இந்த அறிகுறிகள் இருந்தால் பெண்களுக்கு ஹார்மோன் கோளாறுகள் உள்ளது என்று அர்த்தம்

பருக்கள்

ஹார்மோன் பிரச்சினையால் பருக்கள் ஏற்படுவது இளம்வயதினருக்கு மட்டும் ஏற்படுவதில்லை. ஆனால் உங்களின் வழக்கமான மருந்துகள் உபயோகித்தும் பருக்களை குணமாகவில்லை என்றாலோ, அல்லது சில கன்னத்தில் பரு, உதட்டில் பரு போன்ற குறிப்பிட்ட இடங்களில் மட்டும் பருக்கள் தோன்றினால் உங்களுக்கு நிச்சயம் ஹார்மோன் சமநிலைமையின்மை பிரச்சினை உள்ளது. உங்கள் ஹார்மோன்கள் எண்ணிக்கையை சமநிலை படுத்த வேண்டியது அவசியம் இல்லையெனில் இந்த பருக்கள் நிரந்தரமாக இருக்க வாய்ப்புள்ளது.

முடி உதிர்வு

உங்களுக்கு மனநிலை மாறுபாடுகள் இல்லையென்றாலும் உங்களுக்கு ஹார்மோன் சமநிலையின்மை பிரச்சினை இருக்க வாய்ப்புள்ளது அதற்கு முக்கிய அறிகுறிதான் முடி உதிர்வு. முடி உதிர தொடங்குவது ஹார்மோன் சமநிலையின்மை தொடங்கியதற்கான அறிகுறி ஆகும். இதனை ஆரம்ப நிலையிலேயே கண்டறிந்து குணப்படுத்துவது அவசியமாகும் ஏனெனில் இது மிகவும் முக்கியமான பிரச்சினையாகும்.

கண் வறட்சி

சமநிலையற்ற ஹார்மோன்கள் உங்கள் கண்கள் மீது பெரிய பிரச்சினைகளை உருவாக்கும். புதியதாக கண் பிரச்சினைகளை நீங்கள் உணர்ந்தாலோஉங்களுக்கு ஹார்மோன்கள் சமநிலை பிரச்சினை உள்ள வாய்ப்புள்ளது. குறிப்பாக கண்களில் வறட்சி ஏற்பட்டால் இதனை உறுதிப்படுத்திக்கொள்ளுங்கள். மனஅழுத்தம், கர்ப்பகால பிரச்சினைகள், உறவு பிரச்சினைகள் போன்றவற்றால் ஹார்மோன்கள் சமநிலையின்மை பிரச்சினை ஏற்பட்டாலும் கண் வறட்சி ஏற்படும்.

முகத்தில் முடி

உங்கள் முகத்தில் வழக்கத்திற்கு மாறாக அதிகளவு முடி காணப்பட்டால் உங்களுக்கு ஹார்மோன் சமநிலையின்மை உள்ளது. அதிர்ஷ்டவசமாக, இது ஒரு நிரந்தர பிரச்சினை அல்ல. ஹார்மோன்களை மீண்டும் சமநிலைக்கு கொண்டு வருவது இந்த பிரச்சினையை சரிபண்ணும். எனவே இந்த பிரச்சினை தொடங்கியவுடன் உடனடியாக மருத்துவரை அணுகுவது நல்லது.

பார்வை குறைபாடுகள்

கண்களின் வறட்சி மட்டுமின்றி பார்வையில் பிரச்சினைகள் ஏற்படுவதும் ஹார்மோன்கள் சமநிலையின்மையின் அறிகுறியாகும். ஹார்மோன்கள் சமநிலையின்மை ஏற்படும்போது அது கண்களின் முன் மேற்பரப்பின் மீது சிறிய மாற்றங்களை ஏற்படுத்தக்கூடும். இதன் விளைவாக பார்வையில் சில கோளாறுகள் ஏற்படும். குறிப்பாக கர்ப்பகாலங்களில் இந்த பிரச்சினை அதிகம் ஏற்பட வாய்ப்புள்ளது.

தலைவலி

தலைவலி என்பது பல குறைபாடுகளின் அறிகுறியாக இருக்கிறது. ஆனால் தொடர்ச்சியான தலைவலி ஏற்படும்போது அது ஹார்மோன்களின் சமநிலையின்மையின் அறிகுறியாக கூட இருக்கலாம். 20 வயதுகளில் இருக்கும் பெண்களுக்கு அடிக்கடி தலைவலி ஏற்படுவது சகஜம்தான். ஏனெனில் இதற்கு காரணம் மனஅழுத்தம் மற்றும் பதட்டமாக இருக்கலாம். அதேசமயம் ஈஸ்ட்ரோஜன் ஹார்மோனின் குறைபாடும் தலைவலியை உண்டாக்க வாய்ப்புள்ளது.

பலவீனமான எலும்புகள்

உங்களுக்கு சமீபத்தில் எலும்பு முறிவுகள் ஏதேனும் ஏற்பட்டால் நிச்சயம் நீங்கள் உங்கள் ஹார்மோனின் அளவுகளில் கவனம் செலுத்த வேண்டியது அவசியம். எலும்புகளில் வலி மற்றும் எலும்பு தொடர்பான பிரச்சினைகள் இருந்தால் உங்களுக்கு ஹார்மோன் சமநிலையின்மை இருக்க வாய்ப்புள்ளது. போதுமான அளவு ஈஸ்ட்ரோஜன் இருக்க வேண்டியது எலும்புகளின் ஆரோக்கியத்திற்கு மிகவும் அவசியமான ஒன்று. இதனால் ஆஸ்டோபோனியா மற்றும் ஆஸ்டோபோரோசிஸ் போன்ற பிரச்னைகள் ஏற்பட வாய்ப்புள்ளது.

சிகிச்சை முறைகள்

மேலே சொன்ன அறிகுறிகள் மட்டுமின்றி மாதவிடாய் பிரச்சினை, சோர்வு, எடை அதிகரிப்பு போன்ற பிரச்சினைகள் கூட ஹார்மோன் சமநிலையின்மையின் அறிகுறியாக இருக்கலாம். ஹார்மோன் சமநிலையின்மை பெண்களின் அன்றாட செயல்பாடுகளில் பெரிய தாக்கத்தை ஏற்படுத்தும். இதனை சரிசெய்ய தேங்காய் எண்ணெய், கேரட், மீன், பூண்டு போன்ற பொருட்களை உணவில் அதிகம் சேர்த்துக்கொள்ள வேண்டும். மேலும் சரியான மருத்துவ சிகிச்சையும் இதற்கு அவசியம்.