இயற்கை சீற்றத்தினால் அழிந்த உலக நகரங்கள்!!!

"இராம் ஆப் தி பிள்ளர்ஸ்" - உபர், அரேபியப் பாலைவனம்

புராணங்களில் குறிப்பிடப்பட்டிருக்கும் இந்த பண்டையக் காலத்து நகரம், ஓர் பெரிய இயற்கை பேரழிவில் புதைகுழியில் புதைந்துப் போனது. கடந்த 1992 ஆம் ஆண்டு நாசாவின் ஒரு ஆராய்ச்சியின் போது தான் இந்நகரம் கண்டுபிடிக்கப்பட்டது. குரானில் கூட இந்த நகரத்தை பற்றிக் குறிப்பிடப்பட்டுள்ளதாகக் கூறப்படுகிறது.

Image Courtesy

"சோதோம், கொமோரா" - டெத் கடல் (Death Sea) அருகாமையில்

சோதோம், கொமோரா (Sodom and Gomorrah) இந்த இரு நகரங்களும் டெத் கடல் அருகில் அமைந்திருந்தவை ஆகும். தீ மற்றும் கந்தக வீச்சின் காரணமாக இவ்விரு நகரங்களும் அழிந்துவிட்டன என்ற வரலாற்று கூற்றுகள் கூறுகின்றன. மேலும் இவை டெத் கடலின் தரைமட்டத்திற்கு கீழ் இப்போது மூழ்கிபோய் உள்ளது.

Image Courtesy

தோனீஸ் (Thonis) - எகிப்து

கி.மு 12 ஆம் நூற்றாண்டில் அலெக்ஸாண்டிராவிற்கு அருகாமையில் இருந்த ஒரு துறைமுக நகரம் தான் தோனீஸ். கி.மு 6 மற்றும் 7 ஆம் நூற்றாண்டுகளில் மிகப் பெரிய ஆதிக்கத்துடன் இருந்த இந்த நகரம், ஒரு இயற்கை பேரழிவில் கடலுக்குள் மூழ்கிப் போனது. கடந்த 2000 வருடம் பிரெஞ்சு நாட்டை சேர்ந்த அகழ்வாராய்ச்சியாளர் தான் இந்த நகரத்தை மீண்டும் கண்டுப்பிடித்தார்.

Image Courtesy

ஹேலைக் - கிரீஸ்

கி.மு. 373 ஆம் ஆண்டு பூகம்பம் மற்றும் சுனாமியின் ஒரு சேர்ந்தத் தாக்கத்தினால் அழிந்தப் போனது ஹேலைக் (Helike) எனும் இந்த நகரம். அன்றையக் காலத்தில் இந்நகரம் ஒரு கலாச்சார வழிப்பாட்டுத் தளமாக இருந்திருக்கிறது.

Image Courtesy

போம்பீ - இத்தாலி

வெசுவிஸ் எனும் எரிமலையின் சீற்றத்தினால் கடந்த கி.மு 79 ஆம் ஆண்டு தீக்கிரையாகிப் போனது இந்த நகரம். ரோமாபுரியின் உல்லாச நகரமாகத் திகழ்ந்த இந்த நகரம் காலப்போக்கில் மறந்துப் போன நகமாக மறைந்துப் போனது.

Image Courtesy

எகிப்து, சிரியா (Egypt and Syria)

கடந்த 1202 ஆம் ஆண்டு எகிப்து மற்றும் சிரியாவைத் தாக்கி மாபெரும் பேரழிவை ஏற்படுத்தியது ஒரு பூகம்பம். கிட்டத்தட்ட 10 லட்சத்திற்கும் மேலானவர்கள் உயிரிழந்ததாகக் கூறப்படுகிறது. இந்த பூகம்பத்தினால் சுற்றி இருந்த ஏராளமான கிராமங்கள், வீடுகள் அழிந்துப் போயின. டமாஸ்கஸ், திரிபோலி, டயர், ஏக்கர் மற்றும் நேபுலஸ் போன்ற நகரங்களும் கூடப் பேரழிவை சந்தித்தன.

Image Courtesy

கால்வெஸ்டன் - டெக்சாஸ்

கடந்த 1900 ஆம் ஆண்டு டெக்சாஸில் உள்ள கால்வெஸ்டன் என்ற பகுதியில் ஏற்பட்ட சூறாவளிப் புயலின் தாக்கத்தினால் ஆயிரக்கணக்கான மக்கள் உயிரிழந்தனர். வீடுகள், தொழிற்சாலைகள் என அனைத்தும் அழிந்துப் போயின. நன்கு வளர்ந்து வந்துக் கொண்டிருந்த நகரமாக இருந்த காலக்கட்டத்தில் தான் இந்த பேரழிவினால் நாசமாகிப் போனது இந்த நகரம்.

Image Courtesy

சான் பிரான்சிஸ்கோ - கலிபோர்னியா

இன்று உலக அளவில் பெரும் நகரமாகத் திகழும் சான் பிரான்சிஸ்கோ. கடந்த 1906 ஆண்டு ஏப்ரல் மாதம் ஏற்பட்ட மாபெரும் பூகம்பத்தினால் நிலைகுலைந்துப் போனது. 8.2 ரிக்டர் அளவு என பதிவு செய்யப்பட்டுள்ளது. இந்த அழிவினால் ஆயிரக்கணக்கான மக்கள் அவர்களது வீடுகளை இழந்துத் தவித்தனர்.

Image Courtesy

தனுஷ்கோடி

கடந்த 1964 ஆம் ஆண்டு கடலில் ஏற்பட்ட பெரும் கடல் சூறாவாளியால் முற்றிலுமாக அழிந்துப் போனது இந்த துறைமுக நகரம். இப்போது அரசாங்கத்தினால் மக்கள் வாழ தடைவிதிக்கப்பட்ட நகரமாக அறிவிக்கப்பட்டுள்ளது.

Image Courtesy

குமரி கண்டம்

இது நகரம் அல்ல, மனித உயிரினம் தோன்றிய மாபெரும் கண்டம். நாகரீகத்தை வளர்த்த மண். உலகின் முதல் மொழியாக நமது உயர் தனி செம்மொழி தமிழ் பிறந்த மண். ஆயிரம் ஆயிரம் ஆண்டுகளுக்கு முன் எண்ணிப் பார்க்க முடியாத ஒரு மாபெரும் தொடர் இயற்கை சீற்றத்தினால், இப்போது இந்திய பெருங்கடலின் உள் அமைதியாக உறங்கிக் கொண்டிருக்கிறது குமரி கண்டம்.

Image Courtesy