கேஸ் சிலிண்டருக்கும் காலாவதி தேதி இருக்காம்...அது சிலிண்டரிலேயே எழுதப்பட்டிருக்காம்...எந்த இடத்தில் தெரியுமா?

இந்தியாவின் சமையலறை கடந்த சில தசாப்தங்களில் மிகப்பெரிய வளர்ச்சியையும், முன்னேற்றத்தையும் அடைந்துள்ளது. ஆரம்ப காலங்களில் உணவுகள் விறகு அடுப்புகளில் சமைக்கப்பட்டது. பின்னர் அடுப்புகல் பல்வேறு பரிணாம வளர்ச்சிகளை அடைந்தது. தற்போது கேஸ் சிலிண்டர், மின் அடுப்பு மற்றும் பயோ கேஸ் என பல்வேறு அடுப்புகள் இந்திய சமையலறைகளை ஆக்கிரமித்துள்ளது.

தற்போது கிட்டத்தட்ட இந்தியாவின் அனைத்து வீடுகளின் சமையலறைகளுக்கும் எல்பிஜி சிலிண்டர்கள் வந்துவிட்டன. அதே நேரத்தில், சில வீடுகளிலும் எல்பிஜி எரிவாயு இணைப்புகள் நிறுவப்பட்டுள்ளன. வீட்டிற்கு ஒரு சிலிண்டர் டெலிவரி செய்யப்படும்போது, பொதுவாக மக்கள் சிலிண்டரை எடுக்கும்போது அதன் எடையைச் சரிபார்க்கிறார்கள், ஆனால் யாருமே காலாவதி தேதியைக் கவனிப்பதில்லை.

உண்மையில் ஒரு எல்பிஜி சிலிண்டரில் அது எப்போது காலாவதியாகிறது என்பதும் அதில் குறிப்பிடப்பட்டுள்ளது. இதை சோதிக்க வேண்டியது மிகவும் முக்கியமானது, ஏனெனில் இதன் மூலம் பெரிய விபத்துகளையும், ஆபத்துகளையும் நாம் தவிர்க்கலாம். எனவே சிலிண்டரின் காலாவதி தேதியை எவ்வாறு சரிபார்க்கலாம் என்பதை இந்த பதிவில் தெரிந்து கொள்ளலாம்.

சிலிண்டரின் காலாவதி தேதியை எப்படி பார்ப்பது?

நாம் ஒரு சிலிண்டரை வாங்கும்போது, அதில் அதன் காலாவதி தேதி எழுதப்பட்டிருக்கும். இந்த தேதி ஆங்கில எழுத்துக்கள் மற்றும் எண்களால் குறிக்கப்பட்டிருக்கும். இந்த எண்களைப் பார்ப்பதன் மூலம், உங்கள் சமையலறையில் நீங்கள் பயன்படுத்தும் சிலிண்டர் எப்போது காலாவதியாகப் போகிறது என்பதை நாம் தெரிந்து கொள்ளலாம். இருப்பினும், இப்போது கேள்வி என்னவென்றால், அதை நீங்கள் எவ்வாறு அடையாளம் காண்பது. அதற்கான பதிலை எளிமையான மேற்கொண்டு பார்க்கலாம்.

சில குறியீடுகள் பொதுவாக ஒரு சிலிண்டரில் எழுதப்படும், அதாவது A26, B25, அல்லது C30 மற்றும் D32 போன்ற குறியீடுகள் எழுதப்பட்டிருக்கும். இந்த குறியீடுகளில் ஆங்கில எழுத்துக்கள் ஆண்டின் மாதங்களைக் குறிக்கின்றன. ஆங்கில எழுத்து A ஜனவரி, பிப்ரவரி மற்றும் மார்ச் மாதங்களைக் குறிக்கிறது; B ஏப்ரல், மே மற்றும் ஜூன் மாதங்களைக் குறிக்கிறது; C ஜூலை, ஆகஸ்ட் மற்றும் செப்டம்பர் மாதங்களைக் குறிக்கிறது; மற்றும் D அக்டோபர், நவம்பர் மற்றும் டிசம்பர் மாதங்களைக் குறிக்கிறது.

உதாரணமாக A26 என்ற குறியீடு ஒரு சிலிண்டரில் எழுதப்பட்டிருப்பதாக வைத்துக்கொள்வோம், அந்த குறியீட்டின் படி அந்த சிலிண்டர் மார்ச் 2026 க்குள் காலாவதியாகிவிடும். அதேபோல D32 என்று ஒரு சிலிண்டரில் எழுதப்பட்டால், அது டிசம்பர் 2032 இல் காலாவதியாகிவிடும்.

ஒரு சிலிண்டர் எத்தனை ஆண்டுகளில் காலாவதியாகிறது?

சிலிண்டரின் காலாவதி தேதியை தெரிந்து கொள்ளலாம். ஆனால் ஒரு சிலிண்டர் எத்தனை வருடங்களுக்கு பிறகு காலாவதியாகும். ஒரு சிலிண்டர் 15 ஆண்டுகளில் காலாவதியாகிறது. இதற்கிடையில், ஒரு சிலிண்டர் 10 ஆண்டுகள் நிறைவடைந்த பிறகு அதன் தரம் சோதிக்கப்படுகிறது. காலாவதியான சிலிண்டரை பயன்படுத்துவது சில ஆபத்துக்களை ஏற்படுத்தலாம். சில நேரங்களில் வேறு காரணங்களாலும் கசிவு ஏற்படலாம். எனவே நீங்கள் ஒரு சிலிண்டரை வாங்கும் போதெல்லாம், அதை எடைபோடுவதோடு, அது எங்கிருந்தும் கசிகிறதா இல்லையா என்பதை சரியாகச் சரிபார்க்கவும் மற்றும் அதன் காலாவதி தேதியையும் சரிபார்க்கவும்.