குறட்டைக்கு நிரந்தரமாக குட்பை சொல்வதற்கு தூங்கும் முன் இந்த உணவுகளை சாப்பிடுங்க போதும்...!

தேன்

தேன் ஒரு வலுவான ஆண்டிமைக்ரோபிக் ஆகும், இது அடிக்கடி ஏற்படும் சளி மற்றும் காய்ச்சல் போன்ற பொதுவான நோய்த்தொற்றுகளுக்கு சிகிச்சையளிக்கப் பயன்படுகிறது. தேன் நாசிப் பாதையைத் திறந்து, காற்றை சுதந்திரமாகச் செல்ல அனுமதிக்கிறது.

புதினா

இந்த மூலிகை இலை கிட்டதட்ட அனைவரின் இல்லத்திலும் இருப்பதாகும். இந்த இலையில் ஆண்டிஸ்பாஸ்மோடிக் பண்புகள் நிரம்பியுள்ளது, இது மூக்கு மற்றும் தொண்டைக்குள் வீக்கத்தைக் குறைக்கிறது. புதினா டீயை படுக்கைக்கு முன் குடிப்பது அல்லது கொதிக்கும் நீரில் சில இலைகளை போட்டு ஆவி பிடிப்பது உங்களுக்கும், உங்கள் அருகில் இருபவர்க்ளுக்கும் ஆறுதல் அளிக்கும்.

பூண்டு

பூண்டு பல நூற்றாண்டுகளாக மருத்துவத்தில் பயன்படுத்தப்பட்டு வரும் ஒரு பொருளாகும். இதில் சில அளவிற்கு அதிகமான அழற்சி எதிர்ப்பு பண்புகள் உள்ளன. அதனால்தான், பொதுவான நோய்த்தொற்றுகளிலிருந்து விடுபட, மக்கள் பூண்டை வெறும் வயிற்றில் சாப்பிட பரிந்துரைக்கப்படுகிறார்கள். சிலர் குறட்டைவிடும் பழக்கத்தை போக்க இரவில் பச்சை பூண்டை சாப்பிடுவார்கள்.

சோயாபால்

குறட்டை விடுபவர்கள் பசும்பாலுக்கு பதிலாக சோயா பாலை உபயோகிக்கலாம். சில அலர்ஜி எதிர்வினைகள் நெரிசலை ஊக்குவிக்கின்றன, இது நாசி பாதைகளின் வீக்கத்திற்கு வழிவகுக்கும், எனவே லாக்டோஸ் சகிப்புத்தன்மை கொண்டவர்களிடம் குறட்டை விடும் பழக்கம் அதிகரிக்கிறது.

வெங்காயம்

வெங்காயம் ஒரு இன்றியமையாத சமையல் பொருள் என்பதை நாம் நன்கு அறிவோம்.வெங்காயத்தில் அத்தியாவசிய ஆன்டிஆக்ஸிடன்ட்கள் நிரம்பியிருப்பது மட்டுமின்றி, அவை உங்கள் நாசிப் பாதைகளை சுத்தம் செய்யக்கூடிய இயற்கையான டிகோங்கஸ்டெண்ட் பண்புகளைக் கொண்டுள்ளன. உங்கள் இரவு உணவில் சிறிது சமைத்த வெங்காயத்தைச் சேர்க்கவும், இது உங்கள் குறட்டையை குறைப்பதை நீங்களே உணரலாம்.

மீன்

மீனில் உள்ள புரதம் மற்றும் ஒமேகா 3 போன்ற கொழுப்பு அமிலங்களின் அதிக உள்ளடக்கம் நாசிப் பாதையைத் தடுக்கும் சளியின் உற்பத்தியை எதிர்த்துப் போராடுகிறது. சிவப்பு இறைச்சிக்கு பதிலாக இதனை உட்கொள்வது சிறந்த மாற்றாக இருக்கும்.

அன்னாசி

இந்த பழம் ஒரு இயற்கையான நெரிசல் நீக்கியாகும் மற்றும் மூக்கு மற்றும் தொண்டை அடைப்பை குணப்படுத்துகிறது. அன்னாசிப்பழம் எளிதில் ஜீரணமாகும், எனவே இரவு உணவுக்குப் பிறகு பயமின்றி சாப்பிடலாம்.