இந்த உணவுகளை சாப்பிடுவது உங்களுக்கு பெருங்குடலில் புண்ணை ஏற்படுத்தும் தெரியுமா?

அதிக நார்ச்சத்து இருக்கும் உணவுகள்

பழுப்பு அரிசி, குயினோ, ஓட்ஸ் போன்ற அதிக நார்ச்சத்து இருக்கும் உணவுகள் கொலிட்டிஸ் வலியை உண்டாக்கும் குறிப்பாக பெருங்குடல் புண்ணை உண்டாக்கும். அதிக நார்ச்சத்து இருக்கும் உணவுகள் செரிமானம் அடைய அதிக காலம் எடுத்துக்கொள்ளும், இதற்கு அதிக குடல் இயக்கங்கள் தேவைப்படும், மேலும் அடிவயிற்றில் வலியும் ஏற்படும்.

காஃபைன்

காபி, டீ மற்றும் அதிகளவு காஃபைன் இருக்கும் உணவுகள் உங்களுக்கு பெருங்குடல் புண்ணை ஏற்படுத்தும் வாய்ப்பு மிகவும் அதிகமாகும். கொலிட்டிசால் பாதிக்கப்பட்டவர்கள் இதனை அதிகளவு குடிக்கும் போது அது அவர்களின் குடல் இயக்கத்தை அதிகரிக்கும்.

காரமான உணவுகள்

மிகவும் காரமான உணவுகளை தவிர்க்க வேண்டியது அவசியமாகும் ஏனெனில் அது வயிற்றுப்போக்கை ஏற்படுத்த வாய்ப்புள்ளது. இது செரிமானக்கோளாறுகளின் மிகவும் முக்கியமான அறிகுறியாகும். குறைந்த காரத்தில் சாப்பிடும் உணவு விரைவில் செரிமானம் அடைந்துவிடும்.

சாக்லேட்

கொலிட்டிசால் பாதிக்கப்பட்டவர்கள் சாக்லேட் சாப்பிடுவதை முடிந்தளவு தவிர்ப்பது நல்லது. சாக்லேட்டில் இருக்கும் காஃபைன் மற்றும் சர்க்கரை குடல் இயக்க பாதையில் எரிச்சலை உண்டாக்கும். இதனால் அடிவயிற்றில் வலி மற்றும் வீக்கம் ஏற்படும்.

கொழுப்பு இறைச்சிகள்

கொலிட்டிஸ் பிரச்சினை இருக்கும்போது இறைச்சிகள் செரிமானம் அடைவது என்பது மிகவும் கடினமானது. அவை முழுமையாக குடலால் உறிஞ்சப்படுவதில்லை, இதனால் குடல் இயக்க பாதையில் எரிச்சல் ஏற்படும். இறைச்சி சாப்பிட ஆசைப்பட்டால் அதிகளவு கொழுப்பு இல்லாத குடலுக்கு பாதிப்பை ஏற்படுத்தாத இறைச்சியை சாப்பிடுங்கள்.

கார்பனேட் குளிர்பானங்கள்

சோடா, கோலா போன்ற கார்பனேற்றப்பட்ட குளிர்பானங்களில் இருக்கும் கார்பானிக் அமிலம் செரிமான பாதையில் வீக்கத்தை ஏற்படுத்தும், மேலும் கொலிட்டிஸ் பிரச்சினையை அதிகரிக்கும். மேலும் இதில் இருக்கும் காஃபைன் மற்றும் சர்க்கரை வாயுக்கோளாறு, இரைப்பை குழாயில் சிக்கல் போன்ற பிரச்சினைளை ஏற்படுத்தும்.

சோளம்

சோளம் என்பது மிகவும் செரிமானத்தில் அதிக சிக்கலை ஏற்படுத்தும் ஒன்றாகும். இதனை செரிமானம் அடைய செய்வது அவ்வளவு எளிதானதல்ல, இதனால் வயிற்றுப்போக்கு, இரைப்பை கோளாறு போன்ற பிரச்சினைகள் ஏற்படும். பெருங்குடல் புண் இருப்பவர்கள் இதனை கண்டிப்பாக சாப்பிடக்கூடாது.

மது

கொலிட்டிஸ் பிரச்சினை இருப்பவர்கள் கண்டிப்பாக மது அருந்தக்கூடாது. இது குடல் மற்றும் அதன் இயக்கங்களை வெகுவாக பாதிப்பதுடன் வயிற்றுப்போக்கு, குடல் அழற்சி போன்ற பிரச்சினைக்ளை உண்டாக்கும்.