அனைவரும் நிச்சயம் சமைத்து சுவைத்து பார்க்க வேண்டிய தோசைகள்!!!

ப்ளைன் தோசை

இது பொதுவாக அனைவரது வீட்டிலும் செய்யக்கூடிய தோசை. இந்த தோசைக்கு பல்வேறு வகையான சட்னிகளை தொட்டு சாப்பிட்டால், மிகவும் சுவையாக இருக்கும்.

மசாலா தோசை

இந்த தோசை நிறைய பேருக்கு மிகவும் விருப்பமான தோசையாக இருக்கும். இந்த தோசையானது உருளைக்கிழங்கு மசாலாவை உள்ளே வைத்து செய்யக்கூடியது. இந்த தோசையை சாம்பார் மற்றும் சட்னியுடன் சாப்பிட்டால்,சூப்பராக இருக்கும்.

வெண்ணெய் தோசை

இந்த தோசையில் எண்ணெய்க்கு பதிலாக, வெண்ணெய் ஊற்றி சுடப்படும். இந்த தோசையை எவ்வளவு ஊற்றிக் கொடுத்தாலும், சாப்பிட்டுக் கொண்டே இருக்கலாம்.

ரவை தோசை

இந்த தோசையானது ரவை மற்றும் அரிசி மாவு சேர்த்து செய்யக்கூடியது. இந்த தோசை மற்ற தோசைகளை விட வித்தியாசமாக இருக்கும்.

பேப்பர் தோசை

பேப்பர் தோசை என்பது தட்டை விட மிகவும் பெரியதாக பேப்பர் போன்று மொறுமொறுவென்று இருக்கும். இதனை சட்னி, சாம்பாருடன் சாப்பிட்டால் அருமையாக இருக்கும்.

நீர் தோசை

நீர் தோசை கர்நாடகாவில் மிகவும் பிரபலமானது. இது மிகவும் மெல்லியதாக இருக்கும்.

கோதுமை தோசை

அரிசி மாவிற்கு பதிலாக கோதுமை மாவைக் கொண்டு செய்யப்படுவது தான் இந்த தோசை. இந்த தோசையும் நன்றாக இருக்கும்.

வெங்காய தோசை

இந்த தோசை செய்வது மிகவும் ஈஸி. இந்த தோசையானது சாதாரணமாக ஊற்றுவது போல் ஊற்றி, அதன் மேல் வெங்காயத்தை தூவி செய்ய வேண்டும். இதனால் தோசையானது வித்தியாசமான சுவையுடன் இருக்கும். மேலும் இது பெரும்பாலானோருக்கு விருப்பமான தோசை என்றும் சொல்லலாம்.

முட்டை தோசை

தோசை சுடும் போது, அதன் மீது முட்டையை ஊற்றினால் முட்டை தோசை ரெடி. இதனை பெரும்பாலும் குழந்தைகள் விரும்பி சாப்பிடுவார்கள்.

பாசிப்பயறு தோசை

பருப்புக்களில் ஒன்றான பாசிப்பயறு கொண்டு செய்யப்படுவது தான் பாசிப்பயறு தோசை. இந்த தோசை மிகவும் ஆரோக்கியமானது மட்டுமல்லாமல், சுவையானதும் கூட.