குரு பெயர்ச்சி 2019 - 20: அற்புதங்களை அனுபவிக்கப் போகும் மேஷ லக்னகாரர்கள்

பாக்ய குரு

உங்க லக்னத்திற்கு எட்டாவது வீட்டில் அஸ்டம ஸ்தானத்தில் இருந்த குருபகவான் பாக்ய ஸ்தானத்தில் பலமாக ஆட்சி பெற்று அமரப்போகிறார். தனுசு லக்னம் மூலம் நட்சத்திரம் ஒன்றாம் பாதத்தில் சஞ்சரிக்கும் குருபகவானால் மேஷம் லக்னம் அஸ்வினியில் அமையப்பெற்றவர்களுக்கு மிகப்பெரிய யோகம் கிடைக்கப் போகிறது.

அஸ்வினி அற்புதம்

குருபகவான் தனது பார்வையால் மேஷம், மிதுனம், சிம்மம் லக்னங்களைப் பார்வையிடுகிறார். உங்களின் உடல் ஆரோக்கியம் அதிகரிக்கும், தைரியம் கூடும். புதிய வேலை வாய்ப்புகள் கிடைக்கும். பிள்ளைகளால் அற்புதங்கள் நடக்கப் போகிறது.

யோகம் தரும் குரு பெயர்ச்சி

குரு பகவான் ஒன்பதாவது வீட்டில் பத்தாவது வீட்டு அதிபதியான சனியோடு சேர்ந்து அமர்வது மேஷம் லக்னகாரர்களுக்கு தர்மகர்மாதி யோகத்தை தரப்போகிறார். உங்களின் வீடு சந்தோஷங்களினால் நிறையப்போகிறது. சுபகாரியங்கள் அதிகம் நடக்கப் போகிறது. பிள்ளைகளுக்கு திருமணம் கைகூடி வரும்.

காதல் திருமணம் நடக்கும்

ஒன்பதாம் அதிபதியும் பத்தாம் அதிபதியும் இணைந்து ஒன்பதாம் வீட்டில் இணைவது நல்ல யோகம். குருபாக்ய ஸ்தானத்தில் அமர்ந்து பார்ப்பதால் பரணி நட்சத்திரத்தில் அமர்ந்த மேஷ லக்னகாரர்களை பார்ப்பது சிறப்பு. குரு ஒன்பதில் அமர்ந்து சுக்கிரன் நட்சத்திரமான பரணியை பார்ப்பதால் புகழ் செல்வம் செல்வாக்கு உயரும். காதல் திருமணம் பெற்றோர் சம்மதத்துடன் நிறைவேற வாய்ப்பு உள்ளது.

குழந்தை பாக்கியம்

குரு ஆண் கிரகம், மேஷம் ஆண் ராசி கார்த்திகை சூரியனுக்கு உரிய ஆண் நட்சத்திரம். கார்த்திகை நட்சத்திரத்தில் அமர்ந்த மேஷ லக்னகாரர்களை குரு பார்வையிடுவதால் அம்சமான வாரிசுகள் பிறக்கும். புத்திரபாக்கியம் அற்புதமாக அமையும் யோகம் உள்ளது. மேஷ லக்னகாரர்கள் கொடுத்து வைத்தவர்கள். இந்த குரு பெயர்ச்சி அற்புதமான மாற்றங்களையும் முன்னேற்றங்களையும் தரப்போகிறது.