கொதிக்கிற எண்ணெயில கையை விட்டு வடைசுட்டு எடுத்த பக்தர்கள்... நீங்களே பாருங்க (வீடியோ)

தைப்பூச திருவிழா

கடந்த செவ்வாய்க்கிமை அன்று முழு பௌர்ணமி நாள், தை மாதம், பூச நட்சத்திர நாள். அதனால் ஒலகமெங்கும் முருகன் கோவில்களில் சிறப்பு பூஜைகளும் அபிஷேங்களும் வழிபாடுகளும் நடத்தப்பட்டன. அதில் குறிப்பாக, தமிழகத்தில் உள்ள ஆறுபடை வீடுகளில் சிறப்பு பூஜைகள் செய்யப்பட்டு லட்சக்கணக்கான பக்தர்கள் வழிபாடு செய்தனர். தங்களுடைய பிரார்த்தனைகளையும் நிறைவு செய்தார்கள். திருச்செந்ததூரில் சூரசம்ஹாரம் நிகழ்ச்சி நடைபெற்றது.

அதுபோல தமிழகத்தில் உள்ள எல்லா முருகன் கோவில்களிலும் சிறப்பு பூஜைகளும் நேர்த்திக் கடன்களும் செலுத்தப்பட்டன. அப்படி செலுத்தப்பட்டதில் ஒரு விநோதமான நேர்த்திக் கடன் பற்றித் தான் இப்போது பார்க்கப் போகிறோம்.

எங்கே நடக்கிறது?

திருவண்ணாமலை மாவட்டம், செங்கத்துக்கு அருகே உள்ள தொரப்பாடி என்னும் கிராமத்தில் தான் பால முருகன் கோவில் ஒன்று உள்ளது. அந்த கோவிலில் ஒவ்வொரு தைப்பூசத்துக்கும் சுற்றுவட்டார கிராமப் பகுதியிலிருநு்து மக்கள் திரண்டு, பெரும் திருவிழாவாகக் கொண்டாடுவார்கள்.

காணிக்கை

மற்ற கோவில்களைப் போலவே இங்கு காவடி எடுப்பது, தீ மிதித்தல், மொட்டை அடித்தல், அலகு குத்துதல், பால் குடம் எடுத்தல் ஆகியவற்றின் மூலம் மக்கள் தங்களுடைய காணிக்கைகளைச் செலுத்தினார்கள்.

விநோத நேர்த்திக் கடன்

இந்த கோவிலில் ஒவ்வொரு ஆண்டும் ஒரு விநோதமான நேர்த்திக் கட்ன் செலுத்தப்பட்டுக் கொண்டு இருக்கிறது. நீங்கள் கேட்டால் பதறுவீர்கள். ஆனால் எந்தவித பரபரப்பும் இன்றி மிக சாதாரணமான இந்த நேர்த்திக் கடனை பக்தர்கள் செலுத்துகிறார்கள். அப்படியென்ன நேர்த்திக்கடன் என்று தானே கேட்கிறீர்கள். இதோ பாருங்கள்.

கொதிக்கும் எண்ணெயில்

நன்கு கொழுந்துவிட்டு எரியும் நெருப்பில் பெரிய இரும்பு வாணலியை வைத்து, அதில் எண்ணெய் ஊற்றி கொதிக்க விடுகிறார்கள். அப்படி கொதிக்கும் எண்ணெய்க்குள் அப்படியே வெறும் கையை விட்டு வடை மாவைப் போட்டு கைகளாலேயே திருப்பி விட்டு வடை சுட்டு எடுக்கிறார்கள். கேட்கும்போதே நமக்கு கை எரியுதுல்ல.

நைவேத்தியம்

அப்படி சுட்டு எடுக்கப்பட்ட வடையை சுவாமிக்குப் படையலாக்கி பூஜை செய்து பின் எல்லோருக்கும் பிரசாதமாகக் கொடுக்கிறார்கள். அந்த பாலமுருகளை மனதார வேண்டிக் கொண்டு கொதிக்கும் எண்ணெய்க்குள் கை விட்டால் அது நம்மை ஒன்றும் செய்யாது என்று பக்தி பொங்க கூறுகிறார்கள் பக்தர்கள்.