ஹோலி! இந்தியாவின் வண்ணமிகு திருவிழா!

வண்ணமயமான பண்டிகை

இந்துக்கள் பண்டிகைகளிலேயே வண்ணமயமான பண்டிகை என கருதப்படுவது ஹோலி. முகத்திலும், ஆடைகளிலும் வண்ணங்கள் பூசியும், வண்ணநீரை ஊற்றியும் கொண்டாடப்படும் பண்டிகை ஹோலி.

சகோதரத்துவம்

இந்திய பண்டிகைகளிலேயே சகோதரத்துவத்தை போற்றும் பண்டிகை ஹோலி தான். இதில் இவர் தான் கலந்துக் கொள்ள வேண்டும் என்று வேறுபாடு இன்றி இனம், ஜாதி, மதம் எதையும் பாராமல் கொண்டாடப்படும் சமத்துவ பண்டிகை ஹோலி

எல்லைகளின்றி

இந்துக்கள் பண்டிகைகளில் ஒவ்வொரு பண்டிகையும் ஒவ்வொரு மாநிலத்தில் சிறப்பு வாய்ந்ததாக இருக்கும். ஆனால், ஹோலி மட்டும் தான் எல்லைகளின்றி கொண்டாடப்படும் தேசம் தழுவிய பண்டிகை ஆகும். காஷ்மீரில் இருந்து கன்னியாகுமரி வரை தேசம் முழுக்க மக்கள் தங்களது மகிழ்ச்சியை வண்ணங்களின் மூலம் வெளிப்படுத்தும் பண்டிகை தான் ஹோலி.

அழகான மாலை நேரம்

ஹோலி பெரும்பாலும் கதிரவனும், சந்திரனும் தோன்றும் அழகான வண்ணமயமான வானத்தின் கீழ் தான் வண்ணங்கள் பூசி கொண்டாடப்படுகின்றன.

கொண்டாட்டம்

தெருக்கள் எங்கும் வெள்ளை உடை அணிந்து அங்கும் இங்குமாய் ஓடி, வண்ணங்களை பூசியும், தண்ணீரில் கரைத்து மற்றவர் மீது வண்ணநீரை ஊற்றியும், கட்டித்தழுவி கொண்டாடப்படும் பண்டிகை தான் ஹோலி.