கண்களைக் கவரும் வித்தியாசமான சில பூஜை அறை டிசைன்கள்!!!

தற்கால பூஜை அறை டிசைன்

இந்த தற்கால பூஜை அறையின் டிசைன் பார்ப்பதற்கு அற்புதமான தோற்றத்தைக் கொடுக்கும். இந்த வகை டிசைனை ஹால் அல்லது வீட்டின் ஏதேனும் ஓர் அறையில் வைக்கலாம். இந்த டிசைனின் ஹைலைட், கண்களைக் கவரும் வகையில் டைல்ஸ் பதிக்கப்பட்டு மரத்தாலான பார்டர் மற்றும் படிகளைக் கொண்டிருப்பது தான்.

Image Courtesy: Hasta Architects/homify.in

கலைநயமிக்க பூஜை அறை

உங்களுக்கு சிற்பம், ஓவியம் போன்றவற்றில் விருப்பம் அதிகம் இருந்தால், இந்த வகையான பூஜை அறையைத் தேர்ந்தெடுக்கலாம். இந்த வகையில், வெள்ளை மற்றும் மஞ்சள் வண்ணம் கலந்திருப்பதோடு, சுவற்றில் அழகாக கிருஷ்ணரின் சித்திரம் வரையப்பட்டு, சுற்றி அழகாக காற்றோட்டம் உள்ளவாறான ஜன்னல் அமைக்கப்பட்டிருக்கும்.

Image Courtesy: The Orange Lane/ homify.in

படுக்கையின் மூலையில் பூஜை அறை

உங்கள் வீடு சிறியதாக இருந்து, உங்கள் படுக்கை அறையிலேயே சிறு பூஜை அறையை வைக்க நினைத்தால், இந்த வகையான பூஜை அறையைத் தேர்ந்தெடுக்கலாம். வாஸ்து சாஸ்திரத்தின் படி, படுக்கையறையில் பூஜை அறையை வைக்க நினைத்தால், தூங்கும் போது கால்கள் பூஜை அறையை நோக்கி இல்லாதவாறு பார்த்துக் கொள்ள வேண்டும்.

Image Courtesy: Instinct Designs/ homify.in

புனித மேடையுடனான பூஜை அறை

இந்த வகையான பூஜை அறை டைனிங் அறையிலோ அல்லது ஹாலிலோ வைப்பதற்கு சிறந்ததாக இருக்கும். மேலும் இந்த வகை பூஜை அறை பார்ப்பதற்கு நல்ல தோற்றத்தைத் தருவதோடு, கோயிலில் கடவுளைத் தொழுவது போன்ற உணர்வைத் தரும். மேலும் இது மரத்தாலான மேடையைக் கொண்டதால், பிரார்த்தனை செய்வதற்கு ஏற்ற புனிதமான இடமாக இருக்கும்.

Image Courtesy: Neeras Design Studio/ homify.in

நேர்த்தியான பூஜை அறை டிசைன்

இந்த வகை பூஜை அறை டிசைனானது வெள்ளை மார்பிள் மற்றும் மரத்தாலான சுவரைக் கொண்டிருக்கும். வீட்டில் வைக்கும் பூஜை அறையை எவ்வளவு டிசைனாக வேண்டுமானாலும் இருக்கலாம். ஆனால் வாஸ்து சாஸ்திரத்தின் படி, கடவுளை வைக்கும் திசையானது வடக்கு-கிழக்கு அல்லது கிழக்கு மற்றும் தெற்காக இருக்க வேண்டியது அவசியம். அதே சமயம் பூஜை அறையை குளியலறைக்கு அருகில் வைக்கவே கூடாது.

Image Courtesy: Hasta Architects/ homify.in

மரத்தாலான பூஜை அறை டிசைன்

இந்த வகை பூஜை அறையை வைப்பதற்கு, பூஜை அறையில் பெரிய ஜன்னல் இருக்க வேண்டும். அப்படி இருந்தால், இந்த மரத்தாலான பூஜை அறை நல்ல தோற்றத்தைக் கொடுக்கும்.

Image Courtesy: Hasta Architects/ homify.in

தெய்வீகமான பூஜை அறை டிசைன்

அழகான படிகளுடன், பின்னல்வகை திரையைக் கொண்ட இந்த வகையான பூஜை அறை டிசைன் ஒரு தெய்வீக உணர்வைத் தரும். அதுமட்டுமின்றி இது வித்தியாசமான தோற்றத்தையும் கொடுக்கும்.

Image Courtesy: Drashtikon Designer Consultant/ homify.in