிவுவை எடுப்பதற்கு முன்பும் ஒருமுறைக்கு இருமுறை யோசிக்க அறிவுறுத்தப்படுகிறது. மேலும் இக்காலத்தில் ஆன்மீகத்தில் ஆர்வம் அதிகரிக்கும்.

புதனால் சந்திக்கும் பிரச்சனைகளைத் தவிர்ப்பதற்கான பரிகாரங்கள்:

* புதன்கிழமைகளில் பச்சை நிறத்தில் ஆடைகளை அணியுங்கள்.

* உங்கள் சகோதரிகள் மற்றும் அத்தைகளை மரியாதையுடன் நடத்துங்கள்.

* புதனின் தாக்கத்தைத் தவிர்க்க விஷ்ணுவை வழிபடுங்கள்.

* புதன்கிழமைகளில் தானம் செய்யுங்கள்.

* புதனுக்குரிய மந்திரங்களை சொல்லுங்கள். புதன் பகவானை மகிழ்விக்க இது ஒரு சிறந்த வழியாகும்.

* மரகத கல் மோதிரத்தை அணியுங்கள்.