சவூதி அரேபியாவில் இந்திய ஓட்டுநர்களுக்கு வழங்கப்படும் சம்பளம் எவ்வளவு தெரியுமா? ஷாக் ஆகாதீங்க

இந்தியாவிலிருந்து லட்சகணக்கான மக்கள் வெளிநாடுகளில் வேலை செய்து வருகின்றனர். ஒவ்வொவரு வருடமும் வெளிநாடுகளுக்கு வேலைக்குச் செல்லும் இந்தியர்களின் எண்ணிக்கை அதிகரித்துக் கொண்டே செல்கிறது. இந்தியர்கள் வெளிநாட்டுக்கு செல்வதென்றால் முதலில் நினைவிற்கு வருவது வளைகுடா நாடுகள்தான்.

வளைகுடா நாடுகளில் துபாய், சவூதி அரேபியா, குவைத் போன்ற நாடுகளுக்கு வேலைக்கு செல்லவே இந்தியர்கள் அதிக ஆர்வம் காட்டுகின்றனர். இதற்கு காரணம் அங்கு இந்தியர்களுக்கு வழங்கப்படும் அதிக சம்பளம்தான். இந்தியா மற்றும் சவூதி அரேபியா இடையிலான ஒப்பீடு ஊதியங்களுடன் மட்டும் நின்றுவிடுவதில்லை. மக்கள் தொகை, பொருளாதார நிலை மற்றும் வேலைவாய்ப்புகள் ஆகியவற்றிலும் இரு நாடுகளுக்கும் இடையே பல வேறுபாடுகள் உள்ளன. இந்தியாவின் மக்கள் தொகை ஏறக்குறைய 140 கோடியாக உள்ள நிலையில், சவூதி அரேபியாவின் மக்கள் தொகை சுமார் 3.5 முதல் 3.6 கோடியாக உள்ளது.

வளர்ச்சியில் உள்ள வித்தியாசம்

மனித மேம்பாட்டுக் குறியீட்டின்அடிப்படையில், இந்தியாவை விட சவூதி அரேபியா அதிக வளர்ச்சி அடைந்த நாடாகக் கருதப்படுகிறது. சவூதி அரேபியாவின் மனித மேம்பாட்டுக் குறியீடு சுமார் 0.87 ஆக இருந்து 'High Human Development' என்ற பிரிவில் இடம்பெற்றுள்ளது; அதேசமயம், இந்தியாவின் குறியீடு சுமார் 0.64 ஆக இருந்து 'Medium Human Development' என்ற பிரிவின் கீழ் வருகிறது.

சவூதி அரேபியா இந்தியர்களுக்கு ஏன் விருப்பமான நாடாக உள்ளது?

சவூதி அரேபியா பல வருடமாக இந்தியர்களுக்கு ஒரு முக்கிய வேலைவாய்ப்பு இடமாகத் திகழ்ந்து வருகிறது. தற்போது சவூதி அரேபியாவில் 20 முதல் 25 லட்சம் இந்தியர்கள் பணிபுரிந்து தரவுகள் தெரிவிக்கின்றன. அங்கு இந்தியர்களுக்கு வழங்கப்படும் சிறந்த ஊதியம் மற்றும் வசதிகள் காரணமாக, ஓட்டுநர்கள், தொழிலாளர்கள், தொழில்நுட்ப வல்லுநர்கள் மற்றும் பிற பணியாளர்களாகப் பணியாற்றுவதற்காக ஒவ்வொரு ஆண்டும் ஆயிரக்கணக்கான இந்தியர்கள் சவூதி அரேபியாவுக்குச் செல்கின்றனர்.

சவூதி அரேபியாவில் ஓட்டுனர்களுக்கு வழங்கப்படும் சம்பளம் எவ்வளவு?

சவூதி அரேபியாவில் ஒரு சாதாரண ஓட்டுநர் மாதத்திற்கு சுமார் 1,500 முதல் 3,000 சவூதி ரியால்கள் வரை சம்பாதிக்கிறார். இது இந்திய மதிப்பில் ஏறக்குறைய 33,000 முதல் 66,000 ரூபாய் வரைக்குச் சமமாகும். அனுபவம் மற்றும் பணி வகையைப் பொறுத்து, சம்பளம் மாதத்திற்கு 4,000 SAR அல்லது கிட்டத்தட்ட 88,000 ரூபாய் வரை கூட அதிகரிக்கலாம். பல நிறுவனங்கள் ஓட்டுனர்களுக்கு தங்குமிடம், உணவு மற்றும் மருத்துவச் சலுகைகளையும் வழங்குவதால், தொழிலாளர்கள் தங்கள் பணத்தை அதிகம் சேமித்து குடும்பத்திற்கு வழங்க முடிகிறது.

எந்த நாட்டில் அதிக வருமானம் கிடைக்கிறது?

இந்தியாவில் உள்ள ஓட்டுநர்களை விட சவூதி அரேபியாவில் உள்ள ஓட்டுநர்கள் பொதுவாக இரண்டு முதல் மூன்று மடங்கு அதிக வருமானம் ஈட்டுகிறார்கள். அதிக ஊதியத்துடன், சவூதியில் கிடைக்கும் வேலைகளில் பெரும்பாலும் இலவச தங்குமிடம் மற்றும் உணவு வசதிகளும் வழங்கப்படுகின்றன. இது அவர்களின் சேமிப்பையும், பொருளாதார நிலையையும் அதிகரிக்க உதவுகிறது. இருப்பினும், இந்தியாவின் பல சிறிய நகரங்களில் வாழ்க்கைச் செலவு குறைவாக இருப்பதால், அது ஒட்டுமொத்த செலவுகள் மற்றும் சேமிப்பிலும் தாக்கத்தை ஏற்படுத்துகிறது.