தினமும் 3 பேரிச்சம் பழத்தை பாலில் சேர்த்து சாப்பிடுவதால் என்னென்ன நன்மை கிடைக்கும் தெரியுமா?

தசை வலிமை அதிகரிக்கும்

தசைகளின் வலிமைக்கும், வளர்ச்சிக்கும் புரோட்டீன் மிகவும் அவசியம். பேரிச்சம் பழம் மற்றும் பால் ஆகிய இரண்டிலும் புரோட்டீன் அதிகம் உள்ளன. எனவே பேரிச்சம் பழ பாலை தினமும் குடிக்கும் போது தசைகள் வலிமையாவதோடு, எலும்புகளின் அடர்த்தியும் அதிகரித்து, எலும்புகளின் ஆரோக்கியமும் மேம்படும்.

பாலியல் ஆரோக்கியம் மேம்படும்

உடல் மற்றும் மன ஆரோக்கியத்தைப் போன்றே பாலியல் ஆரோக்கியமும் மிகவும் முக்கியமாகும். பாலியல் ஆரோக்கியம் சிறப்பாக இல்லாவிட்டால், அது மன ஆரோக்கியத்தை பாதிக்க ஆரம்பித்துவிடும். எனவே பாலியல் ஆரோக்கியம் சிறப்பபாக இருக்க வேண்டுமானால், பேரிச்சம் பழத்தை இரவு சிறிது நீரில் ஊற வைத்து, மறுநாள் காலையில், அதை மசித்து, வெதுவெதுப்பான பாலுடன் சேர்த்து உட்கொள்ள வேண்டும்.

உடலின் ஆற்றல் மேம்படும்

பேரிச்சம் பழத்தை பாலுடன் சேர்த்து காலை வேளையில் உட்கொண்டு வந்தால், பேரிச்சையில் உள்ள க்ளுக்கோஸ் மற்றும் ஃபுருக்டோஸ் உடலுக்கு வேண்டிய ஆற்றலைத் தருவதோடு, வயிறும் நிரம்பியிருக்கும். முக்கியமாக இந்த பாலை காலை உணவைத் தவிர்ப்பவர்கள் குடிப்பது நல்லது.

இரத்த சோகையை தடுக்கும்

பேரிச்சம்பழத்தில் இரும்புச்சத்து ஏராளமான அளவில் நிறைந்தள்ளன. எனவே பேரிச்சம் பழத்தை உடலில் இரத்தம் குறைவாக இருப்பவர்கள் உட்கொண்டு வந்தால், உடலில் இரத்தம் ஊறும். அதுவும் ஒரு மாதம் தினமும் 3 பேரிச்சம் பழத்தை நீரில் இரவு தூங்கும் முன் உட்கொண்டு ஊற வைத்து, மறுநாளை காலையில் பாலுடன் சேர்த்து உட்கொண்டு வந்தால், இரத்த சோகை பிரச்சனை குணமாகும்.

சரும பிரச்சனைகள்

வயது அதிகரிக்கும் போது சருமத்தில் பிரச்சனைகள் அதிகம் ஏற்படும். இது நிச்சயம் ஒருவித கவலையை பலருக்கும் உண்டாக்கும். ஆனால் தினமும் ஒரு டம்ளர் பேரிச்சம் பழ பாலை குடித்து வந்தால், அது முகப்பரு, சரும சுருக்கம், பொலிவிழந்த சருமம் போன்ற பிரச்சனைகளைத் தடுத்து, உடலில் இரத்த ஓட்டத்தை அதிகரித்து சருமத்தை ஜொலிக்க வைக்கும்.

செரிமான பிரச்சனைகள் நீங்கும்

நாம் அனைவருமே செரிமான பிரச்சனைகளை அவ்வப்போது சந்திப்போம். ஆனால் பேரிச்சம் பழத்தை பாலுடன் சேர்த்து உட்கொண்டு வந்தால், பேரிச்சம் பழத்தில் உள்ள நார்ச்சத்து, செரிமான செயல்முறையை மேம்படுத்தி ஆரோக்கியமான குடலியக்கத்திற்கு வழிவகுத்து, மலச்சிக்கல் போன்வற்றைத் தடுக்கும்.

மூட்டு வலி நீங்கும்

பாலில் கால்சியம் அதிகம் உள்ளது. எலும்புகளின் ஆரோக்கியத்திற்கு கால்சியம் இன்றியமையாதது. இனிமேல் பால் குடிக்கும் போது, அத்துடன் 3 பேரிச்சம் பழத்தை சேர்த்து சாப்பிடுங்கள். இதனால் எலும்புகளின் அடர்த்தி அதிகரிப்பதோடு, மூட்டு வலியில் இருந்தும் நிவாரணம் கிடைக்கும்.

பேரிச்சம் பழ பாலை தயாரிப்பது எப்படி?

* வெதுவெதுப்பான பாலில் 3 பேரிச்சம் பழத்தை சேர்த்து 15 நிமிடம் ஊற வைத்து, ஸ்பூன் கொண்டு மசித்து, பின் குடிக்க வேண்டும்.

* இன்னும் சிறப்பான பலன் கிடைக்க வேண்டுமானால், இரவு தூங்கும் முன் 3 பேரிச்சம் பழத்தை சிறிது நீரில் போட்டு இரவு முழுவதும் ஊற வைத்த, மறுநாள் காலையில் அந்த பேரிச்சம் பழத்தை மசித்து வெதுவெதுப்பான பாலில் கலந்து குடிக்க வேண்டும்.

* பேரிச்சம் பழ பாலை எப்போது வேண்டுமானாலும் குடிக்கலாம். ஆனால் இரவு தூங்குவதற்கு 30 நிமிடத்திற்கு முன்பு குடித்தால், நல்ல நிம்மதியான தூக்கத்தைப் பெறலாம்.