இந்த மோசமான நோய் பெண்களுக்கு ஒரு கருப்பைக்கு பதிலாக இரண்டு கருப்பையை உருவாக்குமாம் தெரியுமா?

அறிகுறியற்ற நிலை

கருப்பை டிடெல்பிஸ் உள்ள பெரும்பாலான மக்கள் எந்த அறிகுறிகளையும் உணர்வதில்லை. சிலர் அதைப் பற்றிய விழிப்புணர்வு இல்லாததால், பிற்கால வாழ்க்கையில் அதைப் பற்றி அறிந்து கொள்வார்கள். இருப்பினும், சில சந்தர்ப்பங்களில், மாதவிடாய் காலத்திற்கு முன்போ அல்லது மாதவிடாய் காலத்தில் அசாதாரணமான அழுத்தம் அல்லது தசைப்பிடிப்பு வலி, மாதவிடாய் காலத்தில் அசாதாரணமாக அதிக அளவு இரத்தப்போக்கு, மீண்டும் மீண்டும் கருச்சிதைவுகள் அல்லது குறைப்பிரசவம் போன்றவை ஏற்படலாம்.

இந்த நிலை பற்றி எப்படி தெரிந்து கொள்வது?

ஒரு இடுப்பு பரிசோதனை அல்லது ஒரு இமேஜிங் சோதனை இரண்டு கருப்பைகள் இருப்பதை வெளிப்படுத்தலாம். இது மிகவும் அரிதான நிலை என்றாலும், அதைப் பற்றி உங்கள் மருத்துவரிடம் பேசுவது அதைப் பற்றிய உங்கள் தெளிவை மேம்படுத்தலாம்.

இரண்டு கருப்பைகள் இரட்டை மாதவிடாய் சுழற்சியைக் குறிக்குமா?

கருப்பை டிடெல்பிஸ் உள்ள சில பெண்களுக்கு உண்மையில் மாதத்திற்கு இரண்டு மாதவிடாய் இருக்கும். இந்த அரிய நோயால் பாதிக்கப்பட்ட பெண் ஒருவர் கூறுகையில், " இந்த நிலை மிகவும் மோசமானது, இதனால் இரண்டு மாதவிடாய் ஏற்படுகிறது, அவை இரண்டுமே மிகவும் மோசமான அனுபவமாக இருக்குமென்று" கூறியுள்ளார்.

இந்த நிலை என்னென்ன பிரச்சினைகளை ஏற்படுத்தும்?

இந்த நிலையுடன் இருக்கும் பெண்கள் கூறுகையில், " தங்கள் உடலில் ஏதோ வித்தியாசமாக இருப்பதை ஆரம்பத்திலேயே உணர்ந்ததாக கூறுகிறார்கள். மேலும் அவர்கள் உடலுறவு கொள்ளும்போதும் வித்தியாசமாக உணர்வதாக கூறினார்கள். மாதவிடாய் காலத்தில் அவர்கள் எவ்வளவு முன்னெச்சரிக்கை நடவடிக்கைகளை எடுத்தாலும் இரத்தப்போக்கு இருக்கும் " என்றும் கூறினார்கள்.

இரட்டை கருப்பையுடன் கருத்தரிக்க முடியுமா?

இந்த நிலையில் ஒருவருக்கு மீண்டும் மீண்டும் கருச்சிதைவு அல்லது குறைப்பிரசவம் ஏற்படும் அதிகரிக்கும் அதே வேளையில், கர்ப்பம் தரிப்பது சாத்தியமாகும். இந்த நிலையில் இரண்டு கருப்பைகளும் பாதி அளவில் இருப்பதால் இது அதிக ஆபத்துள்ள கர்ப்பம் ஏற்படும். அதனை ஸ்கேன் செய்துதான் உறுதி செய்ய வேண்டும். கர்ப்ப காலம் முழுவதும் அசௌகரியமானதாக இருக்கும். ஏனெனில் கரு வலது புறமோ அல்லது இடது புறமோ இருக்கும். இதனால் சுகப்பிரசவம் ஏற்பட வாய்ப்பில்லை, கண்டிப்பாக சிசேரியன்தான் செய்ய நேரிடும்.