ஹோட்டல் மாதிரி பஞ்சு போல மிருதுவான இட்லி வேணுமா? மாவு அரைக்கும் போது இந்த பொருளை சேர்த்து மாவரையுங்க...!

உலகின் மிகவும் ஆரோக்கியமான காலை உணவுகளின் பட்டியலில் எப்போதும் முதலிடத்தில் இருப்பது இட்லிதான். ஆரோக்கியமானதாக இருந்தாலும் சரி, சுவையாக இருந்தாலும் சரி, சாப்பிடுவதற்கு இட்லி சிறந்த உணவாகும். புளித்த அரிசி மற்றும் உளுத்தம் பருப்பில் இருந்து தயாரிக்கப்படும் இட்லி மாவு ஒரு நம்ப முடியாத மாற்றத்திற்கு உள்ளாகி, மிருதுவாகவும் எளிதில் ஜீரணிக்கக்கூடியதாகவும் இருக்கும்.

எந்தவிதமான சைடிஷுடனும் ஒத்துபோகக் கூடியது என்பதால், இது சுவை மொட்டுகளுக்கு மகிழ்ச்சியைத் தருகிறது. இது தென்னிந்தியாவின் தவிர்க்க முடியாத ஒரு முக்கிய உணவாகும், ஆனால் மக்கள் இதை நாடு முழுவதும் விரும்புகிறார்கள் மற்றும் சிறந்த காலை உணவாக பார்க்கப்படுகிறது, சொல்லப்போனால் இது தமிழ்நாட்டின் அடையாளமாகவே மாறிவிட்டது.

இதன் மென்மையான மற்றும் பஞ்சுபோன்ற அமைப்பு இதனை ஒரு மகிழ்ச்சியான காலை உணவு விருப்பமாக மாற்றுகிறது, வயிற்றில் எளிதாக செரிமானம் அடைகிறது மற்றும் நாளைத் தொடங்குவதற்கு உற்சாகமளிக்கிறது. காலை/மாலை என எந்த நேரத்திற்கும் சிறந்த உணவாக இட்லி உள்ளது.

இட்லியின் சிறப்பே அதன் செயல்முறைதான் நீராவியில் வேகவைப்பதால், இட்லி ஒரு லேசான மற்றும் குறைந்த கலோரி உணவாகும், இது எடையை குறைக்க விரும்புபவர்களுக்கு ஒரு சிறந்த தேர்வாக அமைகிறது. ஆனால், பலருக்கு சரியான இட்லி செய்யும் கலை தெரிவதில்லை.

ஹோட்டலில் சாப்பிடும் இட்லி போல எப்போதும் வீட்டில் செய்ய முடிவதில்லை. அதற்கு காரணம் மக்கள் வீட்டில் இட்லி செய்ய முயலும்போது, சரியான அளவு தெரியாமல், இட்லியை மிகவும் கடினமாகவோ அல்லது ஈரமாகவோ செய்துவிடுவார்கள். இட்லியை மென்மையாகவும் பஞ்சுபோன்றதாகவும் மாற்ற உதவும் சில எளிய வழிகள் உள்ளன. அவை என்னென்ன என்று இந்த பதிவில் பார்க்கலாம்.

சிறிது நேரம் புளிக்க வைக்கவும்

மென்மையான மற்றும் பஞ்சுபோன்ற இட்லிகளை வீட்டில் செய்வதற்கு, மாவு நன்றாக உயரும் வகையில், சிறிது நேரம் புளிக்க விட்டுவிட நிபுணர்களால் பரிந்துரைக்கப்படுகிறது. குறிப்பாக குளிர் அல்லது மழைக்காலங்களில், மாவை நீண்ட நேரம் நொதிக்க வைக்க வேண்டும்.

மேலும், வெப்பமான கோடை நாட்களில் மாவை அதிக நேரம் புளிக்க விடக்கூடாது. அதிக வெப்பநிலை காரணமாக, கோடையில் நொதித்தல் செயல்முறை விரைவாக இருக்கும்.

உளுந்து மற்றும் அரிசியின் விகிதாச்சாரம்

இட்லிக்கு மாவு ஆட்டும் போது உளுந்தம்பருப்பு மற்றும் அரிசியின் விகிதத்தில் சிறப்பு கவனம் செலுத்த வேண்டும். இவற்றில் ஏதேனும் ஒன்று அதிகமாக இருந்தாலோ அல்லது குறைவாக இருந்தாலோ, இட்லிகள் தயாரிக்கப்படும் போது நன்றாக வராது, மேலும் மென்மையாகவும் பஞ்சுபோன்றதாகவும் வராமல் கல்லு போல வரும்.

ஈனோ சேர்க்கலாம்

பொதுவாக மக்கள் இட்லிக்கு அரிசி, பருப்பு, ரவா ஆகியவற்றில் பேக்கிங் சோடாவைச் சேர்ப்பார்கள், இதனால் இட்லி தயாரிக்கும் போது அது மிகவும் மென்மையாகவும் பஞ்சுபோன்றதாகவும் மாறும்.

இருப்பினும், அதில் ஈனோ சேர்த்தால், இட்லி மிகவும் மென்மையாக இருக்கும். இது பொருட்களை விரைவாக புளிக்க வைக்கும் பண்புகளைக் கொண்டுள்ளது, எனவே மாவில் ஒரு பாக்கெட் சாதாரண ஈனோவை கலக்கவும்.

அவல் சேர்த்து மாவு அரைக்கலாம்

மென்மையான மற்றும் பஞ்சுபோன்ற இட்லிகளை உருவாக்க, ஒரு கிண்ணம் அவலை ஊறவைத்து, பேஸ்ட் போல நன்றாக அரைக்கவும். இந்த பேஸ்ட்டை மாவுடன் சேர்த்தால் இட்லி பஞ்சு போல மிகவும் மென்மையாக வரும்.

மாவுடன் தயிர் சேர்க்கலாம்

மாவு எவ்வளவு புளித்திருக்கிறதோ, அந்த அளவுக்கு இட்லிகள் மென்மையாகவும், பஞ்சுபோன்றதாகவும் மாறும். ருசிக்கேற்ப மாவு தயாரிக்கும் போது தயிர் சேர்த்து புளிக்கவைக்கவும்.

நீங்கள் புளிப்பான இட்லி சாப்பிட விரும்பினால், புளிப்பு தயிரைப் பயன்படுத்துங்கள், நீங்கள் புளிப்பாக சாப்பிட விரும்பவில்லை என்றால், இனிப்பு மற்றும் ப்ரெஷான தயிரைப் பயன்படுத்துங்கள். நீங்கள் மாவை தயிருடன் கலக்கும்போது, நொதித்தல் செயல்முறை விரைவாகிறது, இதனால் இட்லிகள் மென்மையாக மாறும்.