கோடைக்காலத்தின் ஸ்பெஷல் அம்சங்கள்!!!

சுத்தமான சாலை

மற்ற காலங்களை விட கோடைக்காலத்தில் சாலைகள் நன்கு சுத்தமாக சேறு இல்லாமல், தண்ணீர் தேங்காமல் இருக்கும். இதனால் சாலையில் நிம்மதியாக நடக்கலாம்.

மாம்பழங்கள்

கோடைக்காலத்தில் பழங்களின் ராஜாவான மாம்பழத்தின் சீசன் என்பதால், மாம்பழங்கள் மிகவும் விலை மலிவில் கிடைக்கும்.

ஆடைகள் சீக்கிரம் காய்ந்துவிடும்

குளிர் மற்றும் மழைக்காலத்தில் துணிகளை துவைத்தால், அதனை நன்கு உலர வைக்க 2 நாட்களாவது வேண்டும். ஆனால் கோடையில் துணிகளை உலர வைக்க 2 மணிநேரம் போதும்.

அதிகளவு தண்ணீர்

மற்ற காலங்களை விட, கோடையில் நம்மை அறியாமலேயே தண்ணீரை அதிக அளவில் குடிப்போம். இப்படி தண்ணீரை அதிகம் குடிப்பதால், உடல் ஆரோக்கியமாக இருக்கும்.

சுத்தமான குளியலறை

பலருக்கு குளியலறை ஈரமாக இருந்தாலே, அதனுள் செல்ல அருவெறுப்பாக இருக்கும். ஆனால் கோடையில் குளியலறையானது விரைவில் உலர்ந்துவிடும்.

உடல் எடை குறையும்

கோடையின் சிறப்பம்சங்களில் ஒன்று தான் இயற்கையாகவே உடல் எடை குறையும். எப்படியெனில் மற்ற காலங்களை விட கோடையில் சற்று அதிகம் சுறுசுறுப்புடன் செயல்பட்டால், உடலில் தங்கியுள்ள அதிகப்படியான நச்சுக்களானது வியர்வையின் மூலம் வெளியேறிவிடும்.

நுங்கு

கோடையில் மாம்பழம் மட்டுமின்றி, மிகவும் சுவையான நுங்கும் கிடைக்கும்.

சுற்றுலா

குளிர் மற்றம் மழைக்காலங்களில் வீட்டை விட்டு வெளியே வரவே முடியாது. ஆனால் கோடையில் எந்த ஒரு பிரச்சனையும் இல்லாமல், நிம்மதியாக குடும்பத்துடன் சுற்றுலா செல்லலாம்.

வைட்டமின் டி

நிறைய மக்களள் வைட்டமின் டி குறைபாட்டினால் பல உடல்நல பிரச்சனைகளை சந்திக்கின்றனர். ஆனால் கோடையில் வெயிலில் இருந்து வைட்டமின் டி ஆனது அளவுக்கு அதிகமாக கிடைக்கும்.

சூப்பரான குளியல்

சுடுநீர் குளியல் உடலை இதமாகவும், குளிர்ந்த நீர் குளியல் உடலை புத்துணர்ச்சியுடனும் வைத்துக் கொள்ள உதவும். ஆனால் குளிர்ந்த நீர் குளியலை கோடையில் மட்டும் தான் மகிழ்ச்சியாக எடுத்துக் கொள்ள முடியும்.