மிக்ஸியை சுத்தம் செய்வதற்கான சில டிப்ஸ்...

எலுமிச்சையின் தோல்

எலுமிச்சையில் இருந்து சாற்றினை பிழிந்த பின்னர், அந்த தோலைக் கொண்டு மிக்ஸியை துடைத்து, 15 நிமிடம் ஊற வைத்து, பின் சுத்தமான நீரில் கழுவினால், மிக்ஸியில் உள்ள அழுக்குகள் நீங்குவதுடன், துர்நாற்றமும் நீங்கும்.

வினிகர்

சில காய்கறிகள் மிக்ஸியில் கறைகளை ஏற்படுத்திவிடும். அத்தகைய கறைகளை வினிகரை நீரில் கலந்து, மிக்ஸியில் ஊற்றி, 2 நொடிகள் அடித்து, பின் சுத்தமான நீரில் கழுவ வேண்டும். ஒருவேளை மிக்ஸியில் கறை அதிகம் இருந்தால், வினிகருடன் நீரை அளவாக ஊற்றி அடிக்க வேண்டும்.

பேக்கிங் பவுடர்

பேக்கிங் பவுடரை நீர் சேர்த்து கலந்து பேஸ்ட் செய்து, அதனைக் கொண்டு மிக்ஸியை தேய்த்து 15 நிமிடம் ஊற வைத்து, பின் நீரில் கழுவ வேண்டும். இதனால் அழுக்குகள் மட்டுமின்றி, துர்நாற்றமும் நீங்கும்.

டிடர்ஜென்ட் நீர்மம்

2 துளிகள் டிடர்ஜென்ட் நீர்மத்தை மிக்ஸியில் ஊற்றி, அதில் சிறிது நீர் சேர்த்து, ஒருமுறை மிக்ஸியை ஓட்டி, பின் சுத்தமான நீரில் கழுவினால், கறைகள் நீங்கிவிடும்.

ஆல்கஹால்

ஆல்கஹால் பயன்படுத்தி மிக்ஸியை கழுவினால், மிக்ஸியில் உள்ள துர்நாற்றம் மட்டுமின்றி, மிக்ஸி பளபளவென்று ஜொலிக்கும். அதற்கு ஆல்கஹாலை நீருடன் சேர்த்து கலந்து, மிக்ஸியில் ஊற்றி 10 நிமிடம் ஊற வைத்து, பின் சுத்தமான நீரில் அலச வேண்டும்.