அட! இதுதான் நம்ம சென்றாயன் குழந்தையா? முதல்முறை வைரலாகும் புகைப்படம் இதோ...

பிறந்தது

சென்றாயன் பிறந்தது தேனி மாவட்டம் நாயக்கனூர். 1983 ஆம் ஆண்டு பிறந்திருக்கிறார். இவருடைய மனைவியின் பெயர் கயல்விழி. பிக்பாஸில் இவர் பிரபலமடைந்தாரோ இல்லையோ பாலாஜியின் குழந்தை போஷிகா பெயரும் சென்றாயன் மனைவி கயல்விழியின் பெயரும் மிகப் பிரபலம்.

திரைப்பட நுழைவு

2007 ஆம் ஆண்டு தான் முதன்முதலில் திரைப்படத்தில் நடிக்க அவருக்கு வாய்ப்பு கிடைத்தது. அச்சச்சோ என்னும் படத்தில் சிறிய வேடத்தில் நடித்த அவருக்கு இயக்குநர் வெற்றிமாறன் தனுஷ் நடித்த பொல்லாதவன் படத்தில் பைக் திருடன் கதாபாத்திரத்தில் நடிக்க வைத்தார். அந்த படம் பெரிதாக ஹிட் ஆகவே சென்றாயனுக்கு சிம்புவின் சிலம்பாட்டம் படத்தில் ரௌடி கும்பல் மாணவனாக வலம் வருவார். அதைத் தொடர்ந்து படங்கள் கொஞ்சம் குறையத் தொடங்கியது.

வெற்றிப்படங்கள்

ஆனால் 2011 ஆம் ஆண்டு மீண்டும் தனுஷின் ஆடுகளம் படத்தில் நடித்தார். அதன்பின் வெற்றிப்படங்களான மூடர் கூடம் படத்தில் சென்றாயன் என்னும் பெயரிலேயே நடித்தார். அதன்பின் ரௌத்திரம், ரம்மி, பா பாண்டி, ஸ்பைடர், நிமிர், வடசென்னை என முன்னணி ஹீரோக்களின் படங்களில் காமெடியனாக வாய்ப்பு கிடைத்து நடித்துக் கொண்டிருக்கிறார்.

பிக்பாஸ் 2

ஹிந்தியில் ஆரம்பிக்கப்பட்டு மிகப்பெரிய ஹிட்டான ஷோ பிக்பாஸ். அது தமிழிலும் பெரிய அளவில் ரீச் ஆனது. வெளியில் தெரியாத பிரபலமாகாத நடிகர்கள் கூட இந்த நிகழ்ச்சிக்குப் பின் மிகப்பெரிய அளவில் பிரபலமாகிவிடுகிறார்கள். அப்படி பிக்பாஸின் இரண்டாவது சீசனில் கலந்து கொண்ட பிரபலமானவர் தான் சென்றாயன்.

குழந்தை வருத்தம்

அந்த நிகழ்ச்சியில் திருமணம் 2014 ஆம் ஆண்டு நடந்தது. இன்னும் குழந்தை இல்லை என்ற வருத்தத்தால் கதறி கமலிடமே அழுதது நமக்குத் தெரியும். ஹோமில் இருநு்து குழந்தைகள் பிக்பாஸ் வீட்டுக்குள் வந்துவிட்டு சென்றதும் எனக்கு குழந்தை பிறந்தாலும் பிறக்காவிட்டாலும் நான் ஒரு குழந்தையை தத்தெடுத்துக் கொள்வேன் என்று கமலிடம் உறுதியும் கூறினார்.

கர்ப்பமான கயல்

இந்நிலையில் பேமலி ரவுண்டின் போது வீட்டுக்குள் வந்த கயல்விழி நீங்க அப்பா ஆகிட்டீங்க என்று சொன்னதும் சென்றாயன் வானத்துக்கும் பூமிக்கும் குதித்தது சமூக வலைத்தளங்களில் நிறைய விமர்சனங்களுக்கும் உள்ளானது.

மனைவியின் ஆசை

சென்றாயனின் மனைவி கயல்விழி நடிகை சிநேகாவின் மிகப்பெரிய ரசிகை. அதனால் மனைவி கர்ப்பமாக இருக்கும் பொழுது, சிநேகாவிடம் நேரடியாக அழைத்துச் சென்று, சந்திக்க வைத்து மகிழ்ச்சிப் படுத்தியிருக்கிறார் சென்றாயன்.

அழகான ஆண் குழந்தை

இந்நிலையில தான் கடந்த இரண்டு மாதங்களுக்கு முன்பாக அழகான ஆண் குழந்தை பிறந்தது. இதனால் பெரும் மகிழ்ச்சியில் இருந்து வருகிறார் சென்றாயன். சமீபத்தில் சென்றாயன் தன்னுடைய இரண்டு மாதக் குழந்தையை கையில் ஏந்தியிருக்கும் புகைப்படம் சமூக வலைத் தளங்களில் பதிவிடப்பட்டு, வைரலாகி வருகிறது. குழந்தை மாநிறத்துடன் அழகாக இருக்கிறது.