உங்கள் செல்ல நாய்களுக்கும் யோகா கற்றுக்கொடுங்கள்!

Pet Care

oi-Jaya

By Mayura Akilan

Published: Monday, May 14, 2012, 14:10 [IST]

மனதை மயக்கும் மென்மையான இசை, கை, காலை அசைத்தபடி எஜமானிகளின் மேல் மென்மையாய் அமர்ந்து யோகா செய்யும் நாய்கள் என களை கட்டியிருந்தது அந்த யோகா பயிற்சி மையம்.

மனிதர்களின் மனதிற்கும் உடலுக்கும் மகிழ்ச்சி தரக்கூடியவை யோகா. இவை இப்பொழுது செல்லப்பிராணிகளுக்கும் பொழுது போக்காக சிறந்த உடற்பயிற்சி தரக்கூடியவையாக மாறி வருகிறது.

இந்த ஸ்பெசல் யோகாவிற்குப் பெயர் ‘டோகா’. அமெரிக்கா, ஜப்பானில் பிரபலமாகியிருக்கும் இந்த யோகா தற்போது ஹாங்காங்கில் பெண்களிடையே பேஷனாகி வருகிறது.

நாள் முழுவதும் வீட்டிற்கு காவலாக இருக்கும் இந்த யோகா நாய்க்களுக்கு மன உளைச்சலை போக்குவதாக இருக்கிறது. நாய்களுக்கு பார்க், ஷாப்பிங் மால் என எங்கும் அனுமதி இல்லை. பொழுதுபோக்கு எதுவும் இல்லாமல் நாய்கள் அதிக சிரமத்திற்கும் மன உளைச்சலுக்கும் ஆளாகியிருக்கின்றன. இந்த நாய்களுக்கு ஆறுதல் தரும் வகையில் உள்ளது ‘டோகா’.

இந்த நாய்கள் மனிதர்களைப் பார்த்து தியானத்தையும், யோகாவையும் கற்றுக்கொள்கின்றன என்கிறார் டோகா கோச் சூ ஸெட்சி ஆகெர்மென். நாய்கள் தங்கள் பின்னங்கால்களை நீட்டி, முன்னங்கால்களை கைகள் போல அந்தரத்தில் டேகா செய்வது காமெடியாக இருக்கிறது. எஜமானியும் சேர்ந்து செய்வதால் வியர்க்க விறுவிறுக்க எஜமானியின் வயிற்றில் அமர்ந்து ஜாலியாக டோகா செய்கின்றன என்கிறார் பயிற்சியாளர்.

இதன் மூலம் நாய்கள் உடல்ரீதியாகவும், மனரீதியாகவும் ஆரோக்கியமாக உணர்கின்றன என்கின்றனர் பயிற்சியாளர்கள். நம் ஊர் நாய்களுக்கும் இதனை முயற்சி செய்யலாமே !