காபி Vs. டீ: இரண்டில் உங்களுக்கு பிடிச்சது எது? இதில் மிகவும் ஆரோக்கியமானது எது தெரியுமா? ஷாக் ஆகாதீங்க...!

தேநீர் மற்றும் காபி இரண்டுமே உலகம் முழுவதும் பிரபலமான மற்றும் மிகவும் பரவலாக நுகரப்படும் பானங்கள் ஆகும். அவை இரண்டும் தனக்கே உரிய ஆரோக்கிய நன்மைகளையும் கொண்டுள்ளது. ஆனால் டீ, காபி என்று வரும்போது மக்கள் சுவையைப் பொறுத்து தங்களுக்கு விருப்பமானதை தேர்ந்தெடுக்கிறார்கள்.

ஆரோக்கியம் என்று வரும் போது இரண்டுமே பெரிய அளவிலான வித்தியாசங்களைக் கொண்டுள்ளது. எனவே சுவையின் அடிப்படையில் இல்லாமல் ஆரோக்கியத்தின் அடிப்படையில் இரண்டில் ஒன்றை தேர்ந்தெடுப்பது. நல்லது. இந்த பதிவில் டீ மற்றும் காபியின் ஆரோக்கிய நன்மைகள் என்ன மற்றும் அதில் சிறந்தது என்னவென்பதை தெரிந்து கொள்ளலாம்.

காஃபின்

காஃபின் மனித ஆரோக்கியத்தில் நேர்மறையான மற்றும் பாதகமான விளைவுகள் இரண்டையுமே ஏற்படுத்துகிறது. இது தேநீர் மற்றும் காபி உட்பட பல பிரபலமான பானங்களில் காணப்படுகிறது. ஆனால் காஃபின் உள்ளடக்கம் தயாரிப்பு முறை, காய்ச்சும் நேரம் மற்றும் பரிமாறும் அளவு ஆகியவற்றைப் பொறுத்தது.

ஒரு நாளைக்கு 400 மில்லிகிராம் காஃபின் மனித ஆரோக்கியத்திற்கு நல்லது என்று கருதப்படுகிறது. இரண்டு பானங்களிலும் உள்ள காஃபின் உள்ளடக்கத்தை ஒப்பிட்டுப் பார்த்தால், காபியுடன் ஒப்பிடும்போது தேநீரில் குறைவான அளவு காஃபின் உள்ளது. ஒரு சிறிய கப் பிளாக் டீயில் 14-70 மி.கி காஃபின் உள்ளது, அதே சமயம் காபியில் 95-200 மி.கி காஃபின் உள்ளது.

ஆன்டி ஆக்சிடன்ட்ஸ்

தேநீர் மற்றும் காபி இரண்டிலுமே ஆன்டிஆக்ஸிடன்ட்கள் நிறைந்துள்ளன, இது நமது உடலை ஃப்ரீ ரேடிக்கல் சேதத்திலிருந்து பாதுகாக்கிறது மற்றும் சில நாள்பட்ட நோய்களை உருவாக்குகிறது. இரண்டு பானங்களிலும் முதன்மையாக பாலிபினால்கள் உள்ளன, அவை அவற்றின் தனித்துவமான சுவை மற்றும் ஆரோக்கியத்தை மேம்படுத்தும் பண்புகளை வழங்குகின்றன. பிளாக் டீயில் தேஃப்லாவின்கள், தேரூபிகின்கள் மற்றும் கேட்டசின்கள் உள்ளன, காபியில் ஃபிளாவனாய்டுகள் மற்றும் குளோரோஜெனிக் அமிலம் (சிஜிஏ) நிறைந்துள்ளது.

ஆற்றல் நிலை

தேநீரில் குறைந்த அளவு காஃபின் உள்ளது மற்றும் எல்-தியானைன் நிறைந்துள்ளது, இது நமது மூளையைத் தூண்டும் ஆக்ஸிஜனேற்றியாகும். காஃபினுடன் எல்-தியானைனை உட்கொள்வது உங்கள் விழிப்புணர்வு, கவனம் மற்றும் புத்திக்கூர்மை ஆகியவற்றை பராமரிக்க உதவும் என்று ஆய்வுகள் தெரிவிக்கின்றன.

எடைக்குறைப்பு

சில ஆய்வுகளின்படி, காஃபின் உட்கொள்வது 3-13 சதவிகிதம் வரை அதிக கலோரிகளை எரிக்க உதவும். இது தவிர கொழுப்பு செல்கள் உற்பத்தியைத் தடுப்பதன் மூலம் கொழுப்பை எரிக்கும் பண்புகளை காபி கொண்டுள்ளது.

சில ஆய்வுகள் இந்த விளைவை அதன் குளோரோஜெனிக் அமில உள்ளடக்கத்துடன் தொடர்புபடுத்தியுள்ளன. எனவே நீங்கள் உங்கள் எடை இழப்பு செயல்முறையை துரிதப்படுத்த விரும்பினால், காபி உங்கள் தேர்வாக இருப்பது நல்லது.

பல் ஆரோக்கியம்

டீ மற்றும் காபி இரண்டுமே நம் பற்களில் கரைகளை உண்டாக்கும். ஆனால் நிபுணர்களின் கூற்றுப்படி, காபியை விட தேநீரில் உள்ள நிறமிகள் உங்கள் பற்களை அதிகம் பாதிக்கிறது.

நிபுணர்கள் சொல்வது என்ன?

நிபுணர்களின் கூற்றுப்படி, காபியை விட தேநீர் சிறந்தது, ஏனெனில் அதில் குறைந்த அளவு காஃபின் உள்ளது. ஆனால் தயாரிக்கும் முறையும் முக்கியமானது இதில் முக்கியத்துவம் வாய்ந்தது. நீங்கள் உங்கள் தேநீரை அதிகமாக காய்ச்சினால், ஆன்டிஆக்ஸிடன்ட்கள் பாதிக்கப்படும், இது ஆரோக்கியத்திற்கு நல்லதல்ல.

இது தவிர, உங்கள் பானத்தில் நீங்கள் சேர்க்கும் சர்க்கரையின் அளவும் முக்கிய பங்கு வகிக்கிறது. மேலும் டீ மற்றும் காபியில் பால் சேர்க்கும் போது, நீங்கள் பாலில் உள்ள கால்சியத்தின் அளவை அதிகரிக்கிறது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.