கிருஷ்ண ஜெயந்தி 2022: கிருஷ்ண ஜெயந்திக்கு கிருஷ்ணனை அலங்கரிக்க சில வழிகள்!!!

அனைவரும் எதிர்பார்த்துக் கொண்டிருந்த கிருஷ்ண ஜெயந்தி வந்துவிட்டது. பூஜை அறையை அலங்கரிக்க வேண்டிய நேரம் வந்துவிட்டது.

Updated: Wednesday, August 17, 2022, 16:52 [IST]

அனைவரும் எதிர்பார்த்துக் கொண்டிருந்த கிருஷ்ண ஜெயந்தி வந்துவிட்டது. பூஜை அறையை அலங்கரிக்க வேண்டிய நேரம் வந்துவிட்டது. அதிலும் நன்கு அழகாகவும், பளிச்சென்றும், சற்று வித்தியாசமான வகையிலும் அலங்கரித்து, கண்ணனை வீட்டிற்கு வரவேற்றால் இன்னும் சூப்பராக இருக்கும்.

பொதுவாக கிருஷ்ண ஜெயந்தி என்பது விஷ்ணு பிறந்த நாள் ஆகும். இந்த விஷ்ணுவை கிருஷ்ணன், கண்ணன் போன்ற பல பெயர்களில் அழைப்பார்கள். மேலும் இந்நாளன்று வீட்டில் உள்ள குழந்தைகளை கிருஷ்ணனாக நினைத்து, அவர்களுக்கு கண்ணன் போன்று அலங்காரம் செய்து விடுவார்கள்.

அதுமட்டுமின்றி, வீட்டில் உள்ள கிருஷ்ணன் சிலையை பலவாறு வித்தியாசமாக அலங்கரிக்கலாம். இதனால் வீட்டிற்கு வருபவர் அனைவரிடமும் நல்ல பாராட்டுக்களை பெறுவதோடு, வீட்டிற்கு வரும் கிருஷ்ணனும் சந்தோஷப்படுவார். சரி, இப்போது பூஜை அறையில் உள்ள கண்ணன் சிலையை எப்படியெல்லாம் அலங்கரிக்கலாம் என்று பார்ப்போமா!!!

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

பூக்கள்

பூஜை அறையில் இருக்கும் கண்ணன் சிலையை பூக்களால் அலங்கரிக்கலாம். அதிலும் நல்ல அடர் நிறத்தில் உள்ள செவ்வந்தி மற்றும் ரோஜா போன்றவற்றால் பூஜை அறையை அலங்கரிப்பது இன்னும் அழகாக இருக்கும்.

திரைச்சீலைகள்

பூஜை அறையின் சுவர்களில் நன்கு மின்னும் படியான திரைச்சீலைகளை தொங்கவிடலாம். குறிப்பாக சிவப்பு, மஞ்சள், நீலம் போன்றவை சிறந்ததாக இருக்கும்.

மல்லிகை

வேண்டுமெனில், கண்ணன் மற்றும் ராதையை நறுமணமிக்க மல்லிகைப் பூக்களால் அலங்கரிக்கலாம்.

கல் பதித்த கிரீடம்

கிருஷ்ணன் ஒரு ஆடு மேய்க்கும் இளவரசராதலால், அவர் எப்போதும் கிரீடம் அணிந்திருப்பார். எனவே கிருஷ்ணன் பிறந்த நாளன்று சற்று ஸ்பெஷலாக அலங்கரிக்க விரும்பினால், கல் பதித்த ஸ்பெஷலான கிரீடம் போட்டு, அதற்கு மேட்ச்சாக ஆடையை அணிவிக்கலாம்.

மயில் தோகை

கண்ணனின் சிலையை வேண்டுமானால், மயில் தோகையால் கூட அலங்கரிக்கலாம். அதிலும், கண்ணன் சிலைக்கு பின்னால், மயில் தோகையை விரித்துவிட்டால், இன்னும் அழகாக இருக்கும்.