சாணக்கிய நீதி படி மகிழ்ச்சியான திருமண வாழ்க்கைக்கு தம்பதிகளிடையே எவ்வளவு வயது இடைவெளி இருக்கணும் தெரியுமா?

Chanakya Niti: திருமணம் என்பது அனைவரின் வாழ்க்கையிலும் மிகவும் முக்கியமான மற்றும் தவிர்க்க முடியாத ஒன்றாகும். திருமணம் ஒருவரை ஒருவர் புரிந்து கொண்டு மகிழ்ச்சியாகவும் அமைதியாகவும் முன்னேற வழிவகுக்கும் உறவாகும். ஆனால் திருமண வாழ்க்கையின் வெற்றியைப் பற்றி ஆச்சார்யா சாணக்கியர் சில விஷயங்களைக் குறிப்பிட்டுள்ளார்.

வெற்றிகரமான திருமண வாழ்க்கைக்கும், தம்பதிகளின் வயதிற்கும் இடையே நெருங்கிய தொடர்பு உள்ளது. திருமணத்தில் பெரும்பாலும் ஆண்களுக்கும் பெண்களுக்கும் இடையிலான வயது வித்தியாசம் மிகவும் முக்கியமானது என்று சாணக்கியர் கூறுகிறார். ஆனால் அந்த வயது வித்தியாசம் எவ்வளவு இருக்க வேண்டும் என்பது பலருக்கு தெரியாது.

சாணக்கிய நீதியில் திருமணத்திற்கான ஆணுக்கும் பெண்ணுக்கும் இடையேயான வயது வித்தியாசத்தைப் பற்றி தனது நீதி சாஸ்திரத்தில் கூறியுள்ளார். திருமணம், திருமண வயது வித்தியாசம் மற்றும் திருமண வாழ்க்கையில் அது எவ்வளவு முக்கியம் என்பதை சாணக்கியர் விளக்குகிறார். அவை என்னெவென்று இந்த பதிவில் தெரிந்து கொள்ளலாம்.

சாணக்கிய நீதி

சாணக்கியரின் நீதி சாஸ்திரத்தின் படி, திருமணத்தில் ஆண் மற்றும் பெண் வயது மிகவும் முக்கியமானது. சாணக்கியரின் கூற்றுப்படி, திருமணத்தில் ஆண்களுக்கும் பெண்களுக்கும் அதிக வயது வித்தியாசம் இருக்கக்கூடாது. வயது வித்தியாசத்தை முடிந்தவரை குறைத்தால் மகிழ்ச்சியான திருமண வாழ்க்கை மகிழ்ச்சியாக இருக்கும் என்று சாணக்கியர் கூறுகிறார். சாணக்கியர் கொள்கையின் படி, கணவன்-மனைவி இடையே அதிக வயது வித்தியாசம் இருந்தால் என்னென்ன நடக்கும் என்று மேற்கொண்டு பார்க்கலாம்.

குடும்பத்தில் பிரச்சினைகள்

கணவன் மனைவிக்கு இடையேயான வயது வித்தியாசம் குடும்பத்தின் அமைதியையும், மகிழ்ச்சியையும் பாதிக்கிறது. வயது வித்தியாசம் அதிகமாக இருந்தால், அது குடும்பத்தில் அடிக்கடி மகிழ்ச்சியின்மை மற்றும் நிலையான பிரச்சனைகளை ஏற்படுத்தும் என்று கூறப்படுகிறது. இது குடும்ப வாழ்க்கையில் நீண்ட கால அசௌகரியத்தையும் ஏற்படுத்துகிறது. அவர்கள் குடும்ப வாழ்க்கை மகிழ்ச்சியானதாக இருக்காது.

வயதில் மூத்த பெண்ணுடன் திருமணம்

சாணக்கியரும் தனது நீதி சாஸ்திரத்தில் நீங்கள் திருமணம் செய்யப் போகும் பெண் உங்களை விட வயதில் மூத்தவராக இருப்பது நல்லதல்ல என்று கூறுகிறார். அதுமட்டுமில்லாமல் ஆண்களை விட பெண்கள் சிறு வயதில் இருந்தாலும் அந்த திருமணம் சிக்கலில்தான் முடிவடையும் என்று சாணக்கியர் கூறுகிறார். இதுபோன்ற திருமணங்கள் நீண்ட காலம் நீடிக்காது என்று சாணக்கியர் கூறுகிறார்.

திருமணங்கள் ஏன் தோல்வியடைகின்றன?

மேலே கூறப்பட்ட இரண்டு வகையான திருமணங்களிலும், பிரச்சினைகள் தவிர்க்க முடியாதவை. அவர்களின் திருமணம் ஒருபோதும் மகிழ்ச்சியாக இருக்காது. அதுமட்டுமின்றி உடல்ரீதியான சில நெருக்கடிகளும் உள்ளன. பெரும்பாலும் இந்த சிக்கல்கள் நீண்ட காலத்திற்கு தொடர்கின்றன. மனநிலையில் ஏற்படும் மாற்றங்களே அவர்களின் திருமண வாழ்க்கையில் பிரச்சினைகளை ஏற்படுத்துகின்றன.

சரியான வயது வித்தியாசம் என்ன?

சாணக்கியரின் நீதி சாஸ்திரத்தின்படி, திருமணம் செய்துகொள்ளும் நபர்களுக்கு இடையேயான வயது வித்தியாசம் மூன்று முதல் ஐந்து ஆண்டுகள் வரை இருக்க வேண்டும். கணவனோ, மனைவியோ பெரியவராக இருந்தாலும் சரி, சிறியவராக இருந்தாலும் சரி, திருமண உறவு எந்த பிரச்சனையும் இல்லாமல் நடக்கும் என்கிறார் சாணக்கியர். இந்த வயது வித்தியாசம் இருக்கும்போது இருவரின் மன மற்றும் முதிர்ச்சி குணநலன்களில் பெரிய மாற்றங்கள் இருக்காது. அதுமட்டுமின்றி இவர்களுக்குள் நடக்கும் திருமணம் சிக்கல்கள் இல்லாமல் சுமூகமானதாக இருக்கும். மேலும் இந்த திருமணம் நீண்ட காலம் நீடிக்கும் என்கிறார் சாணக்கியர்.