டிசைனர் மனீஷ் மல்ஹொத்ரா உடையில் அழகாக ராம்ப் நடந்த அழகு பொம்மை அலியா பட்!

டெல்லியில் நடைபெற்றுக் கொண்டிருந்த 2014 ஆம் ஆண்டின் இந்தியா கவுச்சர் வீக்கின் கடைசி நாளில் மிகவும் பிரபல டிசைனரான மனீஷ் மல்ஹொத்ரா வடிவமைத்த உடைகளானது வெளியிடப்பட்டது. இவர் மிகவும் அழகான பல மணப்பெண் உடைகளை வடிவமைத்து வெளியிட்டார். இன்று இரவு இந்த இந்தியா கவுச்சர் வீக்கானது முடிவு பெறுகிறது.

கடைசி நாளில் வெளியிட்ட டிசைனர் மனீஷ் மல்ஹொத்ரா, தனது உடைகளை வெளியிடும் போது பாலிவுட் நடிகையான அலியா பட் அவர்களை ஷோஸ்டாப்பராக கொண்டு வந்தார். அப்படி ஷோஸ்டாப்பராக வந்த அலியா பட் டிசைனர் மனீஷ் வடிமைத்த சிவப்பு நிற ஃபுல் ஸ்லீவ் சோளி மற்றும் கோல்டன் எம்பிராய்டரி செய்யப்பட்ட சிவப்பு நிற லெஹெங்கா அணிந்து ராம்ப் வாக் நடந்தார். மேலும் இவர் இந்த உடைக்கு எந்த ஒரு ஆபரணங்களையும் அணியவில்லை. இதுப்போன்று மனீஷ் பெண்களுக்கு பல அழகான உடைகளை வடிவமைத்து வெளியிட்டார்.

அதுமட்டுமின்றி மனீஷ் ஆண்களுக்கும் லூசான பைஜாமா மற்றும் காஷ்மீரி வேலைப்பாடுகள் செய்யப்பட்ட பந்த்கலா ஷெர்வானி ஆடைகளை வடிவமைத்து வெளியிட்டார். அந்த ஆடைகளில் ஒன்றை ஆதித்யா ராய் கபூர் அணிந்து அலியா பட்டுடன் ராம்ப் வாக் நடந்தார்.

உங்களுக்கு அலியா பட் மற்றும் ஆதித்யா ராய் கபூர் அணிந்து வந்த உடைகள் பிடித்துள்ளதா?