உடலுறவிற்கு பின் பெண்கள் இந்த செயல்களை கண்டிப்பாக செய்யணும்... இல்லனா பிரச்சினைதான்...!

சுத்தப்படுத்திக் கொள்ளவும்

உடலுறவில் ஈடுபட்ட உடனேயே நீங்கள் குளியலறைக்கு எழுந்து ஓடிஏ வேண்டும் என்று அவசியமில்லை. ஆனால் உடலுறவுக்குப் பிறகு உங்களை மெதுவாக சுத்தம் செய்வது ஆண்களையும் பெண்களையும் சிறுநீர் பாதை (யுடிஐ) போன்ற தொற்றுநோய்களிலிருந்து பாதுகாக்கும். உங்கள் பிறப்புறுப்புகளை சுற்றியுள்ள இடத்தை வெதுவெதுப்பான நீரில் சுத்தப்படுத்தவும். பாதிப்பை ஏற்படுத்தாத சோப்புகளை பயன்படுத்தலாம், உங்களுக்கு ஏற்கனவே அலர்ஜிகள் இருந்தாலோ அல்லது மென்மையான சருமம் இருந்தாலோ சோப்பை பயன்படுத்துவதை தவிர்க்கவும். ஏனெனில் இது பிறப்புறுப்பை சுற்றி வறட்சியையோ அல்லது எரிச்சலையோ ஏற்படுத்தும்.

தண்ணீரை பயன்படுத்த வேண்டாம்

சில பெண்கள் பிறப்புறுப்பின் உட்பகுதியை தண்ணீர் அல்லது வேறு திரவங்களைக் கொண்டு சுத்தம் செய்ய வேண்டும் என்று நினைப்பார்கள். ஆனால் இவ்வாறு செய்வது அதிக தொற்றுநோய்களுக்கு வழிவகுக்கும். ஏனெனில் இது பெண்களின் பிறப்புறுப்பை பாதுகாக்கும் பாக்டீரியாக்களின் இயல்பான சமநிலையில் பாதிப்பை ஏற்படுத்தும். உடலுறவுக்குப் பிறகு உங்கள் யோனியை கவனித்துக்கொள்வதற்கான சிறந்த வழி, அதை தனியாக விட்டுவிடுவதுதான், அது இயற்கையாகவே தன்னை சுத்தப்படுத்துகிறது.

சுத்தம் செய்வதை எளிமையாக வைத்திருங்கள்

தண்ணீர் மட்டுமின்றி பிறப்புறுப்பை சுத்தம் செய்ய மருந்துகள், க்ரீம்கள், ஸ்பிரேக்கள் போன்றவையும் கடைகளில் கிடைக்கிறது. இது பெண்களை பாதுகாக்கிறது என்று அவர்கள் நினைக்கிறார்கள். இவற்றில் சில கடுமையான சோப்புகள், ஷாம்பூக்கள், வாசனை திரவியங்கள் போன்றவை பயன்படுத்தப்படுகிறது. இது பெண்களின் சருமத்தில் கடுமையான பாதிப்புகளை ஏற்படுத்தும். பெண்களின் பிறப்புறுப்பை சுத்தப்படுத்த வெதுவெதுப்பான நீரே போதுமானது.

சிறுநீர்ப்பையை காலி செய்ய வேண்டும்

உடலுறவின் போது, உங்கள் உடலில் இருந்து சிறுநீரை வெளியேற்றும் குழாய் உங்கள் சிறுநீர்க்குழாயில் பாக்டீரியா வரலாம். இது தொற்றுநோய்க்கான வாய்ப்புகளை உயர்த்தும். நீங்கள் சிறுநீர் கழிக்கும்போது, அந்த கிருமிகளை வெளியேற்றுவீர்கள். எனவே உடலுறவுக்கு பிறகு சிறுநீர் செல்வதை வழக்கமாக்கி கொள்ளுங்கள்.

தண்ணீர் குடிக்கவும்

உடலுறவிற்கு பின் சிறுநீர் கழிக்க வேண்டியது அவசியமாக இருப்பதால் தண்ணீர் குடிப்பது சிறந்த யோசனையாக இருக்கும். உங்கள் உடலில் அதிக நீர்ச்சத்து இருக்கும்போது உங்கள் உடலில் இருந்து அதிகளவு சிறுநீர் வெளியேறும். அதாவது தொற்றுநோய்கள் வெடிப்பதற்கு முன்பு அதிக பாக்டீரியாக்கள் உங்கள் உடலில் இருந்து வெளியேறும்.

லூசான ஆடைகளை அணியவும்

சூடான, வியர்வை நிறைந்த இடங்கள் பாக்டீரியா மற்றும் ஈஸ்ட் பாக்டீரியா அதிகம் வளரும் இடங்களாகும். எனவே உள்ளாடைகள் மற்றும் ஆடைகளில் நல்ல காற்றோட்டம் இருக்கும்படி அணிய வேண்டும். குறிப்பாக பெண்களின் உள்ளாடைகள் இறுக்கமானதாக இருக்கக்கூடாது. காட்டன் உள்ளாடைகள் அணிவது நல்ல பலன்களை ஏற்படுத்தும். அவை சுவாசிக்கக்கூடியவை மற்றும் ஈரப்பதத்தை உறிஞ்சும். பெரும்பாலும் படுக்கைக்கு செல்லும் முன் உள்ளாடைகள் அணிவதை தவிர்ப்பது நல்லது.

கைகளை கழுவவும்

உங்கள் அல்லது உங்கள் கூட்டாளியின் பிறப்புறுப்புகளைத் தொடுவதிலிருந்து நீங்கள் எடுக்கக்கூடிய பாக்டீரியாக்களை அகற்ற இது சிறந்த வழியாகும். நோய்த்தொற்றுகள் பரவாமல் தடுக்க இது முக்கியம். சோப்பு மற்றும் தண்ணீரைக் கொண்டு கழுவவும், உடலுறவிற்கு பிறகான உங்கள் தூய்மைப்படுத்தும் பணியில் இதையும் சேர்த்துக்கொள்ளவும்.

ஈஸ்ட் தொற்று

உடலுறவிற்கு முன்னரும், பின்னரும் ஈஸ்ட் தொற்று உங்கள் துணை மூலம் உங்களுக்கு பரவலாம். எனவே பிறப்புறுப்பில் எரிச்சல், அரிப்பு, வெள்ளை நிற திரவ வெளியேற்றம் போன்ற அறிகுறிகள் இருந்தால் அடுத்தமுறை உறவு கொள்ளும் முன் மருத்துவரை அணுகுவது நல்லது.

கர்ப்பகாலம்

பொதுவாக கர்ப்பகாலத்தில் உடலுறவு கொள்வது பாதுகாப்பானதுதான். ஆனால் இந்த காலக்கட்டத்தில் UTI தொற்று ஏற்படும் வாய்ப்பு மிகவும் அதிகமாகும். எனவே கர்ப்பகால உடலுறவுக்கு பிறகு கூடுதல் எச்சரிக்கை அவசியம். பிறப்புறுப்பை சுத்தப்படுத்துதல், சிறுநீர் கழித்தல், தண்ணீர் குடிப்பது போன்றவற்றை தவறாமல் செய்ய வேண்டும்.