உங்க காதுக்குள்ள சத்தம் கேட்குதா? அப்ப இது ஆபத்தனா பிரச்சனையோட அறிகுறியா இருக்கலாமாம்...உஷார்!

கட்டிகள்

உங்கள் காதுக்குள் கேட்கும் இரைச்சல் ஒலிக்கு முக்கிய காரணங்களில் ஒன்று மண்டையோட்டு கட்டியின் வளர்ச்சியாக இருக்கலாம். அகஸ்டிக் நியூரோமா என்பது காதுகளை மூளையுடன் இணைக்கும் நரம்புகளில் உருவாகும் தீங்கற்ற கட்டிகள் ஆகும். இந்த கட்டிகள் வளரும்போது அவை காதுக்குள் ஒலியை ஏற்படுத்துகிறது. சீர்குலைந்த சிக்னல்கள் மற்றும் இரத்த ஓட்டம் காரணமாக, ஒருவர் ஒலிக்கும் ஒலிகளைக் கேட்கலாம். இதை சமநிலைப்படுத்துவதில் சிரமம் இருக்கலாம். மேலும், இதனால் காது கேளாமை பிரச்சனையையும் ஏற்பட வாய்ப்புள்ளது.

எலும்பு வளர்ச்சி

சில நேரங்களில் உங்கள் காதின் நடுப்பகுதியில் உள்ள எலும்பின் அசாதாரண வளர்ச்சி காது கேளாமைக்கு வழிவகுக்கும். இந்த டின்னிடஸ் கவனிக்கப்பட வேண்டிய ஆரம்ப அறிகுறியாக இருக்கலாம். டின்னிடஸ் என்பது காதிரைச்சல் என்றும் அழைக்கப்படுகிறது. இந்த நிலை உங்களுக்கு இருந்தால், உடனே நீங்கள் மருத்துவரை சந்திக்க வேண்டும்.

தமனிகள் அல்லது நரம்புகளின் கோளாறுகள்

ஒருவர் அடிக்கடி காதுக்குள் ஒலிக்கும் ஒலி பிரச்சனையை சந்தித்தால், இரத்த நாளங்களின் சுவர்களில் அதிகப்படியான அழுத்தத்தை செலுத்துவதால், அந்த நபருக்கு உயர் இரத்த அழுத்தம், இரத்த நாளங்கள் கடினப்படுத்துதல் மற்றும் பிளேக் போன்ற நோய்கள் இருக்க வாய்ப்பிருக்கலாம் எனக் கூறப்படுகிறது. இரத்த நாளங்களின் வீக்கம், தமனி-சிரை குறைபாடுகள் அல்லது அனீரிசிம்களும் ஏற்படலாம்.

தைராய்டு கோளாறுகள் (ஹைப்போ தைராய்டிசம்)

ஹைப்பர் தைராய்டிசம் பிரச்சனை மிகவும் அரிதானது. இது செவிப்புல அமைப்பை பாதிக்கும் வாய்ப்புகள் குறைவு. இருப்பினும், தைராக்ஸின் செவிப்புல அமைப்பின் இயல்பான வளர்ச்சிக்கு உதவுகிறது மற்றும் உடல் தைராக்ஸின் தேவையான அளவை விட குறைவாக உற்பத்தி செய்யும் போது, அது கேட்கும் திறனையும் பாதிக்கிறது. ஹைப்போ தைராய்டிசத்தால் பாதிக்கப்பட்டவர்களில் குறைந்தது 50% பேர் டின்னிடஸ் பிரச்சனையை அனுபவிப்பதாகவும், சரியான நேரத்தில் நடவடிக்கைகள் எடுக்கப்படாவிட்டால் கேட்கும் திறனை இழக்க நேரிடும் என்றும் பல்வேறு ஆய்வுகள் தெரிவிக்கின்றன.

குறைந்த ஹீமோகுளோபின் அளவு

உடல் முழுவதும் ஆக்ஸிஜனேற்றப்பட்ட இரத்தத்தை கொண்டு செல்ல இரும்புச்சத்து உதவுவதால், இரும்புச்சத்து குறைபாடு தமனிகளை கடினமாக பம்ப் செய்ய காரணமாகிறது. இதுபோன்ற சந்தர்ப்பங்களில், இதயம் கடினமாக செயல்படுகிறது மற்றும் பாதிக்கப்பட்டவர்கள் இதயத் துடிப்பைக் கேட்க முடியும். இவை பல்சடைல் டின்னிடஸ் என்று அழைக்கப்படுகிறது. அப்படிப்பட்டவர்கள் இதயம் தொடர்பான நோய்களுக்கும் ஆளாகிறார்கள் என்று நிபுணர்கள் தெரிவிக்கிறார்கள்.