இன்னைக்கு அப்படி என்னல்லாம் ஸ்பெஷல்னு தெரிஞ்சிக்கணுமா? இதோ உங்களுக்காக...

நல்ல நேரம்

இன்றைக்கு நல்ல நேரம் காலை 7.30 மணி முதல் 8.30 வரை. அதைவிட்டால் மாலையில் 4.30 மணி முதல் 5.30 மணி வரை.

கொளரி நல்ல நேரம் - காலை 10.30 முதல் 11.30 வரை, மாலையில் 7.30 முதல் 8.30 வரையில்

ராகு காலம்

இன்றைக்கு ராகு காலம் என்பது மாலை 3 மணி முதல் 4.30 மணி வரைக்கும் நடக்கிறது. அந்த நேரத்தில் எந்த முக்கியமான சுப காரியங்களும் செய்யாமல் இருப்பது தான் நல்லது.

மற்றவை

குளிகை காலம் 12 மணி முதல் 1.30 வரை

எமகண்டம் - காலை 9 மணி முதல் 10.30 வரை

திதி - மதியம் 12 மணி வரை தசமியும் அதற்குப் பிறகு பிற்பகலில் ஏகாதசியும் நடக்கும்.

யோகங்கள் - சித்த யோகமும் அமிர்த யோகமும் இன்றைக்கு கூடி வருகிறது.

நட்சத்திரம் - காலை 8 மணி வரைக்கும் பூரம் நட்சத்திரமும் அதன்பிறகு உத்திர நட்சத்திரமும் வருகிறது.

சூலமும் பரிகாரமும்

இன்றைக்கு வடக்கு திசையில் தான் சூலம். வடக்கு சூலத்துக்குப் பரிகாரமாக இருக்கப் போவது பால்.

முக்கிய பண்டிகைகள்

இன்றைக்கு எந்தெந்த கடவுளுக்கு முக்கிய பண்டிகைகள் என்று பார்க்கலாம்.

காரைக்குடியில் உள்ள ஸ்ரீகொப்புடைநாயகியம்மன் உற்சவத் திருவிழா இன்று முதல் ஆரம்பம் ஆகிறது.

வீரபாண்டி ஸ்ரீகௌமாரியம்மன் பொங்கல் பெருவிழா இன்று நடக்கிறது. அதேபோல் குரங்கணியில் உள்ள முத்துமாலையம்மனுக்கும் இன்று உலா பவனி செய்வார்கள்.

காளையார் கோவில் ஸ்ரீசிவபெருமான் சமணர்களைக் கழுவிலேற்றும் விழா என்று எடுக்கப்படும்.

எந்த தெய்வத்தை வழிபடலாம்?

இன்றைக்கு முருகப் பெருமானை வழிபடுவது மிகச் சிறப்பு. உங்களுடைய பாவங்கள், வினைகள் அத்தனையையும் தீர்க்கும். இன்று ஸ்ரீவாசவி ஜெயந்தி என்பதால் விரதங்கள் இருப்பது மிகச் சிறப்பு.

என்ன செய்யலாம்?

இன்று நீர்நிலைகள் அமைப்பதற்கு மிகச் சிறந்த நாள்.

அறுவடை செய்யாமல் விட்டு வைத்திருந்தால் இன்று அறுவடை செய்யலாம்.

கடவுளுக்கு அபிஷேகங்கள் செய்வதற்கு உகந்த நாள்.

ஆன்மீகம் சம்பந்தப்பட்ட பணிகளைச் செய்வதற்கு ஏற்ற சிறந்த நாளாக இன்று இருக்கும்.

யாருக்கு பிறந்த நாள்

இதெல்லாம் விடுங்க. இன்னைக்கு ஒரு முக்கியமான ஆளுக்கு பிறந்தநாள். நம்மோட பிறந்த நாளை நம்ம ஃபிரண்ட்ஸ்க்கு ஞாபகப்படுத்தி நமக்கெல்லாம் சர்ப்பிரைஸ் கொடுக்கிற பேஸ்புக்கை உருவாக்கின மார்க் சுகர்பெர்க்குக்கு இன்னைக்கு தான் பொறந்த நாள்.