குளியலறையின் தரையை சுத்தம் செய்வதற்கான சில எளிய வழிகள்!!!

பேக்கிங் சோடா

1/2 கப் பேக்கிங் சோடாவைக் கொண்டு சூப்பராக குளியலறையின் தரையை மின்ன வைக்கலாம். அதற்கு செய்ய வேண்டியதெல்லாம், பேக்கிங் சோடாவை குளியலறையின் தரையில் தூவி, 1/2 மணிநேரம் ஊற வைத்து, பின் தேய்க்க வேண்டும். இதனால் குளியலறையின் தரை சும்மா பளிச்சுன்னு இருக்கும்.

எலுமிச்சை

எலுமிச்சையில் ப்ளீச்சிங் தன்மை உள்ளதால், இதன் சாற்றினை குளியலறையின் தரையில் தெளித்து, உடனே நன்கு பிரஷ் கொண்டு தேய்த்துவிட்டால், கறைகள் நீங்கிவிடுவதோடு, குளியலறையும் நன்கு நறுமணத்துடன் இருக்கும்.

உப்பு

உப்பும் ஒரு சூப்பரான சுத்தப்படுத்தும் பொருட்களில் ஒன்று. அதிலும் மஞ்சள் நிற கறைகளை எளிதில் போக்க வேண்டுமானால், உப்பை தரையில் தூவி, சிறிது நேரம் கழித்து பிரஷ் கொண்டு தேய்த்து, பின் சுடுநீர் கொண்டு குளியலறையை கழுவி விட வேண்டும்.

வினிகர்

வெள்ளை வினிகருக்கும் சுத்தம் செய்யும் தன்மை உள்ளது. அதிலும் வினிகரை குளியலறையின் தரையில் ஊற்றி, 15 நிமிடம் ஊற வைத்து, பின் எலுமிச்சை சாற்றினை தெளித்து, பிரஷ் கொண்டு தேய்த்து விட்டு கழுவ வேண்டும்.

சோடா

ஆம், சோடா கூட சுத்தம் செய்யும் பண்பைக் கொண்டுள்ளது. அதற்கு சோடாவை கறை அதிகம் உள்ள இடங்களில் ஊற்றி, பின் தேய்க்க வேண்டும். இதனால் கறைகள் உடனே நீங்கும்.

வோட்கா

வோட்கா சற்று விலை அதிகமான பொருளாக இருந்தாலும், இதனைக் கொண்டும் குளியலறையை சுத்தம் செய்யலாம்.