வீட்டில் பணம் அதிகம் சேர வேண்டுமா? அப்ப வாஸ்துப்படி இந்த சிலைகளை வாங்கி வையுங்க...

விநாயகர் சிலை

வீட்டில் விநாயகர் சிலையை வைப்பது நல்லது. அதுவும் பித்தளையாலான விநாயகர் சிலையை வைத்தால், வீட்டில் மகிழ்ச்சி அதிகரிப்பதோடு, அந்த வீட்டிற்கு நல்ல அதிர்ஷ்டத்தையும் தரும். முக்கியமாக விநாயகர் சிலையை வைத்துள்ள வீட்டில் பணம் அதிகம் சேரும், வீட்டில் உள்ள பிரச்சனைகள் நீங்கும். வீட்டின் வாசலில் விநாயகர் சிலையை வைத்தால், வாஸ்து தோஷம் நீங்கும்.

உலோக யானை

வாஸ்து சாஸ்திரத்தின் படி, உலோகத்தால ஆன யானைகளை வீட்டில் வைப்பது நல்லது. இப்படி வைப்பதன் மூலம் வீட்டில் நேர்மறை ஆற்றல் அதிகரிக்கும். அதோடு வீட்டில் மகிழ்ச்சி பெருகுவதோடு, செல்வமும் அதிகரிக்கும். எந்த வீட்டில் யானை சிலை உள்ளதோ, அந்த வீட்டில் லட்சுமி தேவி குடிபுகுவாள்.

பசுவின் சிலை

வீட்டில் பசுவின் சிலையை வைப்பது வாஸ்துப்படி நல்லதாக கருதப்படுகிறது. இதன் மூலம் வீட்டில் மகிழ்ச்சியும் செழிப்பும் இருக்கும். நிதி நிலையில் நல்ல முன்னேற்றம் ஏற்படும். பசுவானது அனைத்து தெய்வங்களும் குடியிருக்கும் ஒரு மங்களகரமான விலங்காக கருதப்படுகிறது. எனவே பசுவின் சிலையை வீட்டில் வைப்பதன் மூலம், அனைத்து தெய்வங்களும் வீட்டில் இருப்பதற்கு சமம். முக்கியமாக பசுவின் சிலை வாஸ்து தோஷத்தை போக்கும்.

ஆமை சிலை

ஆமை விஷ்ணுவின் அவதாரமாக கருதப்படுகிறது. அதனால் ஆமை சிலையை வீட்டில் வைப்பது மங்களகரமானதாக கருதப்படுகிறது. எந்த வீட்டில் ஆமை சிலை உள்ளதோ, அந்த வீட்டில் செல்வம் பெருகும். வாஸ்துப்படி ஆமை சிலையை வடக்கு திசையில் வைப்பது மகிழ்ச்சியையும், செழிப்பையும் தரும்.

ஓடும் குதிரை சிலை

வாஸ்து சாஸ்திரத்தின் படி, வீட்டில் குதிரை சிலையை வைப்பது, அந்த வீட்டில் உள்ளோருக்கு நல்ல முன்னேற்றத்தைத் தரும். அதுவும் ஓடும் குதிரையின் சிலையானது வேகம் மற்றும் வலிமையைக் குறிக்கிறது. ஆகவே இந்த மாதிரியான சிலையை வீட்டின் வடக்கு திசையில் வைத்தால், அந்த வீட்டில் நிதி நிலையில் நல்ல முன்னேற்றம் ஏற்படும்.