மீன ராசியில் உருவாகியுள்ள குரு சுக்கிர சேர்க்கையால் மார்ச் 12 வரை இந்த 4 ராசிக்காரங்க கவனமாக இருக்கணும்..

மேஷம்

மேஷ ராசியின் 12 ஆவது வீட்டில் குரு சுக்கிர சேர்க்கை நிகழ்ந்துள்ளது. இதனால் இக்காலத்தில் செலவுகள் அதிகமாக ஏற்படலாம். தேவையில்லாத செலவுகளைத் தவிர்க்க வேண்டும். இல்லாவிட்டால் பிரச்சனைகளை சந்திக்க நேரிடும். இந்த சேர்க்கை காலத்தில் ஆரோக்கிய பிரச்சனைகளை சந்திக்க நேரிடும். இதன் விளைவாக உங்களின் வேலையும் பாதிக்கப்படக்கூடும். எனவே ஆரோக்கியமாக இருக்க தினமும் உடற்பயிற்சிகளை செய்வதோடு, ஆரோக்கியமான உணவுகளை உண்ண வேண்டும். ஹோட்டல் உணவுகளைத் தவிர்க்க வேண்டும்.

மிதுனம்

மிதுன ராசியின் 10 ஆவது வீட்டில் குரு சுக்கிர சேர்க்கை நிகழ்ந்துள்ளது. இதனால் மார்ச் 12 வரை இந்த ராசிக்காரர்கள் தங்கள் பணியிடத்தில் சில பிரச்சனைகளை சந்திக்க நேரிடும். இக்காலத்தில் சற்று திமிராக இருப்பீர்கள். உங்களை நீங்கள் சிறந்தவராக நினைத்து திரிவீர்கள். இதைத் தவிர்க்க வேண்டும். இல்லாவிட்டால் அது உங்கள் நற்பெயரை முழுவதுமாக கெடுத்துவிடும். அலுவலகத்தில் வதந்திகளை தவிர்த்திடுங்கள். இல்லாவிட்டால் அது உங்கள் வேலைக்கு உலை வைத்துவிடும்.

துலாம்

துலாம் ராசியின் 6 ஆவது வீட்டில் குரு சுக்கிர சேர்க்கை நிகழ்ந்துள்ளது. இதனால் இக்காலத்தில் உங்களின் செலவுகள் அதிகரிக்கலாம். தேவையில்லாத செலவுகளைத் தவிர்க்க வேண்டும். பணிபுரிபவர்களுக்கு அலுவலக சூழல் சாதகமாக இருக்கும். இருப்பினும் வேலைப்பளு அதிகமாக இருக்கும். வியாபாரத்திலும் சற்று அதிக அக்கறை காட்டுவீர்கள். ஆரோக்கியத்தில் கவனமாக இருக்க அறிவுறுத்தப்படுகிறது. ஏற்கனவே ஆரோக்கிய பிரச்சனைகளைக் கொண்டிருந்தால், இக்காலத்தில் கூடுதல் கவனமாக இருக்க வேண்டும்.

கும்பம்

கும்ப ராசியின் 2 ஆவது வீட்டில் குரு சுக்கிர சேர்க்கை நிகழ்ந்துள்ளது. இதனால் இக்காலத்தில் நீங்கள் கொஞ்சம் கடுமையாக பேசுவீர்கள். உங்கள் பேச்சை கவனிக்காவிட்டால், அது உங்களின் பல வேலைகளை பாழாக்கும். இக்குணத்தால் குடும்பத்திலும், அலுவலகத்திலும் பிரச்சனைகளை சந்திக்க நேரிடும். ஆரோக்கியத்தில் கூடுதல் கவனமாக இருக்க வேண்டும். எந்த ஒரு முடிவை எடுப்பதாக இருந்தாலும், நன்கு யோசித்து அனுபவமுள்ளவர்களின் ஆலோசனையைப் பெற்ற பின்னரே எடுக்க வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)