மிகவும் சாதாரணமாக எடுத்துக் கொள்ளக்கூடாத புதிய கொரோனாவின் அறிகுறிகள்!

ஆரம்ப கால கொரோனா

ஒரு வருடத்திற்கும் மேலாக உலகமே கொரோனா வைரஸின் பிடியில் சிக்கி தவித்துக் கொண்டிருக்கிறது. பல ஆராய்ச்சியாளர்கள் வைரஸ் தாக்குதல்களுடன் தொடர்புடைய பல்வேறு அறிகுறிகளையும் வெளிப்படுத்தியுள்ளனர். ஆரம்பத்தில் சுவாச நோயாக அறியப்பட்ட இந்த கொரோனா, நாளடைவில் ஒட்டுமொத்த உடலையும் சேதப்படுத்தக்கூடிய திறன் கொண்டது என்பது தெரிய வந்தது.

முந்தைய கொரோனாவின் அறிகுறிகள்

ஆரம்பத்தில் பரவிய கொரோனாவானது காய்ச்சல், வறட்டு இருமல், சோர்வு ஆகிய அறிகுறிகளை நோயாளிகளிடையே வெளிக்காட்டியது. மேலும் நோயாளிகளில் சிலர் சுவாசிப்பதில் சிரமம் மற்றும் தசை வலி போன்றவற்றையும் புகாரளித்தனர். ஆனால் புதிய ஆய்வு ஒன்று, புதிய கோவிட்-19 அலை நோயாளிகளிடையே சில அசாதாரண அறிகுறிகளைக் கொண்டு வந்துள்ளது என்று கூறியது. இந்த அறிகுறிகள் புதிய கோவிட்-19 அறிகுறிகள் என்று அழைக்கப்படுகின்றன.

புதிய கோவிட்-19 அறிகுறிகள்

ஆராய்ச்சியாளர்களின் கூற்றுப்படி, புதிய கோவிட்- 19 அறிகுறிகளை யாரும் சாதாரணமாக எடுத்து புறக்கணிக்கக்கூடாது. அந்த அறிகுறிகளாவன இளஞ்சிவப்பு கண்கள், காஸ்ட்ரோனமிகல் நிலைமைகள் மற்றும் செவித்திறன் குறைபாடு போன்றவை. மேலும் வயிற்றுப்போக்கு, உடல் வலி, வயிற்று வலி மற்றும் வாந்தி போன்றவற்றால் அவதிப்பட்டவர்களுக்கு கொரோனா சோதனை செய்ததில், அவர்களுக்கு கொரோனா இருப்பது உறுதி செய்யப்பட்டதாக குஜராத்தில் உள்ள மருத்துவர்கள் அறிக்கையில் கூறியுள்ளனர்.

கண் பிரச்சனைகள்

புதிய கோவிட்-19 அலையின் அறிகுறிகளில் நோயாளிகள் இளஞ்சிவப்பு கண்கள் அல்லது வெண்படல நோயால் பாதிக்கப்படுவதாக ஒரு ஆய்வு கூறுகிறது. அந்த ஆய்வு அறிக்கையின் படி, கோவிட் நோயாளிகள் கண் சிவத்தல், கண் வீக்கம் மற்றும் கண்களில் இருந்து நீர் வடிதல் பிரச்சனையை சந்தித்து வருகின்றனராம். எனவே இரண்டாம் அலையின் போது நாவல் கொரோனா வைரஸின் இந்த அறிகுறிகளை புறக்கணிக்க வேண்டாம் என்று நிபுணர்கள் மக்களை வலியுறுத்தி வருகின்றனர். ஏனெனில் தற்போது இந்த வைரஸ் பரவுவதைத் தடுக்க ஒரே சிறந்த வழி விழிப்புடன் இருப்பது மட்டுமே.

அதிகபட்ச ஒரு நாள் கோவிட் இறப்பு வழக்கு

இந்த வார தொடக்கத்தில், இந்தியாவில் ஒரு நாளில் அதிகபட்சமாக செயலில் உள்ள கோவிட்-19 வழக்குகள் பதிவு செய்யப்பட்டுள்ளது. வியாழக்கிழமை அன்று, கொரோனாவால் ஒரு நாளில் இறந்தவர்களின் எண்ணிக்கை 685 ஆக பதிவாகி, தற்போது இறப்பு எண்ணிக்கை 1,66,862 ஆக அதிகரித்துள்ளது.